[1] Shaff's recht aus fa mich, oh Hah, fa ich habb en unshuldich layva kfiaht, un ich habb mei hofning in dich gedu unni zveifla.
[2] Gukk mich ivvah, oh Hah, un broviah mich aus, broviah mei hatz un mei meind aus.
[3] Fa dei shtandhaftichi-leevi is fannich mei awwa, un ich lawf di gans zeit in dei voahheit.
[4] Ich hokk nett mitt falshi mennah, un ich hald mich nett uf mitt zvay-ksichtichi leit.
[5] Ich hass selli es zammah kumma fa evil du, un ich hokk nett mitt di gottlohsa.
[6] Ich vesh mei hend in unshuld, un lawf um dei awldah rumm, oh Hah.
[7] Ich dank dich mitt en laudi shtimm, un shvetz veyyich awl dei vundahboahri verka.
[8] Oh Hah, ich habb's haus leeb es du drinn voonsht, da blatz vo dei hallichkeit bleibt.
[9] Nemm mei sayl nett vekk mitt sindah, adda mei layva mitt mennah es bloot fagossa henn—
[10] mennah es evili vayya shund in iahra hend henn, un doon sich geahn ab kawfa lossa.
[11] Avvah fa mich, ich fiah en unshuldich layva, mach mich saylich, un sei gnaydich zu miah.
[12] Mei fees shtayn uf ayvanah grund, ich lohb da Hah in di grohs fasamling.