<Di Psaltah 114

[1] Vo Israel aus Egypta kumma is, vo's haus fumm Jakob aus en leit mitt en fremdi shprohch kumma is,

[2] dann is Juda em Hah sei heilichah blatz vadda; un Israel sei kaynich-reich.

[3] Da say hott gegukt un is difunn kshprunga; da Jordan Revvah is zrikk gedrayt.

[4] Di berga henn getshumbt vi shohf-bekk; un di hivla vi lemmah.

[5] Favass bisht du difunn kshprunga, oh say, un du, Jordan Revvah, es du zrikk gedrayt bisht?

[6] Diah berga, favass hend diah getshumbt vi shohf-bekk, un diah hivla vi lemmah?

[7] Shiddel fannich em Hah, oh eaht; fannich em Gott fumm Jakob,

[8] deah es da felsa in en vassah-loch gmacht hott, un da hatt shtay in en vassah-shpring.