<Di Psaltah 128

[1] Ksaykend is alli-ebbah es da Hah fircht, un in seim vayk lawft.

[2] Du esht di frucht es dei hend kshaft henn difoah; du zaylsht froh sei un's zayld goot gay mitt diah.

[3] Dei fraw zayld sei vi en fruchtboahrichah vei-shtokk, drinn in dei haus. Dei kinnah zayla sei vi yungi ayl-baym um dei dish rumm.

[4] Saynsht du, so vatt da mann ksaykend es da Hah fircht.

[5] Da Hah zayld dich saykna funn Zion; un du zaylsht sayna es es goot gayt fa Jerusalem awl di dawwa funn dei layva,

[6] un du zaylsht layva fa dei kinnah iahra kinnah sayna. Fridda sei uf Israel!