<Di Psaltah 113

[1] Lohb sei zumm Hah! Lohvet, diah gnechta fumm Hah; lohvet em Hah sei nohma.

[2] Glohbt is da nohma fumm Hah, funn nau biss in di ayvichkeit.

[3] Fumm blatz vo di sunn ufkumd biss vo see unnah gayt, soll em Hah sei nohma glohbt sei.

[4] Da Hah is hohch ivvah awl di heida, sei hallichkeit is ovvich di himla.

[5] Veah is vi da Hah unsah Gott, deah es hohch in di hay hokt,

[6] deah es sich bikt un runnah gukt uf di himla un di eaht?

[7] Eah haybt di oahma uf aus em shtawb, un selli es noht henn aus em esh-haufa.

[8] Eah hokt si nayvich di feddahshta nayvich di feddahshta funn sei leit.

[9] Eah gebt di unfruchtboah fraw frayt in di haymet, un macht si en fraylichi maemm mitt kinnah. Halleluja!