[1] گلئن ربّه سوئنجله اوخویاق، نئجاتیمیزین قایاسینا شادلیق سسئمئزی اوجالداق.
[2] اونون حوضورونا حمدله گلک، شادلیق سسئمئزی اونا پرستئش نغمه‌لری ائله اوجالداق.
[3] چونکی رب بؤیوک بئر تاری‌دیر؛ بوتون آللاهلاردان اوستون بؤیوک بئر پادشاه!
[4] یرئن درئن یرلری اونون الئنده‌دئر، داغلارین تپه‌لری ده اونوندور.
[5] دهنز اونوندور، چونکی اؤزو یارادیب. قورولوغا دا اونون اَللری شکئل ورئب.
[6] گلئن، پرستئش ادک و اَیئلک، بئزی یارادان ربّئن حوضوروندا دئزه دوشک!
[7] چونکی او، تاریمیزدیر، بئز اونون اوتلاغینین خالقی‌ییق، الئنئن قویونلاری‌ییق. کاشکی بو گون اونون سسئنی اشئده‌سئنئز!
[8] مِرئبادا، او گون چؤلده، مَسّادا اولدوغو کئمی، اورَکلرئنئزی برک اتمه‌یئن.
[9] او زامان آتالارینیز، عملئمی گؤردوکلری حالدا، منی ائمتاحان ادئب ثوبوت اتمه‌یه چکدئلر.
[10] قیرخ ائل او نسئلئن دردئنی چکدئم، ددئم: «بولار اورَکلرئنده آزمیش بئر خالقدیرلار، منئم یوللاریمی تانیمیرلار.»
[11] اونا گؤره ده قضبئمده آند ائچدئم کی، «منئم راحاتیما گئرمه‌یه‌جکلر.»