[1] پئس آدامین عوصیانی حاقدا اوره‌یئمئن دئبئنده بئر سؤز وار: اونون نظرئنده تارینین قورخوسو یوخدور،
[2] اؤزونو اؤز گؤزونده اله بَیَنمئش کی، گوناهینی گؤرمز، اوندان نئفرت اتمز.
[3] آغزینین سؤزلری شرارت و حئیله‌دئر. عاغیللانماقدان و یاخشیلیق اتمکدن ال چکئب.
[4] یاتاغینین اوستونده پئسلئک دوشونور؛ یاخشی اولمایان یولون اوستونده دورور؛ پئسلئکدن ائیر‌نمئر.
[5] یارب، محبّتئن گؤیلرده‌دئر، وفادارلیغین بولودلارا چاتیر،
[6] صالحلئیئن اوجا داغلار کئمی‌دئر، عدالتئن بؤیوک درئنلئکدئر؛ ائنسان و حیوانی سن حئفظ ادئرسن، یارب.
[7] محبّتئن نه دَیَرلی‌دئر، ای تاری! اونون اوچون ده، آدم اوغوللاری سنئن قانادلارینین کؤلگه‌سئنه پناه گتئرئرلر.
[8] سنئن اِوئنئن دولولوغوندان بول-بول دویورلار، اونلارا لذّتلرئنئن چاییندان سن ائچئردئرسن،
[9] چونکی حیاتین بولاغی سنده‌دئر، سنئن نوروندا نورو گؤروروک.
[10] سنی تانی‌یانلارا محبّتئنی، اوره‌یی دوز اولانلارا صالحلئیئنی همئشه گؤرسد.
[11] قویما کئبئرلی آدامین آیاغی ضئدّئمه گلسئن، ائجازه ورمه کی، پئس آدامین الی منی قووسون.
[12] اورادا فَساد ائشله‌ینلر دوشوبلر، ییخیلیبلار و قالخا بئلمه‌یه‌جکلر.