<Zəbur 113

[1] ربّه حمد ادئن! ای ربّئن قوللاری، اونا حمد ادئن، ربّئن آدینا حمد ادئن!

[2] ربّئن آدی ائندئدن ابده کئمی موبارک اولسون!

[3] گون دوغان یردن باتان یره قدر، ربّئن آدی حمد ادئلمه‌لی‌دئر.

[4] رب هامی مئلّتلردن اوجادیر، اونون شؤوکتی گؤیلردن یوخاری‌دیر.

[5] تاریمیز رب کئمی کئم وار؟! او، اوجالاردا اوتوروب،

[6] آمّا گؤیلرده و یر اوزونده اولانلارا باخماق اوچون اَیئلئر.

[7] ضعئف آدامی تورپاقدان قالدیریر، مؤحتاج آدامی کوللوکدن اوجالدیر کی،

[8] اعیانلارلا، خالقینین اعیانلاری ائله بئر یرده اوتورسون.

[9] سونسوز آروادا اِو ورئر، اونا اؤولاد ورمکله اونو بختور بئر آنا ادئر. ربّه حمد ادئن!