[1] قووّتئمئز اولان تارییا اوجا سسله اوخویون؛ یعقوبون تاریسینا شادلیقلا هارای چکئن.
[2] نغمه سسئنی اوجالدین، دف سسئنی، شئرئن سسلی طنبور و چنگ سسئنی.
[3] تزه آیدا، بدئر واختیندا، بایرامیمیزین گونونده شیپور چالین.
[4] چونکی بو، ائسرایئل اوچون بئر قایدادیر، یعقوبون تاریسینین حؤکمودور.
[5] مئصئر دئیارینین ضئدّئنه چیخان زامان، بونو یوسئفئن نسلئنه شهادت اوچون قویدو. بئر سس اشئتدئم، بئلمه‌دئیئم بئر دئلده:
[6] «اونون چئینئنی یوکدن قورتاردیم؛ اللری زنبئل‌لردن دئنجَلدی.
[7] دار گونونده چاغیردین، من سنی قورتاردیم. گؤی گورولتوسونون گئزلی یرئنده سنه جاواب وردئم؛ سنی مِرئبا سولارینین یانیندا ائمتاحان اتدئم. سِلا.
[8] اشئت، منئم خالقیم، سئزه ائخطار وره‌جیم؛ ای ائسرایئل، کاشکی منی بئر اشئده‌سئنئز!
[9] سئزئن آرانیزدا اؤزگه بئر تاری اولماسین، اجنبی بئر تارییا عئبادت اتمه‌یئن.
[10] رب تارین منم؛ سنی مئصئر دئیاریندان بورایا گتئرن! آغزینی یاخشی آچ و من اونو دولدورارام.
[11] لاکئن منئم خالقیم سسئمی اشئتمه‌دی، ائسرایئل منه موطئع اولمادی.
[12] اونون اوچون ده اونلاری اورَکلرئنئن عئنادینا بوراخدیم کی، اؤز ائسته‌دئکلرئنئن دالینجا گتسئنلر.
[13] کاشکی منئم خالقیم سسئمی اشئتسَیدی، ائسرایئل منئم یوللاریمدا گزسَیدی.
[14] دوشمنلرئنی بئر آندا ییخاردیم، الئمی خصملرئنئن ضئدّئنه قالدیراردیم.
[15] ربدن نئفرت ادنلر اونا دئز چؤکَردئلر، اونلارین هلاکتی ابدی اولاردی.
[16] آمّا سئزه بوغدانین لاپ اعلاسینی یدئردردئم، قایادان آخان باللا سئزی دویدوراردیم.»