[1] یارب سنه پناه گتئرئرم؛ خجالت آلتیندا منی هچ واخت قویما.
[2] اؤز صالحلئیئنده منی خئلاص ات، منی قورتار، منه قولاق آس و منه نئجات ور.
[3] منه سیغیناق قایا اول، اله کی، هر زامان اونا پناه گتئرئم؛ منئم نئجاتیما امر ات، چونکی منئم قایام، منئم قالام سنسن.
[4] ای تاریم، پئس آدامین الئندن، ائنصافسیز و قدّار آدامین ظولموندن منی قورتار،
[5] چونکی منئم اومئدئم سنسن، ای پروردئگار رب، جاوانلیغیمدان بل باغلادیغیم سنسن.
[6] دوغولدوغوم گوندن بری سنه سؤیکنمئشم؛ آنامین قارنیندان منی دونیایا گتئرن سنسن. همئشه حمدئم سنه‌دئر.
[7] چوخ آداملارا تعجّوبلو بئر علامت کئمی اولموشام، لاکئن سن منئم قووّتلی پناهیمسان.
[8] آغزیم سنئن حمدئنله دولودور، بوتون گون سنی عئزّتلندئرئرم.
[9] قوجالیغیمدا منی اؤزوندن آتما، قووّتئم کسئلدئیی زامان منی بوراخما.
[10] چونکی دوشمنلرئم ضئدّئمه دانیشیرلار؛ جانیمی گودَنلر بئربئرلری ائله مصلحتله‌شئرلر.
[11] دیئرلر: «تاری اونو بوراخیب؛ اونو قووالاییب توتون، چونکی اونو خئلاص ادن یوخدور.»
[12] مندن اوزاق دورما، ای تاری؛ ائمدادیما تز گل، تاریم!
[13] قوی جانیمین قصدئنه دورانلار اوتانیب محو اولسونلار، قوی ضررئمی آختارانلار روسوایلیق و رذالتله اؤرتولسونلر.
[14] آمّا من، دائم اومئد باغلاییب سنه داها چوخ حمد اده‌جیم،
[15] آغزیم بوتون گون سنئن صالحلئیئنی، سنئن نئجاتینی نئدا اده‌جک، گرچی اونلارین حدّئنی بئلمئرم.
[16] ای پروردئگاریم رب، سنئن قووّتئنده گله‌جیم؛ سنئن، آنجاق سنئن صالحلئیئنی نئدا اده‌جیم.
[17] ای تاری، جاوانلیغیمدان بری منه تعلئم ورئردئن؛ بو گونه کئمی سنئن عجایئب ائشلرئنی اعلان ادئرم.
[18] ائندی کی، باشیم آغاریب قوجایام، قودرتئنی گله‌جک نسله، گوجونو گله‌جکلرئن هر بئرئنه بئلدئرَنه قدر، منی بوراخما، ای تاری.
[19] صالحلئیئن گؤیه قدر اوجادیر، ای تاری، سن کی، بؤیوک ائشلر ادئبسن؛ ای تاری، سنئن کئمی کئم وار؟!
[20] سن کی، منی چوخلو چتئن بلالارا سالیبسان، لاکئن گئنه منی دئرئلده‌جکسن، تورپاغین درئنلئکلرئندن منی گئنه قالدیراجاقسان.
[21] منئم عظمتئمی آرتیراجاقسان، گئنه منه تسلّی وره‌جکسن.
[22] من ده سنئن وفادارلیغینی چنگله حمد اده‌جیم، ای تاری! طنبورلا سنه پرستئش نغمه‌سی اوخویاجاغام، ای ائسرایئلئن قودّوسو!
[23] سنه پرستئش نغمه‌سی اوخودوغوم زامان، دوداقلاریم و خئلاص اتدئیئن جانیم، بؤیوک بئر شادلیقلا سوئنه‌جک.
[24] دئلم ده بوتون گون سنئن صالحلئیئنی دئیه‌جک؛ چونکی ضررئمی آختارانلار اوتانیبلار، روسوای اولوبلار.