[1] ربّه حمد ادئن! ربّئن آدینا حمد ادئن! ای ربّئن قوللاری، اونا حمد ادئن؛
[2] سئز، ای ربّئن اِوئنده دورانلار، تارینین اِوئنئن صحنلرئنده دورانلار.
[3] ربّه حمد ادئن، چونکی رب یاخشی‌دیر؛ اونون آدینا پرستئش نغمه‌سی اوخویون، چونکی شئرئندئر.
[4] چونکی رب یعقوبو اؤزو اوچون، ائسرایئلی اؤز مولکو سچئب.
[5] بئلئرم رب بؤیوکدور، بئزئم پروردئگاریمیز بوتون آللاهلاردان یوخاری‌دیر.
[6] گؤی اوزونده، یر اوزونده، دهنزلرده، بوتون درئن یرلرده، رب ائسته‌دئیئنی ادئر.
[7] دونیانین نهایتئندن بولودلار قالدیریر، یاغیش اوچون شئمشک دوزَ‌لدئر؛ آنبارلاریندان یل گتئرئر.
[8] ائنساندان حیوانا قدر، مئصئر اهلئنه ائلک دوغولانلاری هلاک اتدی؛
[9] سنئن ائچئنده، ای مئصئر، فئرعونلا بوتون خئدمتچئلری اوستونه، علامتلر و مؤجوزه‌لر گؤندَ‌ردی.
[10] چوخ مئلّتلری هلاک اتدی، قودرتلی پادشاهلاری اؤلدوردو:
[11] اِمورلولارین پادشاهی سئخونو، باشان پادشاهی عوگو، کَنَعانین بوتون پادشاهلارینی.
[12] اونلارین تورپاغینی مئراث، اؤز خالقی ائسرایئله مئراث وردی.
[13] سنئن آدین ابدی‌دئر، یارب، سنئن شؤهرتئن بوتون نسئللرده گزئر، یارب؛
[14] چونکی رب اؤز خالقینی حاقلی چیخارداجاق، قوللارینا مرحمت اده‌جکدئر.
[15] مئلّتلرئن بوتلری گوموش و قیزیلدیر، ائنسان الئنئن ائشی‌دئر.
[16] آغیزلاری وار، لاکئن دانیشمیرلار. گؤزلری وار، لاکئن گؤرمورلر.
[17] قولاقلاری وار، لاکئن اشئتمئرلر؛ آغیزلاریندا نفس ده یوخدور.
[18] اونلاری قاییرانلار اونلار کئمی اولاجاقلار: اِله‌جه ده اونلارا توکّول ادن هر کس.
[19] ای ائسرایئل اِوی، ربّه حمد ادئن! ای هارون اِوی، ربّه حمد ادئن!
[20] ای لاوی اِوی، ربّه حمد ادئن! ای ربدن قورخانلار، ربّه حمد ادئن!
[21] اورشلئمده ساکئن اولان رب، صحیوندان موبارک اولسون! ربّه حمد ادئن!