[1] ای پروردئگار، سن بئزه مسکن اولوبسان؛ نسئل‌به‌نسئل؛
[2] داغلار دوغمادان اوّل، حتّا یر و دونیانی یاراتمادان اوّل. ازلدن ابده کئمی تاری سنسن!
[3] ائنسانی تورپاغا دؤندَ‌رئب دیئرسن: «قاییدین، ای ائنسان اؤولادلاری!»
[4] چونکی سنئن گؤزونده، بئر مئن ائل، کچئب-گتمئش دونَن کئمی‌دئر، گجه‌نئن بئر نؤوبه‌سی کئمی‌دئر.
[5] ائنسانلاری سوپوروب گؤتورورسن؛ بئر یوخو کئمی‌دئرلر، سحر واختی بئتن اوت کئمی‌دئرلر؛
[6] سحر واختی چئچکله‌نئب بئتر، آخشام واختی سولوب قورویار.
[7] بئز سنئن قضبئندن محو اولوروق؛ حئرصئن بئزی قورخودور.
[8] تقصئرلرئمئزی اؤز قاباغینا قویوبسان؛ گئزلی گوناهلاریمیزی اوزونون ائشیغینا.
[9] بوتون گونلرئمئز سنئن قضبئنده کچئر؛ ائللرئمئز بئر آه کئمی کچئب گدئر.
[10] عؤمروموز یتمئش ائلدئر، قووّتلی اولساق بلکه ده هشتاد. لاکئن اونون لاپ یاخشی زامانی دا آنجاق زحمت و مشقّتدئر. تزلئکله کچئب گدئر و اوچوب گدئرئک.
[11] قضبئنئن قودرتئنی کئم بئلئر؟ سنئن قورخون نجه‌دئر، اله ده سنئن قضبئن.
[12] اونا گؤره ده گونلرئمئزی سایماغی بئزه اؤیرت کی، حئکمتلی بئر اوره‌یه صاحئب اولاق.
[13] قاییت، یارب، نه واختا کئمی؟ قوللارینا مرحمت گؤرسد.
[14] سحر واختی بئزی محبّتئنله دولدور، اله کی، عؤمروموز بویو سوئنئب شادلاناق.
[15] بئزی ذلئل اتدئیئن گونلرئن ساییسینا قدر، موصئبت چکدئیئمئز ائللرئن ساییسینا قدر سوئندئر.
[16] قوی ائشلرئن قوللارینا گؤرونسون؛ سنئن شؤوکتئن اونلارین اوغوللارینا.
[17] قوی تاریمیز پروردئگارین لوطفو اوستوموزده اولسون. اللرئمئزئن ائشئنی بئزئم اوچون برقرار ات. بلی، اللرئمئزئن ائشئنی برقرار ات.