[1] ربّه شوکور ادئن، چونکی یاخشی‌دیر؛ چونکی محبّتی ابدی‌دئر.
[2] ربّئن خئلاص اتدئکلری بله دسئنلر؛ دوشمن الئندن خئلاص تاپانلار،
[3] شرقدن، قربدن، شئمالدان، جنوبدان، مملکتلردن بئر یره ییغدیقلاری.
[4] بعضئلری چؤلده، بومبوش کؤشنده سرگردان ائدئلر، ساکئن اولماغا بئر شهر تاپا بئلمئردئلر.
[5] آج و سوسوز، جانلاری ائچلرئنده طاقتدن دوشدو.
[6] او زامان دارلیقلاریندا ربّه فریاد اتدئلر، رب اونلاری دردلرئندن قورتاردی.
[7] دوز یولدا اونلاری هئدایت اتدی، او قدر کی، آوادان بئر شهره یتئشدئلر.
[8] قوی اونلار ربّه محبّتی اوچون شوکور اتسئنلر، اونون ائنسانلارا اتدئیی عجایئب ائشلری اوچون.
[9] چونکی سوسوز اولان جانی دویورور، آج جانی یاخشی شیلرله دولدورور.
[10] بعضئلری قارانلیقدا، ظولمتده یاشاییردیلار، فلاکت و دمئرلره باغلی!
[11] چونکی تارینین سؤزلرئنه عوصیان اتدئلر، اوجالاردا اولانین تدبئرئنه حقارتله باخدیلار.
[12] اونا گؤره، جانلارینی آغیر ائشله ذلئل اتدی؛ ییخیلدیلار و اونلارا کؤمک ادن یوخ ائدی.
[13] او زامان دارلیقلاریندا ربّه فریاد اتدئلر، رب اونلارا دردلرئندن نئجات وردی.
[14] اونلاری قارانلیقدان، ظولمتدن چیخارتدی، زنجئرلرئنی قیردی.
[15] قوی اونلار ربّه محبّتی اوچون شوکور اتسئنلر، اونون ائنسانلارا اتدئیی عجایئب ائشلری اوچون.
[16] چونکی بورونج قاپیلاری سیندیردی، دمئر چفته‌لری ائکی پارچالادی.
[17] آخماق آداملار عوصیانلاری اوزوندن، گوناهلاری اوزوندن فلاکته دوشدولر؛
[18] جانلاری هر جور یمکدن ائیره‌ندی، اؤلوم قاپیلارینا یاخینلاشدیلار.
[19] او زامان دارلیقلاریندا ربّه فریاد اتدئلر؛ رب اونلارا دردلرئندن نئجات وردی.
[20] کلامینی گؤندَ‌ردی و اونلارا شفا وردی، اونلاری اؤلوم قویوسوندان قورتاردی.
[21] قوی اونلار ربّه محبّتی اوچون شوکور اتسئنلر، اونون ائنسانلارا اتدئیی عجایئب ائشلری اوچون.
[22] قوی شوکور قوربانلاری تقدئم اتسئنلر، شاد ترنّومله اونون عمل‌لرئنی اعلان اتسئنلر.
[23] بعضئلری گمئلرده دهنزه اندئلر، قودرتلی سولاردا ائش بجرتدئلر.
[24] اونلار ربّئن عمل‌لرئنی گؤردولر، درئنلرده اونون عجایئب ائشلرئنی گؤردولر.
[25] چونکی امر اتدی، طوفان یلئنی قالدیردی کی، دهنزئن شپه‌لرئنی قالدیردیلار.
[26] گؤیه قالخدیلار، درئنلره اندئلر؛ جورعتلری بلالاریندان ارئدی.
[27] کفلی کئمی ساللاندیلار، لاخلاندیلار، عاغیل‌لاری باشلاریندان گتدی.
[28] او زامان دارلیقلاریندا ربّه فریاد اتدئلر؛ رب اونلارا دردلرئندن نئجات وردی.
[29] طوفانی یاتیردی، شپه‌لر ساکئت اولدو.
[30] او واخت سوئندئلر، چونکی ساکئتلئک ائدی. رب، اونلاری آرزو اتدئکلری بندره آپاردی.
[31] قوی اونلار ربّه محبّتی اوچون شوکور اتسئنلر، اونون ائنسانلارا اتدئیی عجایئب ائشلری اوچون.
[32] خالقین جاماعاتیندا اونو عئزّتلندئرسئنلر، آغساقّاللار مجلئسئنده اونا حمد اوخوسونلار.
[33] رب چایلاری چؤله دؤندَ‌رئر، سو چشمه‌لرئنی سوسوز قورولوغا،
[34] ثمره‌لی تورپاغی، اورادا ساکئن اولانلارین پئسلئیی اوزوندن شور تورپاغا دؤندَ‌رئر.
[35] چؤلو سو گؤلونه، قورو یری سو چشمه‌لرئنه دؤندَ‌رئر؛
[36] اورادا آجلاری ساکئن ادئر. اونلار یاشاماق اوچون بئر شهر بئنا ادئرلر،
[37] اکئن اکئرلر، اوزوم باغی تئکئرلر، محصول عمله گتئرئرلر.
[38] رب برکت ورئب اونلاری چوخ آرتیریر، قویمور دا کی، مال-حیوانلاری آزالسین.
[39] سورا، سئتم، دارلیق، و قوصّه اوزوندن آزالیب ذلئل اولورلار،
[40] امئرلرئن اوستونه حقارت تؤکور، یولسوز چؤلده اونلاری سرگردان ادئر.
[41] آمّا مؤحتاج آدامی فلاکتدن قالدیریر، اونون عایئله‌سئنی قویون-کچی سوروسو کئمی چوخالدیر.
[42] دوز آداملار گؤروب سوئنه‌جکلر؛ پئس اولان هرکس آغزینی یوماجاق.
[43] عاغیلّی اولان کئمدئر؟ قوی او بولارا قولاق آسسین، قوی ربّئن محبّتئنی درئن دوشونسون.