[1] بابئل چایلاری قیراغیندا، اورادا اوتوردوق، صحیونو یادا سالاندا آغلادیق.
[2] چنگلرئمئزی اورادا اولان سؤیود آغاجلاریندان آسدیق.
[3] چونکی اورادا، بئزی اسئرلئیه آپارانلار، بئزدن بئر نغمه ائسته‌دئلر، بئزه عذاب ورنلر بئزدن شنلئک طلب اتدئلر. دیئردئلر: «صحیون نغمه‌لرئندن بئرئنی بئزه اوخویون.»
[4] اجنبی تورپاغیندا ربّئن نغمه‌سئنی نجه اوخویاجاغیق؟
[5] اگر سنی یاددان چیخارتسام، ای اورشلئم، صاغ الئم هونرئنی یاددان چیخارتسین!
[6] اگر سنی خاطیرلاماسام، قوی دئلئم داماغیما یاپیشسین؛ اگر سنی، ای اورشلئم، لاپ بؤیوک شادلیغیمدان دا یوخاری توتماسام.
[7] یارب، اِدوملولاری بئر یادا سال کی، اورشلئمئن ییخیلدیغی گون ددئلر: «ییخین، اونو بونؤوره‌سئنه قدر ییخین!»
[8] ای سن، محو اولاجاق بابئل شهری؛ خوش اونون حالینا کی، بئزه اتدئیئنئن جزاسینی سنه ورسئن!
[9] خوش اونون حالینا کی، بالالارینی توتوب قایایا چیرپسین!