<Zəbur 149

[1] ربّه حمد ادئن! ربّه تزه بئر نغمه اوخویون، اونون حمدی موتّقئلرئنئن جاماعاتیندا اولسون.

[2] قوی ائسرایئل اؤز خالئقئنده سوئنسئن؛ قوی صحیون اؤولادلاری پادشاهلاریندا شادلیق اتسئن.

[3] قوی اونون آدینی رقصله حمد اتسئنلر، قوی اونا دف و طنبورلا پرستئش نغمه‌سی اوخوسونلار.

[4] چونکی رب اؤز خالقیندان راضی‌دیر؛ باشی آشاغی اولانلاری نئجاتلا گؤزل‌لَشدئرئر.

[5] قوی موتّقئلر عئزّت ائچئنده سوئنسئنلر؛ قوی یاتاقلاریندا سوئنجله ترنّوم اتسئنلر.

[6] آغیزلاریندا تارینین اوجا حمدی، اللرئنده ائکی آغیزلی قیلینج اولسون کی،

[7] مئلّتلردن ائنتئقام آلسینلار، طایفالاری تنبه اتسئنلر؛

[8] پادشاهلارینی زنجئرلرله، نجئبزاده‌لرئنی دمئر کونده‌لرله باغلاسینلار؛

[9] یازیلمیش اولان حؤکمو اونلارین ضئدّئنه یرئنه یتئرسئنلر. بو شرف اونون بوتون موتّقئلرئنئن‌دئر. ربّه حمد ادئن!