[1] سنه شوکور ادئرئک، ای تاری! سنه شوکور ادئرئک؛ سن یاخینسان، سنئن عجایئب ائشلرئن بونو اعلان ادئر.
[2] سن دیئرسن: «من موعیّن زامانی سچئرم؛ ائنصافلا حؤکم ادن منم.
[3] یر و بوتون اوندا اولانلار اسن زامان، اونون سوتونلارینی برک ادن منم.» سِلا
[4] مغرور آداملارا دیئرم: «آرتیق فخر اتمه‌یئن.» پئس آداملارا دیئرم: «قودرتئنئزی قالدیرمایین.
[5] قودرتلرئنئزی گؤیون ضئدّئنه قالدیرمایین، دئکباشلی دانیشمایین.»
[6] چونکی اوجالماق نه شرقدن گلئر، نه قربدن، نه ده چؤلدن.
[7] حؤکم ادن آنجاق تاری‌دیر؛ بئرئنی اِندئرئر، بئرئنی قالدیریر.
[8] چونکی ربّئن اَلئنده کاسا وار، ائچی قاریشیق قاینار شرابلا دولودور. رب اونو تؤکور، دوغرودان دا دونیانین هامی پئس آداملاری اونون دوردونو آخیراجاق چکئب ائچمه‌لی‌دئرلر.
[9] آمّا من ابده کئمی اعلان اده‌جیم، یعقوبون تاریسینا پرستئش نغمه‌سی اوخویاجاغام.
[10] «پئس آداملارین قودرتئنی سیندیرجاغام، لاکئن صالح آداملارین قودرتی قالدیریلاجاق.»