[1] رفتاریندا کامئل اولانلارین خوش حالینا، اونلار کی، ربّئن شرئعتئنده یاشاییرلار!
[2] اونون شهادتلرئنی ساخلایانلارین خوش حالینا، اونلار کی، بوتون اورَکله اونو آختاریرلار.
[3] هچ حاقسیزلیق اتمئرلر؛ اونون یوللاریندا یرئیئرلر.
[4] سن بئزه امر ادئبسن کی، قایدالارینی دئقّتله ساخلایاق.
[5] سنئن قانونلارینی ساخلاماق اوچون، کاشکی یوللاریم مؤحکم اولسون!
[6] او زامان سنئن بوتون امرلرئنه باخان واخت اوتانمارام.
[7] سنئن عادئل حؤکملرئنی اؤیرندئیئم زامان، صمئمی اورَکله سنه حمد اده‌جیم.
[8] قانونلارینی ساخلایاجاغام، منی اؤزوندن کامئل آتما. ب
[9] بئر جاوان یولونو نجه تمئز ساخلایا بئلر؟ سنئن سؤزلرئنه باغلی قالماقلا.
[10] بوتون اوره‌یئمله سنی آختارمیشام؛ امرلرئندن منی آزدیرما!
[11] سؤزونو اوره‌یئمده گئزلتمئشم کی، سنه گوناه اتمه‌یئم.
[12] سن موبارکسن، یارب! قانونلارینی منه اؤیرت.
[13] آغزیندان چیخان حؤکملرئنی دوداقلاریملا اعلان اتمئشم.
[14] شهادتلرئنه عمل ادنده اله شادلیق اتمئشم کی، اله بئل، بوتون مال-دؤولت منئم اولوب.
[15] قایدالارینی درئن دوشونورم؛ یوللارینا دئقّتله باخیرام.
[16] قانونلاریندا کف ادئرم؛ سنئن سؤزونو یاددان چیخارتمیرام. گ
[17] لوطفونو بو قولونا گؤرسد کی، یاشاییم و سؤزونو ساخلاییم.
[18] گؤزلرئمی آچ کی، شرئعتئندن عجایئب ائشلر گؤروم.
[19] یر اوزونده قرئبم؛ امرلرئنی مندن گئزلتمه.
[20] حؤکملرئنئن آرزوسوندان هر آن جانیم اَزئلئر.
[21] تکبّورلولره، لعنتلی‌لره سن آجیقلانیرسان، اونلار کی، سنئن امرلرئندن آزیرلار.
[22] خجالت و حقارتی اوستومدن گؤتور، چونکی سنئن شهادتلرئنی ساخلامیشام.
[23] حاکئملر ده ییغیلیب منئم ضئدّئمه دانیشیرلار، لاکئن بو قولون سنئن قانونلاریندا درئن دوشونور.
[24] شهادتلرئن منه بؤیوک کِفدئر، اونلاردان مصلحت آلیرام. د
[25] جانیم تورپاغا یاپیشیر؛ سؤزونه گؤره منی دئرئلت.
[26] یوللاریمی سنه بئلدئرمئشم، منه جاواب ورئبسن؛ قانونلارینی منه اؤیرت.
[27] قایدالارینی منه آنلات؛ اله کی، سنئن عجایئب ائشلرئنئن اوستونده درئن دوشونوم.
[28] جانیم قم-قوصّه‌دن ارئیئر؛ سؤزونه گؤره منه قووّت ور.
[29] یالان یولونو مندن اوزاقلاشدیر، شرئعتئنه گؤره منه مرحمت ات.
[30] وفا یولونو سچمئشم؛ حؤکملرئنی گؤزومون قاباغینا قویموشام.
[31] سنئن شهادتلرئنه یاپیشیرام؛ یارب منی اوتاندیرما!
[32] امرلرئنئن یولوندا قاچاجاغام، چونکی سن فراستئمه ووسعت ورئرسن. ه
[33] قانونلارینین یولونو منه اؤیرت، یارب، من اونو آخیراجاق ساخلایارام.
[34] منه فراست باغیشلا، من سنئن شرئعتئنی ساخلایارام؛ اونو بوتون اوره‌یئمله ساخلایارام.
[35] منی امرلرئنئن یولوندا گزدئر، چونکی اونلاردان کف ادئرم.
[36] اوره‌یئمی طاماحکارلیغا یوخ، شهادتلرئنه یاپیشدیر.
[37] بوش شیه باخماقدان گؤزلرئمی دؤندَر، اؤز یوللاریندا منی دئرئلت.
[38] وعده وردئیئن سؤزو بو قولون اوچون یرئنه یتئر، او سؤزو کی، اونو سندن قورخانلار اوچون وعده ورئبسن.
[39] قورخدوغوم حقارتی مندن سوووشدور، چونکی سنئن حؤکملرئن یاخشی‌دیر.
[40] باخ، قایدالارینین آرزوسوندایام؛ صالحلئیئنده منی دئرئلت. و
[41] محبّتئنی منه گؤرسد، یارب، سؤزونه گؤره منه نئجات ور.
[42] او زامان منه حقارت ادن آداما جاوابیم اولار، چونکی سنئن سؤزونه توکّول ادئرم.
[43] حقئقت سؤزونو آغزیمدان کامئل گؤتورمه، چونکی سنئن حؤکملرئنه اومئد باغلامیشام.
[44] شرئعتئنی همئشه، ابددن ابده‌جک ساخلایاجاغام.
[45] آزادلیقلا گزه‌جیم، چونکی سنئن قایدالارینی درئن دوشونموشم.
[46] پادشاهلار حوضوروندا دا سنئن شهادتلرئندن دانیشاجاغام، اوتانمایاجاغام.
[47] سودئیئم امرلرئنده کف ادئرم.
[48] سودئیئم امرلرئنه حؤرمت گؤرسده‌رم. قانونلارینی دئقّتله درئن دوشونه‌رم. ز
[49] قولونا ددئیئن سؤزو یادا سال کی، اونونلا منه اومئد وردئن.
[50] فلاکتئمده منه تسلّی اولان بودور کی، سنئن سؤزون منه حیات ورئب.
[51] تکبّورلو آداملار منه چوخ رئشخند ادئرلر، لاکئن سنئن شرئعتئندن دؤنمورم.
[52] قدئمدن اولان حؤکملرئنی خاطیرلادیم، یارب، تسلّی تاپمیشام.
[53] شرئعتئنی ترک ادن پئس آداملار اوزوندن حئرص منی توتوب.
[54] ساکئن اولدوغوم قوربت اِوئنده، سنئن قانونلارین منه پرستئش نغمه‌سی اولوب.
[55] گجه آدینی یادا سالیرام، یارب، شرئعتئنی ساخلاییرام.
[56] منئم پاییم بو اولوب، چونکی قایدالارینی ساخلامیشام. خ
[57] منئم پاییم سنسن، یارب؛ دمئشم کی، سنئن سؤزلرئنی ساخلایاجاغام.
[58] بوتون اوره‌یئمله سنه یالواریرام؛ سؤزونه گؤره منه مرحمتلی اول.
[59] یوللاریم حاقّیندا دوشوندوم، آیاقلاریمی سنئن شهادتلرئنئن طرفئنه دؤندَ‌ردئم.
[60] امرلرئنی ساخلاماق اوچون تله‌سدئم و یوبانمادیم.
[61] گرچی پئس آداملارین ائپلری منی دولاییب، لاکئن سنئن شرئعتئنی یاددان چیخارتمامیشام.
[62] گجه یاریسیندا قالخارام کی، عادئل حؤکملرئن اوچون سنه شوکور ادئم.
[63] سنئن قایدالارینی ساخلایانلارا، بوتون سندن قورخانلارا من دوستام.
[64] یر اوزو سنئن محبّتئنله دولودور، یارب؛ قانونلارینی منه اؤیرت. ت
[65] یارب، سؤزونه گؤره قولونا یاخشیلیق ادئبسن.
[66] منه یاخشی بصئرت و علم اؤیرت، چونکی سنئن امرلرئنه ائنانیرام.
[67] موصئبته دوشمه‌دن قاباق آزاردیم، آمّا ائندی سنئن سؤزونو ساخلاییرام.
[68] سن یاخشی‌سان و یاخشیلیق ادئرسن؛ قانونلارینی منه اؤیرت.
[69] تکبّورلو آداملار یالانلاری ائله منه قارا یاخیرلار، آمّا من سنئن قایدالارینی بوتون اورَکله ساخلایارام.
[70] اونلارین اوره‌یی یاغدان پئی باغلاییب، آمّا من سنئن شرئعتئنده کف ادئرم.
[71] موصئبته دوشمه‌یئم منئم اوچون یاخشی اولدو، اله کی، سنئن قانونلارینی اؤیره‌نئم.
[72] آغزیندان چیخان شرئعت منئم اوچون مئنلر قیزیلدان، مئنلر گوموشدن داها یاخشی‌دیر. ی
[73] سنئن اللرئن منی یاراتدی، منی مؤحکم ساخلادی؛ منه فراست ور کی، امرلرئنی اؤیره‌نئم.
[74] سندن قورخانلار منی گؤرن زامان سوئنه‌جکلر، چونکی سنئن سؤزونه اومئد باغلامیشام.
[75] یارب بئلئرم کی، حؤکملرئن دوغرودور، منی موصئبته سالدیغین حالدا دا وفالی‌سان.
[76] بو قولونا وردئیئن سؤزونه گؤره، محبّتئن منه تسلّی ورسئن.
[77] قوی مرحمتلرئن منه گلسئن کی، یاشاییم؛ چونکی سنئن شرئعتئن منئم کفئمدئر.
[78] قوی تکبّورلو آداملار اوتانسینلار، چونکی یالانلا منی آلداتدیلار؛ آمّا من سنئن قایدالارینی درئن دوشونه‌جیم.
[79] قوی سندن قورخانلار، سنئن شهادتلرئنی بئلنلر منه دؤنسونلر.
[80] اوره‌یئم سنئن قانونلاریندا کامئل اولسون کی، خجالت آلتیندا قالماییم. ک
[81] جانیم سنئن نئجاتینا حسرت چکئر، سنئن سؤزونه اومئد باغلاییرام.
[82] سؤزونه ائنتئظار چکمکدن گؤزلرئمئن نورو گدئر، دیئرم: «نه زامان منه تسلّی وره‌جکسن؟»
[83] توستو ائچئنده‌کی تولوق کئمی اولموشام، آمّا گئنه ده سنئن قانونلارینی یاددان چیخارتمیرام.
[84] بو قولونون گونلری نه قدردئر؟ نه زامان منه عذاب ورنلره حؤکم اده‌جکسن؟
[85] شرئعتئنه اهمئیّت ورمه‌ین تکبّورلو آداملار، منئم ضئدّئمه قویو قازیبلار.
[86] سنئن بوتون امرلرئن اعتئبارلی‌دیر؛ آداملار ناحاق یره منه عذاب ورئرلر؛ ائمدادیما یتئش!
[87] آز قالدی کی، منی یر اوزوندن محو اتسئنلر، آمّا من سنئن قایدالارینی ترک اتمه‌مئشم.
[88] محبّتئنه گؤره منی دئرئلت کی، آغزینین شهادتئنی ساخلاییم. ل
[89] یارب سؤزون گؤیلرده همئشه‌لئک ثابئتدئر.
[90] وفادارلیغین نسئلدن-نسئله سورور؛ یری قوردون، و دورور.
[91] سنئن حؤکملرئنئن اوستونده‌دئر کی، بو گونه کئمی دورورلار، چونکی هامیسی سنئن قوللارین‌دیرلار.
[92] اگر شرئعتئن منئم کفئم اولماسایدی، موصئبتئمده یوخ اولوب گتمئش ائدئم.
[93] سنئن قایدالارینی هچ واخت یاددان چیخارتمارام، چونکی اونلارلا منه حیات ورئبسن.
[94] من سنئنکی‌یَم، منه نئجات ور، چونکی سنئن قایدالارینی درئن دوشونموشم.
[95] پئس آداملار منی یوخ اتمک اوچون گودورلر، آمّا سنئن حؤکملرئنی آراشدیریرام.
[96] کامئل اولان هر شیئن ده حدّئنی گؤرورم، لاکئن سنئن امرئن حدسئزدئر. م
[97] سنئن شرئعتئنی نه قدر سوئرم! بوتون گون بوتون فئکئرئم اودور.
[98] امرلرئن منی دوشمنلرئمدن داها عاغیلّی ادئر، چونکی اونلار همئشه منئمله‌دئر.
[99] فراستئم بوتون موعلّئملرئمدن داها چوخدور، چونکی فئکر اتدئکلرئم سنئن شهادتلرئن‌دئر.
[100] قوجالاردان داها چوخ آنلاییرام، چونکی سنئن قایدالارینی ساخلاییرام.
[101] آیاقلاریمی هر پئس یولدان ساخلامیشام کی، سنئن سؤزونو حئفظ ادئم.
[102] حؤکملرئندن چیخمامیشام، چونکی سن اؤزون اونلاری منه اؤیردئبسن.
[103] سؤزلرئن داماغیما نه قدر شئرئندئر! آغزیما بالدان دا شئرئندئر!
[104] قایدالارینی آراشدیریرام؛ اونا گؤره ده، هر یالان یولدان نئفرت ادئرم. ن
[105] سؤزون آیاقلاریم اوچون چیراق، یولوم اوچون ائشیقدیر.
[106] آند ائچئب تصدئق اتمئشم کی، سنئن صالح حؤکملرئنی ساخلایاجاغام.
[107] یامان ذلئل اولموشام؛ یارب، سؤزونه گؤره منی دئرئلت.
[108] آغزیمین کؤنوللو حمدلرئنی قبول ات، یارب، حؤکملرئنی منه اؤیرت.
[109] گرچی جانیم دائم خطرده‌دئر، آمّا گئنه ده شرئعتئنی یاددان چیخارتمیرام.
[110] پئس آداملار منئم اوچون تله قوروبلار، آمّا گئنه ده سنئن قایدالاریندان آزمامیشام.
[111] سنئن شهادتلرئن ابدی مئراثیمدیر، چونکی اونلار اوره‌یئمئن شادلیغی‌دیر.
[112] اوره‌یئمی بونا باغلامیشام کی، سنئن قانونلارینی ابده کئمی، آخیرا قدر، یرئنه یتئرئم. ث
[113] فئکرئنده ثابئت اولمایان آدامدان نئفرت ادئرم، لاکئن سنئن شرئعتئنی سوئرم.
[114] پناه آپاراجاق یرئم و قالخانیم سنسن؛ سنئن سؤزونه اومئد باغلاییرام.
[115] مندن اوزاقلاشین، سئز فساد ائشله‌ینلر، من تاریمین امرئنی یرئنه یتئره‌جیم.
[116] سؤزونه گؤره منی ساخلا کی، یاشاییم؛ اومئدئمی بوشا چیخارتما.
[117] منی آیاقلاریم اوستونده ساخلا کی، نئجات تاپیم؛ قانونلارینی همئشه نظره آلاجاغام.
[118] قانونلاریندان آزان هر کسی سن ردّ ادئرسن، چونکی اونلارین حئیله‌سی یالاندیر.
[119] یر اوزونون بوتون پئس آداملارینی، دمئرئن یانیغی کئمی چؤله آتیرسان؛ اونا گؤره ده، سنئن شهادتلرئنی سوئرم.
[120] بدنئم سنئن قورخوندان تئتره‌یئر، سنئن حؤکملرئندن یامان قورخورام. ع
[121] ائنصاف و عدالتی یرئنه یتئرمئشم؛ منی، منه ظولم ادنلرئن الئنه بوراخما.
[122] قولونا یاخشیلیق اوچون ضامئن اول؛ قویما تکبّورلو آداملار منه ظولم اتسئنلر.
[123] سنئن نئجاتینا، سنئن عادئل سؤزونه ائنتئظار چکمکدن گؤزومون نورو گدئر.
[124] اؤز محبّتئنه گؤره بو قوللا رفتار ات، قانونلارینی منه اؤیرت.
[125] من سنئن قولونام؛ منه فراست ور کی، شهادتلرئنی بئلئم.
[126] ائندی سنئن ائشله‌یه‌جک واختیندیر، یارب، چونکی شرئعتئنی آیاق آلتینا قویوبلار.
[127] اونا گؤره امرلرئنی سوئرم، قیزیلدان، بلی خالئص قیزیلدان دا چوخ.
[128] اونا گؤره هر شیده بوتون قایدالارینی ساخلاییرام؛ هر یالان یولدان نئفرت ادئرم. پ
[129] شهادتلرئن عجایئبدئر؛ بونون اوچون جانیم اونلاری ساخلاییر.
[130] کلامینین آچیلیشی ائشیقلاندیریر؛ ساده آداما فراست ورئر.
[131] آغزیمی آچیب آه چکئرم، چونکی سنئن امرلرئنه حسرت چکئرم.
[132] منه باخ و منه یازیغین گلسئن، نجه کی، آدینی سونلر اوچون سنئن عادتئندئر.
[133] قدملرئمی سؤزلرئنله مؤحکملَندئر، قویما هچ حاقسیزلیق منه حاکئم اولسون.
[134] ائنسان ظولموندن منی قورتار کی، سنئن قایدالارینی ساخلاییم.
[135] اوزونو بو قولونون اوستونه ائشیقلاندیر، قانونلارینی منه اؤیرت.
[136] گؤزلرئمدن سو آرخلاری آخیر، چونکی ائنسانلار سنئن شرئعتئنی ساخلامیرلار. ص
[137] یارب، سن صالحسن، حؤکملرئن دوغرودور.
[138] بویوردوغون شهادتلر عادئل و چوخ اعتئبارلی‌دیر.
[139] قیرتئم منی یاندیریب تؤکور، چونکی دوشمنلرئم سنئن سؤزلرئنی یاددان چیخاردیبلار.
[140] سنئن سؤزون چوخ خالئصدئر؛ بونون اوچون قولون اونو سوئر.
[141] من کئچئیم، حقئرم، آمّا گئنه ده قایدالارینی یاددان چیخارتمیرام.
[142] صالحلئیئن ابده کئمی صالحدئر، شرئعتئن حقئقتدئر.
[143] دارلیق و مشقّت منی اؤزونده بوغوب، آمّا گئنه ده امرلرئن اوریئمئن کفی‌دئر.
[144] شهادتلرئن ابده کئمی صالحدئر؛ منه فراست ور کی، حیات تاپیم. ق
[145] بوتون اوره‌یئمدن چاغیریرام؛ منه جاواب ور، یارب! قانونلارینی ساخلایاجاغام.
[146] سنی چاغیریرام؛ منه نئجات ور. شهادتلرئنی ساخلایاجاغام.
[147] سحر، گونون دوغماسیندان قاباق قالخیرام، کؤمه‌یه چاغیریرام؛ سنئن سؤزونه اومئد باغلاییرام.
[148] گجه نؤوبه‌لرئنده گؤزلرئم اویاقدیر کی، وردئیئن سؤزون اوستونده درئن دوشونوم.
[149] محبّتئنه گؤره سسئمی اشئت؛ یارب، عدالتئنه گؤره منی دئرئلت.
[150] حئیله دالینجا قاچانلار یاخینلاشیرلار؛ سنئن شرئعتئندن چوخ اوزاقدیرلار.
[151] یاخین اولان سنسن، یارب، بوتون امرلرئن حقئقتدئر.
[152] سنئن شهادتلرئن حاقّیندا چوخدان بئلمئشم کی، اونلاری ابده کئمی برقرار ادئبسن. ر
[153] دوشدویوم فلاکته باخ، منی خئلاص ات، چونکی سنئن شرئعتئنی یاددان چیخارتمیرام.
[154] دادیما سن یتئش و منی قورتار؛ سؤزونه گؤره منی دئرئلت.
[155] نئجات پئس آداملاردان اوزاقدیر، چونکی سنئن قانونلارینی آختارمیرلار.
[156] یارب، مرحمتلرئن چوخدور؛ حؤکملرئنه گؤره منی دئرئلت.
[157] منه عذاب ورنلر و دوشمنلرئم چوخدورلار، آمّا گئنه ده سنئن شهادتلرئندن دؤنمورم.
[158] خائنلری گؤرورم و اونلاردان ائیره‌نئرم، چونکی سنئن سؤزونو ساخلامیرلار.
[159] گؤر سنئن قایدالارینی نجه سوئرم! محبّتئنه گؤره منی دئرئلت، یارب.
[160] سؤزلرئنئن بونؤوره‌سی حقئقتدئر، عدالتلی حؤکملرئنئن هر بئری ابدی‌دئر. ش
[161] حاکئملر سببسئز منه عذاب ورئرلر، لاکئن اوره‌یئم سنئن سؤزوندن قورخور.
[162] سنئن سؤزوندن سوئنئرم، بؤیوک بئر قنئمت تاپان بئر آدام کئمی.
[163] یالاندان نئفرت ادئرم، ائیره‌نئرم، لاکئن سودئیئم سنئن شرئعتئندئر.
[164] سنئن عدالتلی حؤکملرئن اوچون، گونده یدّی دفه سنه حمد ادئرم.
[165] شرئعتئنی سونلره بؤیوک آراملیق وار، هچ شی اونلاری سوروشدورمه‌یه‌جک.
[166] یارب، سنئن نئجاتینا اومئد باغلاییرام، سنئن امرلرئنی یرئنه یتئرئرم.
[167] جانیم شهادتلرئنی ساخلاییر، اونلاری چوخ سوئرم.
[168] قایدالارینی، شهادتلرئنی ساخلاییرام، چونکی بوتون یوللاریم سنئن گؤزونون قاباغیندادیر. ت
[169] قوی فریادیم سنه چاتسین، یارب؛ سؤزونه گؤره منه فراست ور.
[170] یالواریشیم حوضورونا یتئشسئن؛ سؤزونه گؤره منی قورتار.
[171] دوداقلاریم حمد اوخویار، چونکی قانونلارینی منه، سن اؤیرَ‌دئرسن.
[172] دئلئم سنئن سؤزونو اعلان ادر، چونکی بوتون امرلرئن صالحدئر.
[173] قوی الئن کؤمه‌یئم اولسون، چونکی سنئن قایدالارینی سچمئشم.
[174] نئجاتینا حسرت چکئرم، یارب، شرئعتئن اوریئمئن کفی‌دئر.
[175] قوی جانیم یاشاسین کی، سنه حمد ادئم. قوی حؤکملرئن ائمدادیما چاتسین.
[176] ائتمئش بئر قویون کئمی آزمیشام؛ بو قولونو آختار، چونکی امرلرئنی یاددان چیخارتمیرام.