[1] یارب، پادشاه سنئن قووّتئنده شادلیق ادئر؛ سنئن وردئیئن ظفرلر اوچون، اونون شادلیغی نه قدر بؤیوکدور!
[2] اوره‌یئنئن آرزوسونو اونا ورئبسن، دوداقلارینین ائسته‌دئیئنی اسئرگمه‌یئبسن. سِلا
[3] گؤزل برکتلرله پئشوازینا چیخدین، باشینا خالئص قیزیلدان تاج قویدون.
[4] سندن حیات ائسته‌دی، سن اونا وردئن؛ اوزون عؤمور، ابددن ابده‌جک.
[5] سنئن اونا وردئیئن ظفره گؤره، اونون عئزّتی بؤیوکدور؛ اوستونه شؤوکت و جلال قویوبسان.
[6] یقئن کی، اونا ابدی برکتلر ورئبسن حوضورونون شادلیغی ائله اونو سوئندئرئبسن.
[7] چونکی پادشاه ربّه توکّول ادئر؛ اوجالاردا اولانین محبّتی ائله یرئندن ترپنمه‌یه‌جک.
[8] الئن بوتون دوشمنلرئنی تاپاجاق؛ صاغ الئن سندن نئفرت ادنلری تاپاجاق.
[9] اؤزونو ظاهئر اتدئیئن زامان، یارب، اونلاری اودلو تندئر کئمی اده‌جکسن؛ رب حئدّتئنده اونلاری اوداجاق، اود اونلاری ییئب بئتئره‌جک.
[10] اونلارین اؤولادلارینی یر اوزوندن، اونلارین نسلئنی ائنسانلار آراسیندان محو اده‌جکسن.
[11] گرچی سنئن ضئدّئنه پئس نئیّتلر ادئرلر، شرارت دوشونورلر، آمّا باجارا بئلمئرلر.
[12] چونکی کامانینی اونلارا طرف چکدئیئن زامان، اونلاری قاباغیندان قاچماغا مجبور اده‌جکسن.
[13] یارب، قودرتئنله اوجالیغینی گؤرسد! سنئن قودرتئنه اوخویاجاغیق، اونا پرستئش نغمه‌لری اوخویاجاغیق.