[1] ای حمدئمئن تاریسی، ساکئت دورما،
[2] چونکی پئس آداملار، آلداتان آداملار، آغیزلارینی اوستومه آچدیلار؛ منئم ضئدّئمه یالان دئل‌لرله دانیشیرلار.
[3] نئفرت دولو سؤزلرله منی دؤوره‌له‌یئبلر، سببسئز منئمله ساواشیرلار.
[4] محبّتئمئن عوضئنده منه بؤهتان آتیرلار، لاکئن من دوعا ادئرم.
[5] بله‌جه یاخشیلیغیمین عوضئنده پئسلئک، سوگئمئن عوضئنده نئفرت ادئرلر.
[6] اونون اوستونه پئس بئر آدام تعیئن ات، قوی مذمّت ادن اونون صاغیندا دورسون.
[7] حؤکم اولوندوغو زامان تقصئرکار چیخسین، دوعاسی دا گوناه ساییلسین.
[8] قوی اونون گونلری آز اولسون، وظئفه‌سئنی اؤزگه‌سی آلسین.
[9] قوی اوشاقلاری یتئم، آروادی دول اولسون.
[10] قوی اؤولادلاری دئد‌رگئن اولوب یولچولوغا دوشسونلر؛ چؤرکلرئنی وئرانه‌لرئنده آختارسینلار.
[11] قوی طلبکار اونون بوتون وار-یوخونو آلسین، قازاندیغینی اؤزگه‌لر قارت اتسئنلر.
[12] قوی اونا مرحمت گؤرسه‌دن اولماسین، اونون یتئملرئنه ده رحم ادن تاپیلماسین.
[13] قوی اونون نسلی کسئلسئن، گله‌جک نسئلدن آدلاری سئلئنسئن.
[14] آتالارینین تقصئری ربّئن حوضوروندا خاطیرلانسین، آناسینین گوناهی دا سئلئنمه‌سئن.
[15] گوناهلاری همئشه ربّئن حوضوروندا اولسون، رب اونلارین ذئکرئنی یر اوزوندن کسسئن؛
[16] چونکی مرحمت گؤرسدمه‌یی یادینا گتئرمه‌دی، لاکئن فاغیر و مؤحتاج آداما عذاب وردی. چالیشدی کی، اوره‌یی سینمیش آدامی اؤلدورسون.
[17] لعنت اتمه‌یی سِودی؛ قوی لعنت اونون اؤز باشینا گلسئن، برکتدن خوشلانمادی؛ قوی برکت اوندان اوزاق اولسون.
[18] لعنتی پالتار کئمی گِیدی؛ قوی لعنت سو کئمی اونون ائچئنه، یاغ کئمی اونون سوموکلرئنه گئرسئن.
[19] قوی او لعنت اونا، گیدئیی پالتار کئمی، بلئنه باغلادیغی قاییش کئمی اولسون.
[20] قوی منی مذمّت ادنلر اوچون، منئم ضئدّئمه پئس سؤزلر دئینلر اوچون، بو، ربّئن جزاسی اولسون.
[21] لاکئن سن، یارب، ای پروردئگار، آدینین خاطئرئنه گؤره منئمله عمل ات؛ چونکی سنئن محبّتئن یاخشی‌دیر، منی قورتار.
[22] چونکی من فاغیر و مؤحتاجام، اوره‌یئم ائچئمده یارالی‌دیر.
[23] گون باتان واختیندا محو اولان کؤلگه کئمی‌یَم، سئلکئنئب آتیلمیش چیئرتگه کئمی‌یَم.
[24] دئزلرئم اوروج توتماقدان اَسئر، بئر دری، بئر سوموک قالمیشام.
[25] مذمّت ادنلرئم اوچون رئشخند سببی اولموشام؛ منی گؤرن زامان باشلارینی ترپه‌دئرلر.
[26] منه کؤمک ات، یارب، تاریم! محبّتئنه گؤره منه نئجات ور کی،
[27] بئلسئنلر بو، سنئن الئندئر؛ بونو ادن سنسن، یارب!
[28] قوی اونلار لعنت اتسئنلر، لاکئن سن برکت ورئرسن. قالخان زامان قوی اوتانسینلار، لاکئن قوی سنئن قولون شادلیق اتسئن.
[29] قوی مذمّت ادنلرئم خجالته بورونسونلر، ردا کئمی خجالتلری ائله اؤرتونسونلر.
[30] آغزیملا ربّه چوخ شوکور اده‌جیم؛ بلی، جاماعاتلار آراسیندا اونا حمد اده‌جیم.
[31] چونکی رب مؤحتاجین صاغیندا دورور کی، حؤکم ادنلرئنئن الئندن اونا نئجات ورسئن.