[1] هر زامان ربّه ثنا اده‌جیم، اونون حمدی همئشه آغزیمدا اولاجاق.
[2] جانیم ربّه حمد اوخویاجاق، قوی فاغیر آدام اشئدئب سوئنسئن.
[3] گلئن بئرلئکده ربّئن بؤیوکلویوندن دانیشاق، اونون آدینی بئرلئکده اوجالداق.
[4] ربّی آختاردیم و منه جاواب وردی؛ منی بوتون قورخولاریمدان خئلاص اتدی.
[5] اونا باخانلار شفقلندئلر؛ اونلارین اوزو خجالتلی اولمادی.
[6] بو یازیق آدام اونو چاغیردی، رب اونون سسئنی اشئتدی؛ رب اونو بوتون دارلیقلاریندان نئجات وردی.
[7] ربّئن مله‌یی اوندان قورخانلارین دؤوره‌سئنده اوردو قوروب اونلاری خئلاص ادر.
[8] دادین و گؤرون رب نه یاخشی‌دیر! خوش او آدامین حالینا کی، اونا پناه گتئرر.
[9] سئز، ای اونون موقدّس آداملاری، ربدن قورخون، چونکی اوندان قورخانلار هچ بئر شیه مؤحتاج اولمازلار.
[10] جاوان آصلانلار مؤحتاج اولوب آجلیق چکرلر، لاکئن ربّه آرزو چکنلرئن هچ بئر نعمتی اسکئک اولماز.
[11] گلئن اؤولادلاریم، منه قولاق آسین؛ ربّئن قورخوسونو سئزه اؤیرده‌رم.
[12] حیاتا آرزو چکن کئمدئر؟ شاد گونلر گؤرمک ائسته‌ین کئمدئر؟
[13] دئلئنی شردن و دوداقلارینی یالاندان ساخلا.
[14] پئسلئکدن ال چک و یاخشیلیق اله. صولحو آختار و اونون دالینا دوش.
[15] ربّئن گؤزلری صالحلرئن اوستونده‌دئر، قولاقلاری اونلارین فریادلارینا آچیق‌دیر.
[16] ربّئن اوزو پئسلئک ادنلرئن ضئدّئنه‌دئر کی، یر اوزوندن اونلارین ذئکرئنی ده کسسئن.
[17] صالحلر ربّی چاغیرارلار، رب اونلارین فریادینی اشئدر؛ رب اونلاری بوتون دارلیقلاریندان خئلاص ادر.
[18] رب اوره‌یی سینمیش آداملارا یاخین‌دیر و روحو ازئلمئش آداملارا نئجات وِرَر.
[19] صالح آدامین دردلری چوخدور، لاکئن رب اونو هامیسیندان قورتارار.
[20] اونون هامی سوموکلرئنی موحافئظت ادر؛ اونلاردان بئری ده سینماز.
[21] پئسلئک پئس آداملاری محو ادر، صالح آدامدان نئفرت ادنلر محکوم اولارلار.
[22] رب اؤز قوللارینین جانینی قورتارار، و اونا پناه گتئرنلرئن هچ بئری محکوم اولماز.