[1] یارب، سنی چاغیریرام، منئم قایام، منه اشئتمه‌مزلئک اتمه. چونکی اگر منه سوکوت اده‌سن، قبئره اِنَنلر کئمی اولارام.
[2] سنی ائمدادا چاغیراندا، اللرئمی سنئن موقدّس محرابینین طرفئنه اوزاداندا، منئم مرحمت طلب ادن سسئمی اشئت.
[3] منی شر آداملارلا، پئس ائش گؤرنلرله بئر توتما؛ او آداملارلا کی، قونشولارینا صولحدن دانیشیرلار، لاکئن اورَکلرئنده پئسلئک وار.
[4] اونلارین عمللرئنه گؤره، اتدئکلری یامانلیقلارا گؤره، اونلارا جزا ور. اللرئنئن اتدئکلرئنه گؤره اونلارا جزا ور، لایئق اولدوقلارینی اونلارا ور.
[5] رب اونلاری ییخاجاق، بئر داها اونلاری قالدیرمایاجاق. چونکی ربّئن ائشلرئنه، اونون اللرئنئن اتدئکلرئنه دئقّت اتمئرلر.
[6] رب موبارک اولسون، چونکی مرحمت طلب ادن سسئمی اشئدئب.
[7] رب منئم قووّتئم و قالخانیمدیر؛ اوره‌یئم اونا توکّول ادئب، او دا ائمدادیما یتئشئب. اوره‌یئم شادلیقدان جوشوب داشیر، اوندان نغممله تشکّور اده‌جیم.
[8] رب اؤز خالقینین قووّتی‌دئر، مسح اتدئیئنه نئجات قالاسی‌دیر.
[9] خالقینی قورتار، مئراثینا برکت ور؛ اونلارین چوبانی اول، ابده کئمی اونلارین قیدئنه قال.