[1] ای بوتون خالقلار بونو اشئدئن؛ سئز بوتون دونیادا یاشایانلار قولاق آسین؛
[2] هم عوام آداملار، هم ده اصئلزاده‌لر، هم وارلی آداملار، هم ده یوخسوللار.
[3] آغزیم حئکمت سؤزلری دانیشاجاق، اوره‌یئمئن دوشونجه‌لری فهم وره‌جکدئر.
[4] مثله قولاق آساجاغام، تاپماجامی طنبورلا آشکارا چیخارداجاغام.
[5] یامان گونلردن نه اوچون قورخوم- او زامان کی، جانیما قصد ادنلرئن بلاسی منی دؤوره‌له‌یئر؟!
[6] او آداملاردان کی، مال-دؤولتلرئنه بل باغلاییرلار، ثروتلرئنئن چوخلوغونا فخر ادئرلر.
[7] باخ، هچ کس حیاتینی ساتین آلا بئلمز، نه ده تارییا فئدئیه‌سئنی وره بئلر -
[8] چونکی بئر جانین فئدئیه‌سی باهالی‌دیر هچ قئیمت اونا کئفایت اتمز کی،
[9] ابده کئمی دئری قالسین، قبئر اوزو گؤرمه‌سئن.
[10] آیدیندیر کی، حئکمتلی‌لر ده اؤلورلر، هم آخماقلار، هم ده سفه‌لر یوخ اولورلار؛ مال-دؤولتلرئنی اؤزگه آداملارا قویوب گدئرلر.
[11] قبئرلری ابده کئمی اِولری اولاجاق، نسئلدن-نسئله مسکنلری اولاجاقدیر، گرچی تورپاقلارینا اؤز آدلارینی قویوبلار.
[12] ائنسان عئزّتلی اولسا دا، همئشه‌لئک قالماز؛ هلاک اولان حیوانلارا بنزه‌ر.
[13] آخماقلارین یولو بودور، اونلارین سؤزلرئنی تصدئق ادن پیرولرئنکی ده بله‌دئر. سِلا
[14] قویون کئمی اؤلولر دئیارینا آپاریلاجاقلار، اؤلوم اونلاری هئدایت اده‌جک. سحر اولونجا صالحلر اونلارا حاکئم اولاجاقلار؛ اونلارین شکئل‌لری چورویه‌جک، مسکنلری اؤلولر دئیاری اولاجاق.
[15] آمّا تاری منئم جانیمی، اؤلولر دئیارینین قودرتئندن خئلاص اده‌جک، یانینا دا آلاجاقدیر سِلا
[16] بئر آدام وارلی اولاندا، اِوئنئن ثروتی آرتاندا قورخما.
[17] چونکی اؤلن زامان اؤزو ائله هچ بئر شی آپارا بئلمز؛ ثروتی اونون دالینجا آشاغی گتمز.
[18] گرچی یاشایان زامان اؤزونو بختور ساییردی - مووفّق اولان زامان هامی سنی تعرئفله‌یر -
[19] لاکئن آتالارینین یانینا گدر، اونلار ابده کئمی نور گؤرمزلر.
[20] عئزّتلی اولان، لاکئن درّاکه‌سی اولمایان ائنسان، هلاک اولان حیوانلارا بنزه‌ر.