[1] ای تاری، نه اوچون بئزی ابده کئمی بوراخیبسان؟ نه اوچون قضبئن اؤز اوتلاغینین قویونلاری اوستونه توتوشوب؟
[2] قدئم زاماندان اؤزونه آلدیغین جاماعاتینی خاطیرلا؛ ساتین آلدیغین اؤز مئراثینی، اؤز قبئله‌نی، ساکئن اولدوغون بو صحیون داغینی.
[3] قدملرئنی ابدی وئرانه‌لر طرفئنه دؤندَ‌ر؛ دوشمن موقدّس یرده اولان هر شیی آرادان آپاردی.
[4] دوشمنلرئن جاماعات ییغیلان یرئن اورتاسیندا نعره چکدئلر، بایراقلارینی ظفر علامتی اوچون دئکدئلر.
[5] او آداملارا اوخشاییردیلار کی، آغاجلاری کسمک اوچون بالتا قالدیریرلار.
[6] موقدّس یرئن بوتون اویما ائشلرئنی، بالتالار و چکوجلارلا، هامیسینی بئردن سیندیریب تؤکدولر.
[7] سنئن موقدّس یرئنه اود ووردولار؛ آدینین ساکئن اولدوغو یری تورپاغا چیرپدیلار.
[8] اورَکلرئنده ددئلر: «گلئن اونلاری تامامن محو ادک.» اؤلکه‌ده جاماعاتین تاری اوچون ییغیلدیغی بوتون یرلری یاندیردیلار.
[9] علامتلرئمئزی آرتیق گؤرموروک؛ داها پیغمبر یوخدور، آرامیزدا هچ کس بئلمئر نه واختا کئمی.
[10] نه واختا کئمی دوشمن سنه حقارت اده‌جک، ای تاری؟ مگر سنئن آدینا خصم ابده کئمی کوفر دئیه‌جک؟
[11] نه اوچون الئنی، صاغ الئنی، گری چکئرسن؟ اونو قوینوندان چیخارت و اونلاری محو ات.
[12] ای تاری، قدئم زاماندان بری پادشاهیمسان؛ یر اوزونده نئجات گتئرن سنسن.
[13] سن دهنزی اؤز قووّتئنله بؤلدون؛ دهنز اژداهالارینین باشینی اَزدئن،
[14] لئویاتانین باشینی پارچالایان سن ائدئن، سن اونو چؤل حیوانلارینا یمک اوچون وردئن.
[15] سن بولاغی فیشقیرتدین، سلی آخیتدین؛ سن ائدئن کی، همئشه‌آخان چایلاری قوروتدون.
[16] گوندوز سنئندئر، گجه ده سنئن؛ آیی، گونو سن حاضیرلادین.
[17] یرئن بوتون سرحدلرئنی سن قویوبسان؛ یایی و قیشی سن یارادیبسان
[18] دوشمنئن نجه سنه حقارت اتدئیئنی خاطیرلا، یارب، عاغیلسیز خالقین سنئن آدینا نجه کوفر ددئیئنی!
[19] اؤز قومرونون جانینی وحشی حیوانا ورمه، اؤز فاغیرلارینین حیاتینی ابده کئمی اونوتما.
[20] عهده باخ! چونکی اؤلکه‌نئن هر قارانلیق یری ظولم یوواسی اولوب.
[21] قویما مظلوم آدام اوتانیب گری دؤنسون، قوی فاغیر و مؤحتاج آدام سنئن آدینا حمد اتسئن.
[22] قالخ ای تاری، اؤز داعوانی یِرئت، عاغیلسیز آدامین بوتون گون سنه حقارت اتدئیئنی خاطیرلا.
[23] دوشمنلرئنئن سسئنی یاددان چیخارتما؛ سنئن ضئدّئنه قالخانلارین ولوله‌سی دائم چوخالیر.