<Zəbur 82

[1] تاری ائلاهی مجلئسده یرئنی توتور، آللاهلار آراسیندا حؤکم ادئر:

[2] «نه واختا کئمی ائنصافسیزلیقلا حؤکم اده‌جکسئنئز؟ پئس آداملارین طرفئنی توتاجاقسینیز؟ سِلا

[3] ضعئفئن و یِتئمئن حاقّینی ورئن، فاغیرا و یوخسولا عدالت گؤرسه‌دئن.

[4] ضعئف و مؤحتاج آدامی قورتارین؛ اونلاری پئس آداملارین الئندن خئلاص ادئن.»

[5] اونلار بئلمئرلر، آنلامیرلار، قارانلیقدا گزئرلر؛ یرئن بوتون بونؤوره‌لری لرزه‌یه دوشوب.

[6] ددئم: «سئز آللاهلارسینیز، سئز هامینیز اوجالاردا اولانین اؤولادسینیز.

[7] آمّا یوخ، سئز ائنسان کئمی اؤله‌جکسئنئز، جنگاورلردن بئری کئمی دوشه‌جکسئنئز.»

[8] قالخ، ای تاری، یر اوزونه حؤکم ات؛ چونکی بوتون مئلّتلره سن مالئکسن.