[1] یارب، منئمله چکئشنلرله سن چکئش، منئمله ساواشانلارلا سن ساواش.
[2] قالخان و سئپری اله آل؛ قالخ، منئم ائمدادیما گل.
[3] نئزه و مئزراقی دا چک کی، منی قووالایانلارین یولونو کسه‌سن. جانیما ده: «سنئن نئجاتین منم.»
[4] قوی جانیمین قصدئنه دوشَنلر اوتانسینلار، خجالت چکسئنلر، قوی ضررئمه فئکئر ادنلر گری چکئلسئنلر، روسوای اولسونلار،
[5] قوی اونلار یلئن سوپوردویو سامان چؤپو کئمی اولسونلار، قوی ربّئن مله‌یی اونلاری قاباغینا قاتیب قووسون،
[6] قوی اونلارین یولو قارانلیق اولسون، سوروشکن اولسون، قوی ربّئن مله‌یی اونلاری قووالاسین.
[7] چونکی سببسئز منئم اوچون تله قوردولار، سببسئز جانیمین قصدئنه قویو قازدیلار.
[8] قوی قفئلدن باشلارینا فلاکت گلسئن، قوردوقلاری تله‌یه اؤزلری ائلئشسئنلر، فلاکت گلن واخت اورایا دوشسونلر.
[9] او زامان جانیم ربده فرحلنه‌جک اونون نئجاتی اوچون شادلاناجاق.
[10] بوتون سوموکلرئم دئیه‌جک: «سنئن کئمی کئم وار، یارب؟ سن کی، فاغیر آدامی، اوندان داها چوخ قووّتلی اولانین الئندن قورتاریرسان. بلی، سن کی، یوخسول و مؤحتاج آدامی، اونو سویانین الئندن قورتاریرسان.»
[11] رحمسئز شاهئدلر قالخیرلار؛ بئلمه‌دئیئمی مندن سوروشورلار.
[12] یاخشیلیق عوضئنه منه یامانلیق ادئرلر کی، جانیما هئجران اولسون.
[13] لاکئن من، اونلار ناخوش اولاندا، پالاس گیئنئردئم، جانیمی اوروجلا حقئر ادئردئم؛ باشیم سئنه‌مه دوشموش دوعا ادئردئم،
[14] قارداش یا دا دوستونو الدن ورمئش بئر آدام کئمی آوارا گزئردئم، آناسی اوچون یاس توتان بئر آدام کئمی قوصّه‌دن بوکولوردوم.
[15] آمّا من ییخیلان واخت، شادلیقلا ییغیلیرلار، من بئلمه‌دن ضئدّئمه بئرله‌شئرلر، دایانمادان منی دئدئکله‌یئرلر.
[16] کئفئر دئین تاریسیزلار کئمی اوستومه دئشلرئنی قیجیردیرلار.
[17] ای آغا، نه واختا کئمی باخاجاقسان؟ منی اونلارین هوجوموندان، عزئز حیاتیمی آصلانلار الئندن قورتار.
[18] بؤیوک جاماعات ائچئنده سنه شوکور اده‌جیم، بئر چوخ خالق آراسیندا سنه حمد اده‌جیم.
[19] منئم حئیله‌گر دوشمنلرئم، قویما اوستومه سوئنسئنلر، مندن سببسئز نئفرت ادنلر قویما بئربئرلرئنه گؤز وورسونلار.
[20] چونکی اونلار صولحدن اصلا دانیشمازلار. اؤلکه‌ده ساکئت اوتورانلارین ضئدّئنه حئیله‌لی شیلر دوشونرلر.
[21] اوستومه آغیزلارینی بئر قاریش آچیب دئیرلر: «های، های، اؤز گؤزلرئمئزله گؤرموشوک.»
[22] سن ده بونو گؤروبسن، یارب! ساکئت قالما، مندن اوزاق قالما، ای پروردئگار،
[23] اویان، قالخ تاریم، ای پروردئگاریم، دئوانیمی ات و منی حاقلی چیخارت،
[24] صالحلئیئمه گؤره مندن دئفاع ات یارب، تاریم، قویما اوستومه سوئنسئنلر،
[25] قویما اورَکلرئنده دسئنلر: «آها، مورادیمیزا چاتدیق.» قویما دسئنلر: «اونو یوخ اتدئک!»
[26] قوی دوشدویوم فلاکتدن سوئننلر بئرلئکده اوتانیب روسوای اولسونلار. تکبّورله منه فخر ساتانلارین پالتاری، قوی خجالت و رذالت اولسون.
[27] منئم حاقلی چیخماغیمی آرزو ادنلر، قوی سوئنئب شادلیق اتسئنلر؛ همئشه دسئنلر: «قولونون سالاماتینی ائسته‌ین رب، شؤوکتلَنسئن.»
[28] او زامان منئم دئلئم سنئن صالحلئیئنی، سنئن حمدئنی بوتون گون اعلان اده‌جک.