[1] رب بؤیوکدور، تاریمیزین شهرئنده، اونون موقدّس داغیندا حمده چوخ لایئقدئر.
[2] شئمال اته‌یئنده صحیون داغینین اوجالیغی گؤزلدئر، بوتون عالمئن شادلیغی‌دیر؛ بؤیوک پادشاهین شهری‌دئر.
[3] تاری اونون قالالاریندادیر؛ تاری اؤزونو بو شهرئن پناهی گؤرسه‌دئر.
[4] باخ، پادشاهلار بئر یره ییغیلدیلار، بئرلئکده گلدئلر،
[5] صحیونو گؤرونجه حیران قالدیلار؛ قورخویا دوشوب قاچدیلار.
[6] اوشاغینی دوغان آروادین آغریسی کئمی، تئتره‌مه اورادا اونلاری توتدو.
[7] او زامان کئمی کی، سن شرقدن اَسَن قووّتلی یل‌له ترشئش گمی‌لرئنی سیندیردین.
[8] قوشونلارین ربّئنئن شهرئنده، تاریمیزین شهرئنده نه اِشئتمئشدئک، اله ده گؤردوک؛ تاری اونو ابده کئمی برقرار اده‌جک. سِلا
[9] سنئن معبدئنئن ائچئنده، ای تاری محبّتئنئن باره‌سئنده درئن دوشونوروک.
[10] نجه کی، آدیندیر، ای تاری، حمدئن ده یرئن او بئری باشلارینا قدر چاتیر؛ صاغ الئن صالحلئکله دولودور.
[11] حؤکملرئنئن سببئندن قوی صحیون داغی سوئنسئن. قوی یهودا شهرلری شادلیق اتسئن.
[12] صحیونون اطرافینی گزئب دولانین، اونون بورجلرئنی سایین.
[13] حئصارلارینا یاخشی باخین، قالالارینا تاماشا ادئن کی، گله‌جک نسله نقل اده‌سئنئز.
[14] بو تاری ابددن ابده کئمی بئزئم تاریمیزدیر، اؤلومه قدر ده بئزه یول گؤرسده‌جک.