[1] سیخینتی گونلرئنده رب سنی موستجاب اتسئن، یعقوبون تاریسینین آدی سنی ساخلاسین.
[2] موقدّس یرئندن سنه کؤمک گؤندَرسئن، صحیوندان سنه قووّت ورسئن.
[3] بوتون تقدئم اتدئکلرئنی یادیندا ساخلاسین، یاندیرما قوربانینی قبول اتسئن. سِلا
[4] اوره‌یئنئن آرزوسونو سنه ورسئن، بوتون مورادلارینا چاتاسان.
[5] سن قالئب گلدئیئن زامان، بئز شادلیقدان هارای چکه‌جیئک، تاریمیزین آدیندا بایراقلاریمیزی آچاجاغیق. رب سنئن بوتون آرزو اتدئکلرئنی یرئنه یتئرسئن.
[6] ائندی بئلئرم کی، رب اؤز مسح اتدئیئنه ظفر ورئر؛ موقدّس گؤیوندن اونا جاواب وره‌جک؛ صاغ الئنئن قودرتلی ظفرلری ائله.
[7] بعضئلری موحارئبه عارابالارینا اومئد باغلاییرلار، بعضئلری آتلارا، آمّا بئز رب تاریمیزین آدینا اومئد باغلاییریق.
[8] اونلار دئزه دوشوب ییخیلارلار، آمّا بئز قالخیب دایاناریق.
[9] ظفر ور، یارب! چاغیردیغیمیز گونده پادشاه بئزه جاواب ورسئن.