[1] ددئم: «یوللاریما دئقّت اده‌جیم کی، دئلئمله گوناه اتمه‌یئم؛ پئس آدام قاباغیمدا اولان واخت، آغزیما جئلوو قویاجاغام.»
[2] آغزیمی توتوب ساکئت اولدوم، یاخشیلیق اوچون ده بله سوکوت اتدئم؛ آمّا دردئم جوشا گلدی،
[3] اوره‌یئم ائچئمده قیزیشدی، درئن دوشونَرکن اود کئمی آلوو چکدی؛ او زامان دئلئمله دانیشدیم:
[4] یارب، عاقئبتئمی، گونلرئمئن ساییسینین نه قدر اولدوغونو منه بئلدئر، قوی عؤمرومون نه قدر قیسا اولدوغونو آنلاییم.
[5] باخ، گونلرئمی بئر نچه قاریش قدر ادئبسن، عؤمروم سنئن یانیندا هچدئر. دوغرودان دا هر کس آنجاق نفس کئمی‌دئر. سِلا.
[6] دوغرودان دا هر کس بئر کؤلگه کئمی کچئر. دوغرودان دا بوش یره زحمت چکئر، مال-دؤولت ییغیر، اوندان کئمئن ائستئفاده اده‌جیئنی بئلمئر.
[7] اونا گؤره، ای پروردئگار، نه‌یه توکّول ادئم؟ اومئدئم بئرجه سنده‌دئر.
[8] منی بوتون عوصیانلاریمدان قورتار. منی آخماقلار یانیندا روسوای اتمه.
[9] لال اولوب آغزیمی آچمیرام، چونکی بونو ادن سنسن.
[10] گؤندَ‌ردئیئن بلانی اوستومدن گؤتور. الئنئن ووروشلاری ائله تلف اولموشام.
[11] سن ائنسانی گوناهین جزاسی اوچون وورورسان؛ اونون سودئیی شیلرئنی گووه یدئیی کئمی هچ ادئرسن. دوغرودان دا هر کس آنجاق بئر نفس‌دئر. سِلا
[12] دوعامی اشئت، یارب، فریادیما قولاق ور، گؤزیاشلاریما گؤز یومّا؛ چونکی سنئن یانیندا بئر قرئبم، بوتون آتالاریم کئمی بئر موسافئرم.
[13] گؤزونو مندن گؤتور کی، کچیب-گدئب یوخ اولمامیشدان تزه‌دن خوشبخت اولوم.