[1] منه نئجات ور، ای تاری، چونکی سولار بوینوما قدر یتئشئب.
[2] درئن باتاقلیق پالچیغا باتیرام، دوراجاق یر ده یوخدور؛ درئن سولارا دوشموشم. سل منی باسیب.
[3] باغیرماقدان یورولموشام. بوغازیم قورویوب؛ تاریمی گؤزلَمکدن گؤزلرئمئن ائشیغی گدئب.
[4] مندن سببسئز نئفرت ادنلر باشیمین توکلرئندن داها چوخدور. حاقسیز یره منی یوخ اتمک ائسته‌ین دوشمنلرئم قووّتلی‌دئر. اوغورلامادیغیم شیی گری قایتارماغیمی ائسته‌یئرلر.
[5] ای تاری، عاغیلسیزلیغیمی سن بئلئرسن، خاطالاریم سندن گئزلی دیئل.
[6] ای پروردئگار، قوشونلارین ربّی، قوی سنی گؤزله‌ینلر منه گؤره اوتانماسینلار، ای ائسرایئلئن تاریسی، قوی سنی آختارانلار منه گؤره روسوای اولماسینلار،
[7] چونکی سنئن خاطئرئنه گؤره حقارت آلتیندایام، روسوایچیلیق اوزومو بورویوب.
[8] قارداشلاریما قرئب اولموشام، آنامین اوغوللارینا اجنبی اولموشام،
[9] چونکی سنئن اِوئنئن قیرتی منی یاندیریب تؤکور، سنه حقئر باخانلارین حقارتی منئم اوستومه دوشور.
[10] آغلادیم، جانیمی اوروجدا ساخلادیم، بو دا منه عاییب ساییلدی.
[11] پالاسی اؤزومه پالتار اتدئم، اونلارین مسخره‌سی اولدوم.
[12] دروازادا اوتوران آداملار، حاقّیمدا قیبت ادئرلر، عرقخورلارین نغمه‌سی اولموشام.
[13] آمّا من، یارب، سنه یالواریرام، خوشلاندیغین زامان منه جاواب ور. ای تاری، محبّتئنئن بوللوغوندا، منه او یقئن نئجاتینلا جاواب ور.
[14] منی باتاقلیق پالچیقدان قورتار، قویما باتیم؛ قوی مندن نئفرت ادنلرئن الئندن خئلاص اولوم، او درئن سولاردان.
[15] قویما سولارین سلی منی باسسین، قویما گئرداب منی اودسون، قویما قویو آغزینی اوستومه باغلاسین.
[16] منه جاواب ور، یارب، چونکی محبّتئن یاخشی‌دیر. مرحمتئنئن چوخلوغونا گؤره منه طرف دؤن.
[17] اوزونو قولوندان گئزلتمه، چونکی دارلیقدایام؛ تزلئکله منه جاواب ور،
[18] جانیما یتئش و اونو خئلاص ات، دوشمنلرئمدن اؤتری منی خئلاص ات.
[19] منئم حقارتئمی، اوتاندیغیمی، روسوایچیلیغیمی بئلئرسن. خصملرئمئن هامیسی سنئن حوضوروندادیر.
[20] حقارت اوره‌یئمی سیندیریب، دردلئیم. منه اوره‌یی یانان بئرئنی آختاریردیم، آمّا هچ کس یوخ ائدی. تسلّی ورن بئرئنی آختاریردیم، لاکئن هچ کسی تاپمادیم.
[21] خورک یرئنه منه آجی شی وردئلر، سوسوزلوغومدا منه سئرکه ائچدئردئلر.
[22] قوی سوفره‌لری قاباقلاریندا تورا، دوستلاری بئر تله‌یه دؤنسون.
[23] گؤزلری قارالسین کی، آرتیق گؤرمه‌سئنلر. اونلارین بل‌لرئنه دائم لرزه سال.
[24] قهرئنی اونلارین اوستونه تؤک، قوی قضبئن اونلاری توتسون.
[25] قوی اونلارین مسکنی وئران اولسون، اونلارین چادیرلاریندا هچ کس ساکئن اولماسین.
[26] چونکی ووردوغون آداما عذاب ورئرلر، یارالادیغین آداملارین دردئنه گولورلر، یامانلاییرلار.
[27] اونلارین گوناهینین اوستونه گوناه آرتیر، قویما سنئن صالحلئیئنه داخئل اولسونلار.
[28] قوی اونلارین آدلاری حیات کئتابیندان سئلئنسئن، آدلاری صالح آداملارلا یازیلماسین.
[29] لاکئن من فاغیرام، دردلئیم. قوی سنئن نئجاتین، ای تاری، منی اوجالتسین.
[30] تارینین آدینا بئر نغمه ائله حمد اوخویاجاغام، شوکورلرله اونو اوجالتاجاغام.
[31] بو، ربّه بوینوزلو-دیرناقلی اؤکوز و گامیشدان داها چوخ خوش گله‌جک.
[32] فاغیر آداملار بونو گؤروب سوئنه‌جکلر؛ سئز، تارینی آختارانلار، اوره‌یئنئز دئرئله‌جک.
[33] چونکی رب کاسیبلارین سسئنی اشئدئر، اسئرلئیه گدنلره حقارتله باخمیر.
[34] قوی گؤی و یر اونا حمد اوخوسون، دهنزلر و اوندا اولان هر مؤوجود.
[35] چونکی تاری صحیونا نئجات وره‌جک، یهودا شهرلرئنی بئنا اده‌جک کی، اونلار اوندا ساکئن اولوب اونا مالئک اولسونلار.
[36] قوللارینین نسلی ده اونا وارئث اولاجاق، اونون آدینی سِوَنلر اوندا ساکئن اولاجاقلار.