[1] شر آداملاردان منی قورتار، یارب، قدّار آدامدان منی حئفظ ات؛
[2] اونلار اورَکلرئنده پئسلئک دوشونورلر، دائم موحارئبه اوچون ییغیلیرلار.
[3] دئللرئنی ائلان کئمی ائتئلدئرلر، افعی زهری دوداقلارینین آلتیندا وار. سِلا
[4] پئس آداملارین الئندن منی حئفظ ات، یارب، قدّار آدامدان منی ساخلا؛ اونلار قدملرئمی سوروشدورمه‌یه قصد ادئرلر.
[5] تکبّورلو آداملار منئم اوچون کمند و ائپلر سرئبلر، یولون قیراغیندا تور سرئبلر، منئم اوچون تله دوزَلدئبلر. سِلا
[6] ربّه ددئم: «منئم تاریم سنسن؛ یالواریشلاریمین سسئنه قولاق آس، یارب.»
[7] یارب، پروردئگاریم، ای نئجاتیمین قووّتی، موحارئبه گونونده منئم باشیمی سن اؤرتوبسن.
[8] یارب، پئس آدامین ائسته‌دئیئنی یرئنه یتئرمه؛ پئس نئیّتلرئنی مقصدئنه چاتدیرما، مبادا کئبرلَنسئن. سِلا
[9] قوی منی دؤوره‌له‌ینلرئن باشینی، دوداقلاریندان تؤکولن پئسلئک اؤرتسون.
[10] قوی یاندیریب-یاخان کؤز اونلارا تؤکولسون؛ درئن قویولارا آتیلسینلار، اله کی، تکرار قالخا بئلمه‌سئنلر.
[11] قویما بؤهتان آتان آدام یر اوزونده برقرار اولسون، قدّار آدامی یوخ اتمک اوچون قوی پئسلئک اونو قووالاسین.
[12] بئلئرم کی، رب فاغیر آدامین دادینا چاتاجاق، یوخسوللارا عدالت گؤرسده‌جک.
[13] یقئن کی، صالح آداملار سنئن آدینا شوکور ادرلر؛ دوز آداملار سنئن حوضوروندا ساکئن اولارلار.