<Zəbur 8

[1] یارب، آغامیز! بوتون یر اوزونده سنئن آدین نه عظمتلی‌دئر! سن کی، عئزّتئنله گؤیلری بورویوبسن.

[2] خصملرئنئن اوزوندن اوشاقلارین و سود اَمنلرئن آغزیندان دووار چکدئن کی، خصمی، دوشمنی و ائنتئقام آلانی کسه‌سن.

[3] بارماقلارینین یاراتدیغی گؤیلرئنی گؤرونجه، یرلرئنده قویدوغون آی و اولدوزلاری گؤرونجه ددئم:

[4] ائنسان نه‌دئر کی، سن اونون فئکرئنده اولاسان، و ائنسان اوغلو نه‌دئر کی، سن اونون قیدئنه قالاسان.

[5] سن اونو تاریدان بئر آز آشاغی یاراتدین، باشینا عئزّت و حؤرمت تاجینی قویدون.

[6] اللرئنئن یاراتدیغی هر شی اوستونه، اونا سلطنت وردئن. هر شیی اونون آیاقلاری آلتینا قویدون:

[7] بوتون قویونلاری، سیغیرلاری، چؤلون وحشی حیوانلارینی دا بله،

[8] گؤیون قوشلارینی، دهنزئن بالیقلارینی، دهنزلرئن یوللاریندا اوزَنلری.

[9] یارب، آغامیز، بوتون یر اوزونده آدین نه عظمتلی‌دئر!