[1] ای جانیم، ربّه حمد ات، یارب، تاریم، سن چوخ بؤیوکسن. عئزّت و شؤوکته گِیئنئبسن.
[2] نورا بئر ردا کئمی بورونوبسن. گؤیلری بئر چادیر کئمی آچان،
[3] سنسن سارایینی یوخاریدا اولان سولار اوستونده قوران، بولودلاری اؤزونه عارابا ادن، یلئن قانادلارینی مئنئب-گزن،
[4] سنسن یل‌لری اؤزونه خبرچی ادن، اود آلوولارینی اؤزونه قول ادن.
[5] یری بونؤوره‌لری اوستونده بئنا اتدئن، اله کی، هچ واخت تئتره‌مه‌سئن.
[6] درئنلری اونا پالتار کئمی گیئندئردئن، سولار داغلار اوستونده دوردو.
[7] سولار سنئن قهرئندن، سنئن ائلدیریمینین سسئندن تله‌سئک قاچدیلار.
[8] داغلارا قالخدیلار، دره‌لره اِندئلر؛ اونلار اوچون تعیئن اتدئیئن یرلره.
[9] اونلارا سرحد تعیئن ادئبسن کی، اوندان آشماسینلار، قاییدیب یر اوزونو اؤرتمه‌سئنلر.
[10] بولاقلاری دره‌لره سن آخیردیرسان؛ داغلارین آراسیندان آخیرلار،
[11] چؤل حیوانلارینین هامیسینا سو ورئرلر؛ وحشی اششکلر سوسوزلوقلارینی یاتیردیرلار.
[12] گؤیون قوشلاری اونلارین یانینا قونورلار؛ بوداقلارین آراسیندان اوخویورلار.
[13] یوخاریدا اولان ساراییندان داغلاری سولاییرسان؛ یر سنئن عمل‌لرئنئن ثمره‌سئندن دویور.
[14] مال-حیوان اوچون اوت گؤیردئرسن؛ ائنسان اوچون گؤیرتی بئتئرئرسن کی، ائشله‌یئب یردن یمک چیخارتسین؛
[15] ائنسانین اوره‌یئنی فرحلندئرن شرابی، اوزو نورلو ادن یاغی، ائنسانین حیاتینی ساخلایان چؤره‌یی.
[16] ربّئن آغاجلاری دویونجاق سو ائچئر؛ اکدئیی لوبنانین سئدر آغاجلاری.
[17] قوشلار اولاردا یووالارینی تئکئر؛ لِیله‌یئن اِوی شام آغاجلاریندادیر.
[18] اوجا داغلار داغ کچئلری اوچوندور؛ قایالار قایا دووشانلارینین سیغیناق یری‌دئر.
[19] فصئل‌لری بلّی اتمک اوچون آیی یاراتدین؛ گون، باتاجاق واختینی بئلئر.
[20] قارانلیق سن ادئرسن، و گجه اولور، او زامان مشه‌نئن بوتون حیوانلاری چیخیر،
[21] جاوان آصلانلار اوولاری اوچون نرئلده‌یئرلر، یمکلرئنی تاریدان طلب ادئرلر.
[22] گون دوغان زامان چکئلئرلر، یووالاریندا یاتیرلار.
[23] آداملار اؤز ائشلرئنئن باشینا گدئرلر، آخشاما قدر ائشله‌یئرلر.
[24] یارب، سنئن ائشلرئن نه چوخدور! اونلارین هامیسینی حئکمتله ادئبسن: یر اوزو سنئن یاراتدیقلارینلا دولودور.
[25] بودور بؤیوک و گنئش دهنز! اورادا ساییسیز حیوانلار وار، یاشایان شیلر، هم بؤیوک هم ده کئچئک.
[26] اورادا گمئلر گدرلر، لئویاتانی دا کی، اورادا اویناماق اوچون یارادیبسان.
[27] اونلارین هامیسی سنه باخیرلار کی، یمکلرئنی واختیندا اونلارا وره‌سن.
[28] اونلارا وردئیئن زامان ییغیرلار. الئنی آچدیغین زامان نعمتلرله دویورلار.
[29] اوزونو گئزلتدئیئن زامان دهشته دوشورلر؛ نفسلرئنی آلدیغین زامان اؤلوب تورپاغا قاییدیرلار.
[30] روحونو گؤندَ‌ردئیئن آن، یارانیرلار؛ سن یر اوزونو تزه‌له‌یئرسن.
[31] قوی ربّئن شؤوکتی ابده کئمی قالسین؛ قوی رب اؤز اتدئکلرئنده سوئنسئن.
[32] رب یره باخاندا یر تئتره‌یئر. داغلارا دَیَنده اونلار توستوله‌نئر.
[33] نه قدر کی، وارام، ربّه اوخویاجاغام؛ نه قدر کی، ووجودوم وار، تاریما پرستئش نغمه‌سی اوخویاجاغام.
[34] قوی فئکئرلرئم اونون خوشونا گلسئن؛ من ربده سوئنه‌جیم.
[35] قوی گوناهکارلار یر اوزوندن محو اولسونلار، قوی پئس آداملار آرتیق اولماسینلار. ای جانیم، ربّه حمد ات. ربّه حمد ادئن!