[1] ربّی سوئرم، چونکی سسئمی، یالواریشلاریمی اشئدئر.
[2] سسئمه قولاق آسدیغی اوچون، نه قدر وارام، اونو چاغیراجاغام،
[3] اؤلوم ائپلری منی اؤزونده توتموشدو، اؤلولر دئیارینین سیخینتیلاری منی بوروموشدو. دارلیغا دوشموشدوم، پرئشان اولموشدوم.
[4] او زامان ربّئن آدینی چاغیردیم: «آماندیر، یارب، جانیمی قورتار!»
[5] رب مرحمتلی و صالحدئر؛ تاریمیز شفقتلی‌دئر.
[6] رب ساده آداملاری حئفظ ادئر؛ عاجئز اولدوغوم زامان، او منه نئجات وردی.
[7] ای جانیم، راحاتینا دؤن، چونکی رب سنه یاخشیلیق اتدی.
[8] جانیمی اؤلومدن، گؤزلرئمی گؤز یاشیندان، آیاقلاریمی سوروشمکدن قورتاریبسان.
[9] یاشایانلارین دئیاریندا ربّئن حوضوروندا یرئیه‌جیم.
[10] ائمانیمی ساخلادیم، حتّا او زامان دا کی، ددئم: «من چوخ عذاب چکئرم.»
[11] دهشتئمده ددئم: «بوتون ائنسانلار یالانچی‌دیر.»
[12] ربّئن منه اتدئیی بوتون یاخشیلیقلاری اوچون، ربّه نه عوض وره‌جیم؟!
[13] نئجات پئیالاسینی قالدیریب، ربّئن آدینی چاغیراجاغام.
[14] بوتون خالقینین حوضوروندا، ربّه اتدئیئم نذئرلری یرئنه یتئره‌جیم.
[15] ربّئن گؤزونده اونون موتّقئلرئنئن اؤلومو دَیَرلی‌دئر.
[16] آماندیر، یارب، من سنئن قولونام؛ من کنئزئنئن اوغلو قولونام؛ بندلرئمی سن آچیبسان.
[17] سنه شوکور قوربانی تقدئم اده‌جیم، ربّئن آدینی چاغیراجاغام.
[18] بوتون خالقینین حوضوروندا، ربّه اتدئیئم نذئرلری یرئنه یتئره‌جیم؛
[19] ربّئن اِوئنئن صحنلرئنده، سنئن ائچئنده، ای اورشلئم. ربّه حمد ادئن!