[1] یر اوزو و اونو دولدورانلارین هامیسی ربّئندئر؛ دونیا و اوندا یاشایانلار.
[2] چونکی او، یرئن اساسینی دهنزلر اوستونه قوردو، اونو چایلار اوستونده بئنا اتدی.
[3] ربّئن داغینا کئم چیخا بئلر؟ اونون موقدّس مکانیندا کئم دورا بئلر؟
[4] او آدام کی، اللری پاکدیر، اوره‌یی طاهئردئر، اومئدئنی باطئل شیلره باغلاماییب، یالانی قاندیرماق اوچون آند ائچمه‌یئب.
[5] او، برکتی ربدن، صالحلئیی خئلاصکاری تاریدان آلاجاق.
[6] اونو آختارانلارین نسلی بله‌دئر؛ سنئن اوزونو آختارانلارین نسلی بله‌دئر، ای یعقوبون تاریسی، سِلا.
[7] ای دروازالار، باشلارینیزی اوجالدین. آچیلین، ای ابدی قاپیلار. قوی جلال پادشاهی ائچه‌ری گئرسئن.
[8] کئمدئر بو جلال پادشاهی؟ ربدئر؛ قودرتلی و قادئر رب، موحارئبه‌ده جبّار اولان رب.
[9] ای دروازالار، باشلارینیزی اوجالدین. آچیلین، ای ابدی قاپیلار. قوی جلال پادشاهی ائچه‌ری گئرسئن.
[10] بو کئمدئر، بو جلال پادشاهی کئمدئر؟ قوشونلارین ربّی؛ جلال پادشاهی اودور. سِلا