[1] ربّه حمد ادئن. تاریمیزا پرستئش نغمه‌سی اوخوماق نه یاخشی‌دیر! چونکی خوشدور، حمده لایئقدئر.
[2] رب اورشلئمی بئنا ادر؛ ائسرایئلئن اسارتده اولانلارینی بئر یره ییغیب گتئرر،
[3] اوره‌یی سینمیشلاری صاغالدار، اونلارین یارالارینی باغلایار.
[4] اولدوزلارین سایینی سایار؛ اونلارین هامیسینی آدلاری ائله چاغیرار.
[5] بئزئم پروردئگاریمیز بؤیوکدور، قودرتی چوخدور؛ علمئنه حد یوخدور.
[6] رب باشی آشاغی آداملاری اوجالدار؛ پئس آداملاری یره قدر آلچاق ادر.
[7] ربّه شوکورلرله اوخویون؛ تاریمیزا طنبورلا پرستئش نغمه‌سی اوخویون،
[8] او کی، گؤیلری بولودلارلا اؤرتور، او کی، یاغیشی یر اوچون حاضیرلاییر، او کی، داغلاردا اوت بئتدئرئر.
[9] حیوانلارا، چیغیریشان قارغا بالالارینا او، یمکلرئنی ورئر.
[10] آتین قووّتئندن شادلیق اتمز، ائنسانین بودلاریندان خوشلانماز.
[11] رب اوندان قورخانلاردان، محبّتئنه اومئد باغلایانلاردان خوشلانار.
[12] ربّه حمد ات، ای اورشلئم! تارینا حمد ات، ای صحیون!
[13] چونکی دروازالارینین چفته‌لرئنی قووّتلندئرئب، ائچئنده اولان اؤولادلارینا برکت ورئب.
[14] او، سنئن سرحدلرئنه صولح حاکئم ادر، بوغدانین اعلاسی ائله سنی دویورار.
[15] امرئنی یره گؤندَ‌رَر؛ سؤزو تز آخار.
[16] آغ یون کئمی قار وِرَر؛ شاختانی کول کئمی سپر.
[17] دولوسونو تئکه-تئکه آتار؛ اونون سویوغونون قاباغیندا کئم دایانا بئلر؟
[18] سؤزونو گؤندَ‌رَر و اونلاری ارئدر؛ یلئنی اسدئرر و سولارینی آخاردار.
[19] سؤزونو یعقوبا، قانونلارینی و حؤکملرئنی ائسرایئله اعلان ادر.
[20] هچ بئر مئلّته بله اتمه‌یئب؛ اونون حؤکملرئنی بئلمئرلر. ربّه حمد ادئن!