[1] قوی تاری قالخسین و دوشمنلری داغیلسین. قوی اوندان نئفرت ادنلر اونون قاباغیندان قاچسینلار.
[2] قوی اونلاری داغیتسین، داغیلان توستو کئمی؛ مومون اود قاباغیندا اَرئدئیی کئمی، قوی پئس آداملار دا تارینین حوضوروندا بله ارئسئنلر.
[3] آمّا صالح آداملار سوئنسئنلر. قوی تارینین حوضوروندا شادلیقدان جوشسونلار؛ بلی، شادلیقلا فرحلنسئنلر.
[4] تارییا نغمه اوخویون، اونون آدینا پرستئش نغمه‌سی اوخویون؛ عئزّت ورئن بولودلارا مئنه‌نه، ربدئر اونون آدی! اونون حوضوروندا شادلیق ادئن.
[5] موقدّس مسکنئنده اولان تاری یتئملره آتادیر، دول آروادلارا موحافئظدئر.
[6] تاری یالقوز آداملارا اِو ورئر، اسئرلری راحاتلیغا چیخاردیر؛ لاکئن عاصئلر قورو چؤلده ساکئن اولاجاقلار.
[7] ای تاری، خالقینا رهبرلئک اتدئیئن زامان، چؤلده یرئدئیئن زامان، سِلا
[8] یر تئتره‌دی، گؤی ده یاغیش تؤکدو؛ تارینین، سئنا داغینین تاریسی قاباغیندا، تارینین، ائسرایئلئن تاریسی قاباغیندا!
[9] سن، ای تاری، بوللوقلا یاغیش یاغدیردین، مئراثین یورولدوغو زامان اونا قووّت وردئن.
[10] سنئن جاماعاتین اونون ائچئنده ساکئن اولوب؛ سن، ای تاری، یاخشیلیغیندان اونو فاغیر آدام اوچون حاضیرلاییبسان.
[11] رب بویورور؛ خوش خبری گتئرن آروادلار بؤیوک بئر قوشوندورلار:
[12] «قوشونلارین پادشاهلاری قاچیر، قاچیر.» اِوی گؤزله‌ین آروادلار تالان مالینی بؤلورلر،
[13] گرچی آغیللار آراسیندا یاتیرسینیز، و سئزئن اوچون ده گوموشله اؤرتونموش گؤیرچئن قانادلاری وار، خالئص قیزیللا بورونموش توکلری وار.
[14] قادئری-موطلق پادشاهلاری اورادا داغیتدی، اله بئل کی، صَلمون داغینا قار گلئردی.
[15] ای شؤوکتلی داغ، باشان داغی! ای قولّه‌لری اوجا اولان داغ، باشان داغی!
[16] ای قولّه‌لری اوجا اولان داغلار، نه اوچون حسدله باخیرسینیز، او داغا کی، تاری اوندا ساکئن اولماغی ائسته‌یئر؟ بلی، رب اوندا ابده کئمی ساکئن اولاجاق.
[17] تارینین موحارئبه عارابالاری چوخدور، مئنلرجه مئنلر؛ رب اونلارین آراسیندادیر، سئنا داغیندا اولدوغو کئمی موقدّس یرئنده‌دئر.
[18] سن اوجالارا چیخدین، دوشمنلری اسئر اتدئن؛ ائنسانلاردان تؤحفه‌لر قبول اتدئن، ای رب تاری. حتّا عاصئلردن ده، او آداملاردان کی، رب تارینین اورادا ساکئن اولماغینی ائسته‌مئردئلر.
[19] هرگون یوکوموزو داشییان پروردئگاریمیز، نئجاتیمیز اولان تاری موبارک اولسون. سِلا
[20] بئزئم تاریمیز بئزه نئجات ورن تاری‌دیر. اؤلوم الئندن خئلاص اولماق، پروردئگاریمیز ربدندئر.
[21] تاری دوشمنلرئنئن باشینی، گوناهلاریندا یرئیه‌نئن ساچلی تپه‌سئنی ازه‌جک.
[22] رب بویوروب: «اونلاری باشاندان گری گتئره‌جیم، دهنزئن دئبلرئندن اونلاری گری گتئره‌جیم کی،
[23] آیاقلارین اونلاری قاندا ازسئن، ائتلرئنئن دئلی سنئن دوشمنلرئندن پایینی آلسین.»
[24] سنئن یرئشئنی گؤروبلر، ای تاری، تاریمین یرئشئنی، پادشاهیمین موقدّس یره گدن یرئشئنی!
[25] خاننده‌لر قاباقدا گتدئلر، سازاندالار اونلارین آرخاسیندا؛ اونلارین آراسیندا دف چالان قیزلار:
[26] «سئز، ای ائسرایئل چشمه‌سئندن اولانلار، مجلئسلرئنئزده تارییا، ربّه حمد اوخویون!»
[27] قاباقدا کئچئک بنیامئن، یهودانین ریئسلری و اونلارلا گلنلر، زِبولونون ریئسلری و نَفتالئنئن ریئسلری.
[28] ای تاری قودرتئنی گؤرسد؛ بئزئم اوچون اتدئیئن کئمی قودرتئنی گؤرسد، ای تاری،
[29] اورشلئمده اولان معبدئندن. پادشاهلار سنه تؤحفه‌لر گتئرئرلر.
[30] قامیشلیقدا یاشایان حیوانلاری تنبه ات، او گامیشلار سوروسونو، او بوزوو خالقلاری؛ گوموش سِوَنلری آیاق آلتیندا اَز، موحارئبه سِوَن خالقلاری داغیت.
[31] مئصئردن الچئلر گله‌جکلر، کوشلولار اللرئنی تز تارییا اوزاداجاقلار.
[32] ای یر اوزونون مملکتلری، تارییا نغمه اوخویون، پروردئگارا پرستئش نغمه‌سی اوخویون. سِلا
[33] قدئم گؤیلرئن گؤیو اوستونه مئنه‌نه نغمه اوخویون؛ قولاق آسین، گوجلو سسئنی اشئتدئرئر.
[34] تارینین قودرتئنی اعلان ادئن؛ اونون جلالی ائسرایئل اوستونده‌دئر، اونون قودرتی گؤیلرده‌دئر.
[35] ای تاری، موقدّس یرئنده نه هیبتلی‌سن! خالقینا قووّت و قودرت ورن تاری، ائسرایئلئن تاریسی اودور. تاری موبارک اولسون.