[1] ཡང་ལོ་དགུ་པའི་ཟླ་བཅུ་ཡི་ཚེས་བཅུ་ཉིན་ལ། གཙོ་བོ་ཡ་ཝཱེའི་བཀའ་ནི་ང་ལ་བྱུང་སྟེ་འདི་སྐད་དུ།
[2] ཀྱེ་མིའི་བུ། ཁྱོད་ཀྱིས་དེ་རིང་གི་ཉི་མ་འདི་སེམས་སུ་ཟུངས་ཤིག ཉི་མ་དེ་རིང་ཡིན་ཏེ། གང་ལ་ཞེ་ན། པཱ་པིས་ལུན་གྱི་རྒྱལ་པོས་དེ་རིང་གི་ཉིན་མོ་འདི་ལ་ཡེ་རུ་སཱ་ལེམ་སྐོར་བའི་ཕྱིར།
[3] ཁྱོད་ཀྱིས་ངོ་ལོག་ཅན་གྱི་མི་རྒྱུད་དེ་ལ་དཔེ་དྲངས་ནས་འདི་ལྟར་དུ། གཙོ་བོ་ཡ་ཝཱེས་འདི་སྐད་དུ་གསུངས་ཏེ། སླ་ང་མེ་ཐོག་ཏུ་ཞོག་དང་། བཞག་པའི་རྗེས་སུ་དེའི་ནང་དུ་ཆུ་བླུགས་ཤིག
[4] དེ་ནས་ཤ་ལོག་ལོག་སྟེ། ཤ་ཤེད་རྒྱས་པའི་ཤ་ལོག་ལོག་དང་། རྐང་ཤ་དང་རྩིབ་རུས་རྣམས་སླ་ངའི་ནང་དུ་བཞག་སྟེ། རུས་པ་ལེགས་པོས་སླ་ང་ཁེངས་སུ་ཆུགས་དང་།
[5] ལུག་ཁྱུ་ལས་ཤ་ཤེད་རྒྱས་པའི་ལུག་གདམ་ནས། སླ་ངའི་འོག་ཏུ་བུད་ཤིང་བཞག་སྟེ་སླ་ངའི་ཆུ་འཁོལ་དུ་ཆུགས་དང་། རུས་པ་སླ་ངའི་ནང་དུ་ཚོས་ཤིག་ཅེས་སྨྲོས་ཤིག
[6] དེ་བས། གཙོ་བོ་ཡ་ཝཱེས་འདི་སྐད་དུ་གསུངས་ཏེ། མི་ལ་ཁྲག་བཞུར་དུ་བཅུག་པའི་གྲོང་ཁྱེར་ནི། ཡུན་རིང་དུ་བཙའ་ཆགས་པའི་སླ་ང་བཞིན་དུ་བཀྲ་མི་ཤིས་ལ། དེའི་བཙའ་ནི་མེད་པར་བཟོས་མེད་པས། སླ་ང་ནང་གི་དངོས་པོ་གཅིག་གཅིག་ལེན་དགོས་པ་ལས། དེ་དག་གི་ཕྱིར་དུ་རྒྱན་ལེན་མི་དགོས་སོ།།
[7] ཅིའི་ཕྱིར་ཞེ་ན། གྲོང་ཁྱེར་ནང་དུ་ད་དུང་མོའི་བཞུར་བའི་ཁྲག་ཡོད་དེ། མོས་ཁྲག་ནི་ཕ་བོང་འཇམ་པོ་ཐོག་ཏུ་གཏོར་བ་ལས། ས་རྡུལ་གྱིས་འགེབས་སུ་སའི་ནང་མ་བླུགས་སོ།།
[8] དེ་ལྟར་ངས་ཐུགས་ཁྲོ་ཆེན་པོ་ལང་སྟེ། ལན་འཇལ་བའི་ཕྱིར་དུ། མོའི་ཁྲག་ནི་ཕ་བོང་འཇམ་པོ་ཐོག་ཏུ་བླུགས་ཤིང་། ཐ་ན་འགེབས་ཀྱང་མི་ནུས་སོ།།
[9] དེ་བས་གཙོ་བོ་ཡ་ཝཱེས་འདི་སྐད་དུ་གསུངས་ཏེ། མི་ལ་ཁྲག་བཞུར་དུ་བཅུག་པའི་གྲོང་ཁྱེར་དེ་བཀྲ་མི་ཤིས། ངས་ཉིད་ཀྱི་བུད་ཤིང་ཇེ་མང་དུ་འགྲོ་བར་འགྱུར་ལ།
[10] ཁྱོད་ཀྱིས་བུད་ཤིང་མང་པོ་སྤུངས་ཤིག མེ་སྦོར་ནས་བྲོ་སྨན་དང་བཅས་སུ་ཤ་ལེགས་པར་ཚོས་དང་། རུས་པ་རྣམས་འཚིག་ཏུ་ཆུགས།
[11] དེ་ནས་སླང་ང་སྟོང་པ་མེའི་ཐོག་ཏུ་བཞག་ནས། སླ་ང་ངར་རུ་བཅུག་སྟེ། ཟངས་དམར་པོ་རུ་གྱུར་ནས། དེའི་ནང་གི་མི་གཙང་བ་རྣམས་ཞི་བར་ཆུགས་དང་། དེའི་བཙའ་ཆགས་པ་དག་མེད་པར་བཟོས་ཤིག
[12] སླ་ང་འདིས་མི་ལ་ཡིད་ཆད་དུ་འཇུག་སྟེ། དེའི་སྟེང་གི་བཙའ་མཐུག་པོ་ཆགས་པ་ལེན་ཐབས་མེད་དེ། མེའི་ནང་དུ་ཡང་དེའི་བཙའ་ཕྱིར་མ་བུད་དོ།།
[13] ཁྱོད་ཀྱི་མི་གཙང་བ་དེ་ནི་འདོད་གཡེམ་ཡིན་ནོ།། ངས་ཁྱོད་གཙང་བར་བྱེད་འདོད་ཀྱང་། ཁྱོད་གཙང་བར་འགྱུར་མི་འདོད་པས། ངས་ཁྱོད་ཀྱི་ཐོག་ཏུ་བླུགས་པའི་ཐུགས་ཁྲོ་དེ་ཆད་པའི་བར་དུ། ཁྱོད་ཀྱི་བཙོག་པ་དེ་གཙང་བར་འགྱུར་མི་ནུས་སོ།།
[14] ཡ་ཝཱེ་ངས་གསུངས་པ་དང་། དུས་ཐོན་ན་ངས་འགྲུབ་པར་མཛད་དེ། ངའི་དཔའ་མིག་ཞུམ་པར། གཟིགས་སྐྱོང་ཡང་མི་མཛད་པར། ཐུགས་དགོངས་ཀྱང་མི་བསྒྱུར་ལ། ངས་ཁྱོད་ཀྱི་སྤྱོད་ལམ་བཞིན་དུ་ཁྱོད་ལ་ཉེས་ཆད་གཅོད་པར་འགྱུར་ཞེས་གཙོ་བོ་ཡ་ཝཱེས་འདི་སྐད་དུ་གསུངས་སོ།།
[15] དེའང་གཙོ་བོ་ཡ་ཝཱེའི་བཀའ་ནི་ང་ལ་བྱུང་སྟེ་འདི་སྐད་དུ།
[16] ཀྱེ་མིའི་བུ། ངས་ཁྱོད་ལ་རྒོལ་ཞིང་། ཁྱོད་ཀྱི་མིག་གིས་དགའ་བ་དེ་འཕྲོག་པར་གྱུར་ན། ཁྱོད་ནི་ཡིད་སྐྱོ་མི་རུང་སྟེ། ངུ་ཡང་མི་རུང་ལ། མཆི་མའང་མི་འདོན་བར།
[17] ཁུ་སིམ་པོར་དབུགས་རིང་ཐོངས་ཤིག གཤིན་པོའི་དོན་དུ་མྱ་ངན་མ་བྱ་བར། ཁྱོད་ཀྱི་མགོ་ལ་ད་དུང་རས་ཀྱིས་དཀྲིས་དང་། རྐང་པར་ད་དུང་ལྷམ་གྱོན་པ་ལས། ཁྱོད་ཀྱིས་རང་གི་གདོང་ནི་འགེབས་མི་རུང་ལ། མྱ་ངན་ཞུ་བཞིན་པའི་ཁྱིམ་ཚང་ལ་གྲ་སྒྲིག་བྱས་པའི་སྡུག་ཟས་ཀྱང་མ་ཟའོ་ཞེས་གསུངས་པ་དང་།
[18] དེ་ནས་སྔ་དྲོར་ངས་མི་ཚོགས་ལ་དོན་འདི་བཤད་པ་ན། མཚན་མོར་ངའི་ཆུང་མ་ཤི་སྟེ། ཕྱི་ཉིན་སྔ་དྲོ་ངས་བཀའ་བསྩལ་བ་བཞིན་དུ་སྤྱད་དེ།
[19] མི་ཚོགས་ཀྱིས་ང་ལ། ཁྱེད་ཀྱིས་བྱས་པ་དེ་ནི་ངེད་རྣམས་དང་འབྲེལ་བ་ཅི་ཡོད་པ་འཆད་པར་མི་བྱའམ་ཞེས་དྲིས་པ་ལས།
[20] ངས་དེ་ཚོའི་ལན་དུ། གཙོ་བོ་ཡ་ཝཱེའི་བཀའ་ནི་ང་ལ་བྱུང་སྟེ་འདི་སྐད་དུ།
[21] ཁྱོད་ཀྱིས་ཡེས་ར་ཨེལ་གྱི་ཁྱིམ་རྒྱུད་ལ་སྨྲོས་ཤིག གཙོ་བོ་ཡ་ཝཱེས་འདི་སྐད་དུ་གསུངས་ཏེ། ལྟོས་ཤིག ངས་ཉིད་ཀྱི་དམ་པའི་གནས་ནི་བཙོག་པར་མཛད་ངེས་ཤིང་། ཅིའི་ཕྱིར་ཞེ་ན། དམ་གནས་འདི་ནི་ཁྱོད་ཚོས་ངོམ་པའི་སྟོབས་ཤུགས་དང་། མིག་གིས་དགའ་བ་དང་། སེམས་ནས་གཅེས་སུ་འཛིན་པ་དེའོ།། ཁྱོད་ཚོའི་ལུས་པའི་བུ་དང་བུ་མོ་རྣམས་ནི་རལ་གྲི་འོག་ཏུ་འགྱེལ་བར་འགྱུར།
[22] དུས་དེར་ཁྱོད་ཚོས་ངས་བྱས་པ་བཞིན་དུ་སྤྱོད་པ་ལས། ཁྱོད་ཚོས་རང་གི་གདོང་འགེབས་མི་རུང་ལ། མྱ་ངན་ཞུ་བཞིན་པའི་ཁྱིམ་ཚང་ལ་གྲ་སྒྲིག་བྱས་པའི་སྡུག་ཟས་ཀྱང་ཟ་མི་རུང་ངོ་།
[23] ཁྱོད་ཚོའི་མགོ་ལ་ད་དུང་རས་ཀྱིས་དཀྲིས་ཤིག་དང་། རྐང་པར་ད་དུང་ལྷམ་གྱོན་ཞིག ཁྱོད་རྣམས་ཡིད་སྐྱོ་མི་རུང་སྟེ། ངུ་ཡང་མི་རུང་ལ། ཡིན་ཡང་ཁྱོད་ཚོས་རང་གི་སྡིག་པའི་ཕྱིར་དུ། གཅིག་གིས་གཅིག་ལ་ལྟ་ཞིང་དབུགས་རིང་འབྱིན་ཏེ། ཉམ་ཐག་ནས་འཆི་བར་འགྱུར།
[24] འདིའི་ལུགས་སུ་ཨེ་ཟེ་ཀི་ཨེལ་ནི་ཁྱོད་ཅག་གི་སྔ་ལྟས་ཤིག་ཡིན་པས། དེས་སྤྱད་པའི་ལས་ཐམས་ཅད་བཞིན་དུ་མ་འོངས་པར་ཁྱོད་ཚོས་ཀྱང་སྤྱོད་དེ། དོན་དེ་འབྱུང་དུས་སུ། ཁྱོད་ཚོས་ང་ནི་གཙོ་བོ་ཡ་ཝཱེ་ལགས་ཡིན་པ་རྟོགས་པར་འགྱུར་རོ་ཞེས་གསུངས་སོ།།
[25] ཀྱེ་མིའི་བུ། ངས་དེ་དག་གི་ནང་དུ་ཁོ་ཚོའི་བཙན་རྫོང་དང་། དེ་དག་དགའ་བའི་གཟི་བརྗིད་དང་། དེ་དག་གི་མིག་གིས་དགའ་བ་དང་། སེམས་ཆགས་ཡོད་པའི་ཁོ་ཚོའི་བུ་དང་བུ་མོ་རྣམས་འཕྲོག་པའི་དུས་སུ།
[26] ཐར་མཁན་ཞིག་ཁྱོད་ཀྱི་དྲུང་དུ་འོངས་ཏེ། ཁྱོད་ལ་དོན་དེ་ཐོས་བར་བཅུག་པ་མ་ཡིན་ནམ།
[27] དུས་དེར། ཁྱོད་ཀྱིས་ཁ་འབྱེད་དེ་ཐར་བའི་མི་དེ་ལ་གཏམ་བཤད་པ་ལས། ལྐུགས་པ་མ་བྱེད་ཅིག ཁྱོད་ནི་དེ་ཚོའི་སྔ་ལྟས་ཤིག་ཏུ་འགྱུར་བ་དང་། དེ་ནས་ཁོ་ཚོས་ང་ནི་ཡ་ཝཱེ་ལགས་ཡིན་པ་རྟོགས་པར་འགྱུར་རོ།།