[1] Esawu bɔzɔnnu ya taliku le min ne (ai y'a fɔla min ma fana ko Ɛdomi).
[2] Esawu ka Kanaan moso sawa fulu: A moso kunfɔlɔ tɔɔ le tɛɛ ko Ada, Hɛtika kɛ́ Elon denmoso. A moso filana tɔɔ le tɛɛ ko Oholibama, min tɛɛ Ana denmoso le, Hivika kɛ́ Zibeyon mamani.
[3] A moso sawana tɔɔ le tɛɛ ko Basemati, Sumayila denmoso, min kɔlɔkɛ tɔɔ tɛɛ ko Nebayoti.
[4] Ada ka Elifazi sɔlɔn Esawu yɛ. Basemati ka Leyuwɛli sɔlɔn a yɛ.
[5] Oholibama ka Jɛwusi ni Jalamu ni Kola sɔlɔn. Esawu denkɛlu le ve le, a mosolu na minu sɔlɔnna a yɛ Kanaan duu lɔ.
[6] Esawu ka taa duu gbɛlɛ lɔ, min y'a kɛ, a a mataa a dɔɔni Janguba la. A ka taa a mosolu ni a dennu ani aa malalimɔɔlu bɛ le, ani aa kolofen ni a bolofen bɛ, a na minu sɔlɔnna Kanaan duu lɔ.
[7] Janguba ni Esawu ya kolofen ni ai sɔlɔnfen tɔ bɛ ya wala jate le k'ai falan i ɲɔɔ ma. Ai siinin tɛɛ duu min nɔ lonaya boloma, ai mɔɔ fila tɛɛ tɛ se kunna je butu.
[8] Wo le k'a kɛ, Esawu ka t'i sii Seyili tinima duu lɔ, ai y'a fɔla tɛɛminja ma ko Ɛdomi.
[9] Esawu bɔzɔnnu ya taliku le ne. Esawu ka kɛ Ɛdomikalu bema le, minu siinin tɛɛ Seyili tinima duu lɔ.
[10] Esawu denkɛlu le ne: Elifazi, Esawu moso Ada na min sɔlɔnna a yɛ, ani Leyuwɛli, Esawu moso Basemati na min sɔlɔnna a yɛ.
[11] Elifazi denkɛlu le ne: Teman, Omalu, Zefo, Gatamu ani Kenazi.
[12] Timina min tɛɛ Esawu denkɛ Elifazi ya jɔnmoso le, wo ka Amaleki sɔlɔn Elifazi yɛ. Esawu moso Ada bɔzɔnnu le ve le.
[13] Leyuwɛli denkɛlu le ne: Nahati, Zela, Sama, ani Miza. Esawu moso Basemati bɔzɔnnu le ve le.
[14] Esawu moso Oholibama, min tɛɛ Ana denmoso le, ani Zibeyon mamani, wo ka denkɛ minu sɔlɔn Esawu yɛ: Jɛwusi, Jalamu, ani Kola.
[15] Mɔɔ minu ka kɛ kabila ɲamɔɔ le Esawu bɔzɔnnu tɛma, wolu le ne. Esawu denkɛ kunfɔlɔ Elifazi ta denkɛlu: Teman, Omalu, Zefo, Kenazi,
[16] Kola, Gatamu ani Amaleki. Kabila ɲamɔɔ minu ka bɔ Elifazi lɔ, min tɛɛ siinin Ɛdomi duu lɔ, wolu le ve le. Esawu moso Ada bɔzɔnnu le ve le.
[17] Mɔɔ minu ka kɛ kabila ɲamɔɔ le ka bɔ Esawu denkɛ Leyuwɛli lɔ, wolu le ne: Nahati, Zela, Sama ani Miza. Kabila ɲamɔɔ minu ka bɔ Leyuwɛli lɔ, min tɛɛ siinin Ɛdomi duu lɔ, wolu le ve le. Esawu moso Basemati bɔzɔnnu le ve le.
[18] Esawu moso Oholibama denkɛ minu ka kɛ kabila ɲamɔɔ le, wolu le ne: Jɛwusi, Jalamu ani Kola. Esawu moso Oholibama denkɛ minu ka kɛ kabila ɲamɔɔ le, wolu le ve le. Esawu moso Oholibama tɛɛ Ana denmoso le le.
[19] Esawu, ai y'a fɔla min ma ko Ɛdomi, wo bɔzɔnnu le ve le. Ai ta kabila ɲamɔɔlu le ve le.
[20] Seyili min ka kɛ Holika duulennu bema le Ɛdomi duu lɔ, wo denkɛlu le ne: Lotan, Sobali, Zibeyon, Ana,
[21] Dison, Ezɛli ani Disan. Seyili denkɛlu le ve le, minu ka kɛ Holikalu ta ɲamɔɔlu le Ɛdomi duu lɔ.
[22] Lotan denkɛlu tɛɛ Holi ni Hɛmamu le le. Lotan badenmamoso le tɛɛ Timina le.
[23] Sobali denkɛlu le ne: Alivan, Manahati, Ebali, Sefo ani Onamu.
[24] Zibeyon denkɛlu le tɛɛ Aja ni Ana le. Ale Ana ka to fuwa lɔ a fa Zibeyon ya sofalinilu kunmafɛlɛnna, a ka kɛ mɔɔ kunfɔlɔ le ka falakɔɔ wo ye, ji gbanin yi bɔla min nɔ.
[25] Ana denkɛ le tɛɛ Dison ne. A denmoso le tɛɛ Oholibama le.
[26] Dison denkɛlu le ne: Hɛmɛdan, Esiban, Itilan ani Kelan.
[27] Ezɛli denkɛlu le ne: Bilihan, Zavan, ani Akan.
[28] Disan denkɛlu le tɛɛ Uzi ni Alan ne.
[29] Holikalu ya kabila ɲamɔɔlu le ne: Lotan, Sobali, Zibeyon, Ana,
[30] Dison, Ezɛli ani Disan. Holikalu ya kabila ɲamɔɔlu le ve le Seyili duu lɔ, ai bɛ ni ai ta bonna.
[31] Minu le masakɛlu le, minu tɛɛ Ɛdomi duu malala jani masakɛ dɔ t'i sii Bani-Isilankalu kunna:
[32] Beyɔli denkɛ Bela ka kɛ masakɛ le Ɛdomi duu kunna, aa masaso tɔɔ le tɛɛ ko Dinaba.
[33] Bela sanin, Zela denkɛ Jobabu ka bɔ Bozila so kɔnɔ, wo k'i sii masaya la a nɔ lɔ.
[34] Jobabu sanin, Husamu ka bɔ Temankalu ya duu lɔ, wo k'i sii masaya la a nɔ lɔ.
[35] Husamu sanin, Bedadi denkɛ Hadadi k'i sii masaya la a nɔ lɔ. Wo le ka see sɔlɔn Madiyankalu ma Mowabu duu lɔ. Aa masaso tɔɔ le tɛɛ ko Aviti.
[36] Hadadi sanin, Samula ka bɔ Masileka so kɔnɔ, wo k'i sii masaya la a nɔ lɔ.
[37] Samula sanin, Sawuli k'i sii masaya la a nɔ lɔ. Wo bɔnin tɛɛ Lehoboti so kɔnɔ, Efilati kɔɔ dala.
[38] Sawuli sanin, Akiboli denkɛ Bahala-Hanan k'i sii masaya la a nɔ lɔ.
[39] Akiboli denkɛ Bahala-Hanan sanin, Hadadi k'i sii masaya la a nɔ lɔ. Aa masaso tɔɔ le tɛɛ ko Pawu. A moso tɔɔ le tɛɛ ko Mehetabeli, Matiledi denmoso, Mezahabu mamani.
[40] Kabila ɲamɔɔ minu ka bɔ Esawu lɔ, wolu le ne, ai bɛ ni ai ta bonna, ai bɛ ni ai ta siiyalu, minu tɔɔ lanin ailu gbu la: Timina, Aliva, Jeteti,
[41] Oholibama, Ela, Pinon,
[42] Kenazi, Teman, Mibizali,
[43] Magadiyeli ani Ilamu. Wolu le ka kɛ kabila ɲamɔɔ le minu ka bɔ Ɛdomi lɔ, ai y'a fɔla min min ma ko Esawu, Ɛdomikalu bema, ai bɛ ni a ta siiyalu, aiya duu lɔ.