[1] Nuho denkɛlu ya taliku le ne: Sɛmu ni Hamu ani Jafɛti. Ai mɔɔ sawa ka denkɛlu sɔlɔn tufanaji timin kɔ.
[2] Jafɛti denkɛlu tɛɛ Gomɛli ni Majujun ni Madayi ni Javan ni Tubali ni Mɛsɛki ani Tilasi le le. (Siboloma minu bɔnin minu lɔ, wolu tɔɔ lanin wolu le la).
[3] Gomɛli bɔzɔnnu tɛɛ Asikɛnazi ni Lifati ni Togalima le le.
[4] Javan bɔzɔnnu tɛɛ Elisa ni Talisisi ni Kitimu ani Dodanimu le le.
[5] Wolu tɛɛ siboloma wolu jilijaalu le le, minu siinin kɔɔji dala ani kɔɔtɛmaduulu lɔ. Javan bɔzɔnnu le wolu le, minu ka jɛzɛn ai ta duulu lɔ, ai bɛ ni ai ta kabila, ai bɛ ni ai ta balakan.
[6] Hamu denkɛlu tɛɛ Kusi ni Misilan ni Puti ni Kanaan ne le. (Siboloma minu bɔnin minu lɔ, wolu tɔɔ lanin wolu le la).
[7] Kusi bɔzɔnnu tɛɛ Seba ni Havila ni Sabita ni Laama ani Sabiteka le le. Laama bɔzɔnnu tɛɛ Seba ni Dedan ne le.
[8] Kusi tɛɛ Nimilodi fa le le. Nimilodi le ka kɛ kɛ́ fali kunfɔlɔ le duukolo kɔkan.
[9] A ka kɛ donzo fali ba le mɔ Tii Ala ɲakɔlɔ. Wo le y'a kɛla, a y'a fɔla mɔɔ dɔlu ma ko: «A kɛnin donzo fali ba le mɔ Tii Ala ɲakɔlɔ, iwo Nimilodi tɛɛ teme.»
[10] Nimilodi ya masasolu tɛɛ Babilɔn ni Ɛlɛki ni Akadi ani Kaline le le, minu yi Sinali duu lɔ.
[11] A ka bɔ je ka taa Asiliya jamana lɔ ka so minu lɔ: Ninive, Lehoboti-Ili, Kala,
[12] ani Lesen, min yi Ninive ni Kala so ba wotɛ.
[13] Siboloma minu bɔnin Misilan nɔ, wolu le ne: Ludikalu, Anamikalu, Lehabikalu, Nafitukalu,
[14] Patulusikalu, Kafitolikalu ani Kasiluhikalu. Filisitikalu ka bɔ Kasiluhikalu le lɔ.
[15] Kanaan ka denkɛ fila sɔlɔn, a den kunfɔlɔ Sidon ani wo sennalɔ Hɛti.
[16] Siboloma minu bɔnin Kanaan lɔ, wolu le ne: Jebusikalu, Amolikalu, Giligasikalu,
[17] Hivikalu, Alikikalu, Sinikalu,
[18] Alivadikalu, Zemalikalu ani Hamatikalu. Waate ka se, kabila minu bɔnin Kanaan lɔ, wolu ka jɛzɛn a ma.
[19] Kanaankalu ya duu dan daminanin tɛɛ Sidon so le ma, ka jii ka taa se Gelali so ma, Gaza magbɛn nɔ. Ka damina so wo ma aiya duu dan taanin tɛɛ telebɔ fan ne fɛ, ka taa sii Sɔdɔmu ni Gɔmɔli ni Adima solu la, ani Zeboyimu min yi Lasa magbɛn nɔ.
[20] Hamu bɔzɔnnu le wolu le, ai bɛ ni ai ta kabila, ai bɛ ni ai ta balakan, ai bɛ ni ai ta duu, ai bɛ ni ai ta siboloma.
[21] Sɛmu, min kɛnin Jafɛti kɔlɔkɛ le, wo fana ka denkɛlu sɔlɔn. Ebɛli bɔzɔnnu bɛ bɔnin ale le lɔ.
[22] Sɛmu denkɛlu tɛɛ Elamu ni Asuli ni Alipakisadi ni Ludi ani Alamu le. (Siboloma minu bɔnin minu lɔ, wolu tɔɔ lanin wolu le la).
[23] Alamu denkɛlu tɛɛ Uzi ni Huli ni Gɛtɛli ani Masi le le.
[24] Alipakisadi ka Sɛla sɔlɔn. Sɛla ka Ebɛli sɔlɔn.
[25] Ebɛli ka denkɛ fila sɔlɔn. Kelen tɔɔ le tɛɛ ko Pɛlɛgi (wo kɔlɔ le ko «Falanɲɔɔma»). Ai do k'a tɔɔla ten ne, kamasɔlɔn dunuɲamɔɔlu ka falan i ɲɔɔ ma aa waate le lɔ. A dɔɔkɛ tɔɔ tɛɛ ko Jokitan.
[26] Jokitan bɔzɔnnu le ne: Alimodadi, Sɛlɛfu, Hazalimavɛti, Jela,
[27] Hadolamu, Uzali, Dikila,
[28] Obali, Abimayɛli, Seba,
[29] Ofili, Havila ani Jobabu. Jokitan bɔzɔnnu le wolu le.
[30] Ai siiya dan daminanin tɛɛ Mesa dingila le ma ka taa sii Sefali tinima duu la telebɔ fannɔ.
[31] Sɛmu bɔzɔnnu le wolu le, ai bɛ ni ai ta kabila, ai bɛ ni ai ta balakan, ai bɛ ni ai ta duu, ai bɛ ni ai ta siboloma.
[32] Nuho denkɛlu ya kabilalu le wolu le, ai bɛ ni ai ta jilijaa, ai bɛ ni ai ta siboloma. Siboloma wolu ka jɛzɛn duukolo fan bɛ lɔ tufanaji timin kɔ.