[1] Matigi kumana Musa fɛ k'a toɲɔgɔn kunbɛn finiso kɔnɔ Sinayi kungokolon kɔnɔ. O kɛra Israɛl bɔnsɔn bɔlen kɔ Misira jamana la, o san kalo filanan tile fɔlɔ don.
[2] Matigi y'a fɔ a ye ko: «Aw ka Israɛl jama bɛɛ tɔgɔw sɛbɛn, ka kɛɲɛ ni u bɛnbaw bɔnsɔnw ka gwaw ye.
[3] Cɛw bɛɛ kelen-kelen ka dan k'a daminɛ san mugan mɔgɔw la fo ka taa se u ɲɛ mɔgɔw ma, Israɛl la cɛ minw bɛɛ bɛ se ka taa kɛlɛ la, olu ko don. I ni Aron ka u dan ka kɛɲɛ ni u ka kɛlɛbolow ye.
[4] Siyaw bɛɛ kelen-kelen ka cɛ kelen ka kɛ aw fɛ, u ka kɛ u bɛnbaw bɔnsɔnw kuntigiw ye.
[5] Mɔgɔ minw na fara aw kan, olu tɔgɔw filɛ. Rubɛn siya la, Sedeur denkɛ Elizur.
[6] Simeɔn siya la, Zurisadai denkɛ Selumiɛl
[7] Juda siya la, Aminadab denkɛ Nakisɔn
[8] Isakar siya la, Zuar denkɛ Netaneɛl
[9] Zabulɔn siya la, Helɔn denkɛ Eliab
[10] Yusufu denkɛ Efrayim siya la, Amihud denkɛ Elisama Yusufu denkɛ Manase siya la, Pedazur denkɛ Gamaliɛl
[11] Benjamɛn siya la, Gideoni denkɛ Abidan
[12] Dan siya la, Amisadayi denkɛ Ahiezɛr
[13] Asɛr siya la, Okran dɛnkɛ Pagiɛl
[14] Gad siya la, Duɛl denkɛ Eliasaf
[15] Nefitali siya la, Enan denkɛ Ahira.»
[16] Minw welela jama lajɛ la ni u kɛra u bɛnbaw siyaw kuntigiw ye, olu don. Israɛl mɔgɔ waa caman kuntigiw tun don.
[17] Mɔgɔ minw tɔgɔw fɔra, Musa ni Aron ye olu lajɛɲɔgɔn kan,
[18] ka jama bɛɛ lajɛɲɔgɔn kan san kalo filanan tile fɔlɔ la. U ye mɔgɔw tɔgɔw sɛbɛn ka kɛɲɛ ni u bɛnbaw bɔnsɔnw ka gwaw ye, u bɛɛ kelen-kelen tɔgɔw danna k'a daminɛ san mugan mɔgɔw la fo ka taa se u ɲɛ mɔgɔw ma.
[19] Musa ye u dan Sinayi kungokolon kɔnɔ i ko Matigi y'a fɔ a ye cogo min na.
[20] Israɛl denkɛ fɔlɔ Rubɛn bɔnsɔn filɛ nin ye, ka kɛɲɛ ni u bɛnbaw bɔnsɔnw ka gwaw ye. Cɛ minw tun bɛ se ka taa kɛlɛ la, olu bɛɛ kelen-kelen tɔgɔw danna, k'a daminɛ san mugan mɔgɔw la fo ka taa se u ɲɛ mɔgɔw ma.
[21] Cɛ minw danna Rubɛn siya la, olu bɛɛ lajɛlen kɛra cɛ waa binaani ni wɔɔrɔ ani cɛ kɛmɛ duuru ye.
[22] Simeɔn bɔnsɔn filɛ nin ye, ka kɛɲɛ ni u bɛnbaw bɔnsɔnw ka gwaw ye. Cɛ minw tun bɛ se ka taa kɛlɛ la, olu bɛɛ kelen-kelen tɔgɔw danna k'a daminɛ san mugan mɔgɔw la fo ka taa se u ɲɛ mɔgɔw ma.
[23] Cɛ minw danna Simeɔn siya la, olu bɛɛ lajɛlen kɛra cɛ waa biduuru ni kɔnɔntɔn ani cɛ kɛmɛ saba ye.
[24] Gad bɔnsɔn filɛ nin ye, ka kɛɲɛ ni u bɛnbaw bɔnsɔnw ka gwaw ye. Cɛ minw tun bɛ se ka taa kɛlɛ la, olu bɛɛ tɔgɔw danna k'a daminɛ san mugan mɔgɔw la fo ka taa se u ɲɛ mɔgɔw ma.
[25] Cɛ minw danna Gad siya la, olu bɛɛ lajɛlen kɛra cɛ waa binaani ni duuru ni kɛmɛ wɔɔrɔ ani cɛ biduuru ye.
[26] Juda bɔnsɔn filɛ nin ye, ka kɛɲɛ ni u bɛnbaw bɔnsɔnw ka gwaw ye. Cɛ minw tun bɛ se ka taa kɛlɛ la, olu bɛɛ tɔgɔw danna k'a daminɛ san mugan mɔgɔw la fo ka taa se u ɲɛ mɔgɔw ma.
[27] Cɛ minw danna Juda siya la, olu bɛɛ lajɛlen kɛra cɛ waa biwolonwula ni naani ani cɛ kɛmɛ wɔɔrɔ ye.
[28] Isakar bɔnsɔn filɛ nin ye, ka kɛɲɛ ni u bɛnbaw bɔnsɔnw ka gwaw ye. Cɛ minw tun bɛ se ka taa kɛlɛ la, olu bɛɛ tɔgɔw danna k'a daminɛ san mugan mɔgɔw la fo ka taa se u ɲɛ mɔgɔw ma.
[29] Cɛ minw danna Isakar siya la, olu bɛɛ lajɛlen kɛra cɛ waa biduuru ni naani ani cɛ kɛmɛ naani ye.
[30] Zabulɔn bɔnsɔn filɛ nin ye, ka kɛɲɛ ni u bɛnbaw bɔnsɔnw ka gwaw ye. Cɛ minw tun bɛ se ka taa kɛlɛ la, olu bɛɛ tɔgɔw danna k'a daminɛ san mugan mɔgɔw la fo ka taa se u ɲɛ mɔgɔw ma.
[31] Cɛ minw danna Zabulɔn siya la, olu bɛɛ lajɛlen kɛra cɛ waa biduuru ni wolonwula ani cɛ kɛmɛ naani ye.
[32] Yusufu denkɛ Efrayim bɔnsɔn filɛ nin ye, ka kɛɲɛ ni u bɛnbaw bɔnsɔnw ka gwaw ye. Cɛ minw tun bɛ se ka taa kɛlɛ la, olu bɛɛ tɔgɔw danna k'a daminɛ san mugan mɔgɔw la fo ka taa se u ɲɛ mɔgɔw ma.
[33] Cɛ minw danna Efrayim la, olu bɛɛ lajɛlen kɛra cɛ waa binaani ani cɛ kɛmɛ duuru ye.
[34] Manase bɔnsɔn filɛ nin ye, ka kɛɲɛ ni u bɛnbaw bɔnsɔnw ka gwaw ye. Cɛ minw tun bɛ se ka taa kɛlɛ la, olu bɛɛ tɔgɔw danna k'a daminɛ san mugan mɔgɔw la fo ka taa se u ɲɛ mɔgɔw ma.
[35] Cɛ minw danna Manase siya la, olu bɛɛ lajɛlen kɛra cɛ waa bisaba ni fila ani cɛ kɛmɛ fila ye.
[36] Benjamɛn bɔnsɔn filɛ nin ye, ka kɛɲɛ ni u bɛnbaw bɔnsɔnw ka gwaw ye. Cɛ minw tun bɛ se ka taa kɛlɛ la, olu bɛɛ tɔgɔw danna k'a daminɛ san mugan mɔgɔw la fo ka taa se u ɲɛ mɔgɔw ma.
[37] Cɛ minw danna Benjamɛn siya la, olu bɛɛ lajɛlen kɛra cɛ waa bisaba ni duuru ani cɛ kɛmɛ naani ye.
[38] Dan bɔnsɔn filɛ nin ye, ka kɛɲɛ ni u bɛnbaw bɔnsɔnw ka gwaw ye. Cɛ minw tun bɛ se ka taa kɛlɛ la, olu bɛɛ tɔgɔw danna k'a daminɛ san mugan mɔgɔw la fo ka taa se u ɲɛ mɔgɔw ma.
[39] Cɛ minw danna Dan siya la, olu bɛɛ lajɛlen kɛra cɛ waa biwɔɔrɔ ni fila ani cɛ kɛmɛ wolonwula ye.
[40] Asɛr bɔnsɔn filɛ nin ye, ka kɛɲɛ ni u bɛnbaw bɔnsɔnw ka gwaw ye. Cɛ minw tun bɛ se ka taa kɛlɛ la, olu bɛɛ tɔgɔw danna k'a daminɛ san mugan mɔgɔw la fo ka taa se u ɲɛ mɔgɔw ma.
[41] Cɛ minw danna Asɛr siya la, olu bɛɛ lajɛlen kɛra cɛ waa binaani ni kelen ani cɛ kɛmɛ duuru ye.
[42] Nefitali bɔnsɔn filɛ nin ye, ka kɛɲɛ ni u bɛnbaw bɔnsɔnw ka gwaw ye. Cɛ minw tun bɛ se ka taa kɛlɛ la, olu beɛ tɔgɔw danna k'a daminɛ san mugan mɔgɔw la fo ka taa se u ɲɛ mɔgɔw ma.
[43] Cɛ minw danna Nefitali siya la, olu bɛɛ lajɛlen kɛra cɛ waa biduuru ni saba ani cɛ kɛmɛ naani ye.
[44] Musa ni Aron ni Israɛl kuntigi tan ni fila ye mɔgɔ minw dan, olu tun don. Kuntigiw bɔra u bɛnbaw bɔnsɔnw bɛɛ kelen-kelen na.
[45] Ayiwa, Israɛl bɔnsɔn mɔgɔ minw danna ka kɛɲɛ ni u bɛnbaw bɔnsɔnw ye, minw tun bɛ se ka taa kɛlɛ la, k'a daminɛ san mugan mɔgɔw la fo ka taa se u ɲɛ mɔgɔw ma,
[46] olu bɛɛ lajɛlen kɛra cɛ waa kɛmɛ wɔɔrɔ ni saba ni cɛ kɛmɛ duuru ani cɛ biduuru ye.
[47] Levitew ni u bɛnbaw siya ma jate tɔw fɛ,
[48] katuguni Matigi kumana Musa fɛ ko:
[49] «I kana Levi siya dan Israɛl bɔnsɔn tɔw fɛ, u sen kana don Israɛl bɔnsɔn jate la.
[50] Nka i ka seereya finiso ni a kɔnɔ minanw ni a fɛnw bɛɛ kalifa Levitew ma. U ka o finiso ni a minanw bɛɛ ta ka a so baara kɛ. U ka u ka buguw turu ka finiso lamini.
[51] Ni o finiso wuli tuma sera, Levitew ka a waraka. Ni o so bɛ jɔ, Levitew ka a jɔ. Ni dunan gɛrɛla a la, o ka faga.
[52] Israɛl bɔnsɔn cɛw ka u ka buguw turu u yɛrɛ ka bugufyɛ la, cɛw bɛɛ kelen-kelen ka kɛ u ka taamashyɛn kɔrɔ, ka kɛɲɛ ni u ka kɛlɛbolow ye.
[53] Nka Levitew ka u ka buguw turu ka seereya finiso lamini, walisa dimiya kana na Israɛl bɔnsɔn sɔrɔ. Levitew ka seereya finiso mara.»
[54] Matigi ye min fɔ Musa ye, Israɛl bɔnsɔn ye o bɛɛ kɛ.