[1] Matigi kumana Musa fɛ ko
[2] a k'a fɔ Aron ye ko ni a bɛ fitinɛ daw don fitinɛba la tuma min na, a ka o da wolonwula sinɲɛfɛla ma walisa yeelen ka sin a ɲɛfɛla ma.
[3] Aron y'a kɛ ten. A ye fitinɛba daw don fitinɛba la ka u ɲɛ sinɲɛfɛla ma i ko Matigi y'a fɔ Musa ye cogo min na.
[4] Fitinɛba dilara ni sanu fagalen ye. A sen ni a feere bisigi bɛɛ tun ye sanu fagalen ye. Matigi ye bisigi min jira Musa la, a ye fitinɛ dila ka kɛɲɛ ni o ye.
[5] Matigi kumana Musa fɛ ko:
[6] «I ka Levitew ta ka bɔ Israɛl bɔnsɔn cɛma ka u saniya.
[7] U saniya cogo filɛ nin ye: I ka jurumu kafari ji seriseri u kan. U ka u fari la si bɛɛ di ni sirifɛ ye ka u ka finiw ko ka u yɛrɛw saniya.
[8] O kɔ, u ka na ni nturabɔlan kelen ye ani a mugu saraka, mugu tɛntɛnnen, tuluɲaaminen o la. I ka na ni nturabɔlan wɛrɛ ye ka o kɛ jurumu yafa saraka ye.
[9] I ka na ni Levitew ye ɲɔgɔn kunbɛn finiso da la ka Israɛl bɔnsɔn jama bɛɛ lajɛɲɔgɔn kan.
[10] I ka na ni Levitew ye Matigi ɲɛ kɔrɔ. Israɛl bɔnsɔn na u bolow da Levitew kan.
[11] Aron ka Levitew bila Matigi ɲɛ kɔrɔ ka u kɛ saraka finifanata ye min dira Israɛl bɔnsɔn fɛ walisa u ka bila Matigi ka baara kama.
[12] O kɔ, Levitew ka u bolow da nturabɔlanw kunkolo kan. I ka ntura kelen kɛ jurumu yafa saraka ye, k'a tɔ kelen kɛ saraka jenita ye Matigi ye ka Levitew ka jurumu kafari.
[13] I ka Levitew jɔ Aron ni a denkɛw ɲɛ kɔrɔ ka u kɛ saraka finifanata ye ka u di Matigi ma.
[14] I ka Levitew fara ka bɔ Israɛl bɔnsɔn tɔw la, Levitew na kɛ ne ta ye.
[15] O kɛlen kɔ, Levitew naɲɔgɔn kunbɛn finiso baara daminɛ. I ka u saniya ka u kɛ saraka finifanata ye,
[16] k'a masɔrɔ Levitew bɛɛ lajɛlen dira ne ma ka bɔ Israɛl bɔnsɔn cɛma. Ne ye u minɛ ne yɛrɛ ye den fɔlɔw nɔ na, Israɛl bɔnsɔn denkɛ fɔlɔw bɛɛ kɔni.
[17] K'a masɔrɔ Israɛl bɔnsɔn denkɛ fɔlɔw bɛɛ ye ne ta ye, bagan fara mɔgɔ kan. Ne ye Misira jamanaden fɔlɔw bɛɛ faga don min na, ne ye u bila ne yɛrɛ ye o don na.
[18] Ayiwa, ne ye Levitew minɛ Israɛl bɔnsɔn denkɛ fɔlɔw bɛɛ nɔ na.
[19] Ne ye Levitew di Aron ni a denkɛw ma ka bɔ Israɛl bɔnsɔn cɛma, nili fɛn don. U naɲɔgɔn kunbɛn finiso baara kɛ Israɛl bɔnsɔn ye. U na Israɛl bɔnsɔn ka jurumuw kafari fana walisa fiɲɛbana kana na se Israɛl bɔnsɔn ma ni u gɛrɛla yɔrɔ senuma la tuma min na.»
[20] Musa ni Aron ni Israɛl bɔnsɔn jama bɛɛ y'a kɛ Levitew la ka kɛɲɛ ni Matigi ka ci fɔlen bɛɛ ye Musa ye Levitew ko la.
[21] Levitew y'u yɛrɛw saniya ka u ka finiw ko. Aron ye u kɛ saraka finifanata ye ka u di Matigi ma. Aron ye u ka jurumuw kafari walisa ka u saniya.
[22] O kɛlen kɔ, Levitew donna ka baara daminɛɲɔgɔn kunbɛn finiso kɔnɔ Aron ni a denkɛw ɲɛ kɔrɔ, i ko Matigi y'a fɔ Musa ye Levitew ko la cogo min na, u y'a kɛ ten.
[23] Matigi kumana Musa fɛ ko:
[24] «Levitew ka kɛta filɛ nin ye, k'a daminɛ san mugan ni duuru mɔgɔw la fo ka taa se u ɲɛ mɔgɔw ma, u ka donɲɔgɔn kunbɛn finiso baara la ka u jɔyɔrɔ baara kɛ.
[25] Ni u ye san biduuru sɔrɔ tuma min na, u na u bolo bɔ baara la, ka u ka baara bila.
[26] O bɛɛ n'a ta fɛn minw kalifara u balimaw maɲɔgɔn kunbɛn finiso kɔnɔ, u na u dɛmɛ olu kɔlɔsili la, nka u tɛna baara kɛ tun. I ka Levitew ka baara kɛ cogoɲɛnabɔ ten.»