[1] O fiɲɛbana tɛmɛnnen kɔ, Matigi y'a fɔ Musa ni sarakalasebaa Aron denkɛ Eleazar ye ko:
[2] «Israɛl bɔnsɔn jama bɛɛ la mɔgɔ minw bɛ se ka taa kɛlɛ la, aw ka olu bɛɛ tɔgɔw sɛbɛn, k'a daminɛ san mugan mɔgɔw la fo ka taa se u ɲɛ mɔgɔw ma, ka kɛɲɛ ni u bɛnbaw bɔnsɔnw ye.»
[3] Musa ni sarakalasebaa Eleazar kumana Israɛl bɔnsɔn fɛ ka u to Moab jamana jɛkɛnɛw la Jurdɛn da fɛ Jeriko kuntilenna la, u ko:
[4] «Aw ka mɔgɔw tɔgɔw sɛbɛn k'a daminɛ san mugan mɔgɔw la fo ka taa se u ɲɛ mɔgɔw ma, i ko Matigi y'a fɔ Musa ye cogo min na.» Israɛl bɔnsɔn minw bɔra Misira jamana la, olu filɛ ninw ye:
[5] Israɛl denkɛ fɔlɔ tun ye Rubɛn ye. Rubɛn denkɛw filɛ ninw ye: Henɔk bɔnsɔn ka gwa bɔra Henɔk la. Palu bɔnsɔn ka gwa bɔra Palu la.
[6] Hɛzrɔn bɔnsɔn ka gwa bɔra Hɛzrɔn la. Karmi bɔnsɔn ka gwa bɔra Karmi la.
[7] Olu tun ye Rubɛn bɔnsɔn ka gwaw ye. Cɛ minw danna, olu kɛra cɛ waa binaani ni saba ani cɛ kɛmɛ wolonwula ni bisaba ye.
[8] Palu bɔnsɔn tun ye Eliab ye.
[9] Eliab denkɛw tun ye Nemuɛl ni Datan ani Abiram ye. Jama ye Datan ni Abiram minw ɲɛnatɔmɔ, olu don. U farala Korɛ ka jama kan ka muruti Musa ni Aron ma, ka muruti Matigi fana ma.
[10] Dugukolo y'a da yɛlɛ ka u ni Korɛ kunun jama sa tuma la. Tasuma ye mɔgɔ kɛmɛ fila ni biduuru jeni fana. U kɛra lasɔmili fɛn ye.
[11] O bɛɛ n'a ta Korɛ denkɛw ma sa.
[12] Simeɔn denkɛw filɛ ninw ye ka kɛɲɛ ni u ka gwaw ye: Nemuɛl bɔnsɔn ka gwa bɔra Nemuɛl la. Jamɛn bɔnsɔn ka gwa bɔra Jamɛn la. Jakɛn bɔnsɔn ka gwa bɔra Jakɛn la.
[13] Zerak bɔnsɔn ka gwa bɔra Zerak la. Saul bɔnsɔn ka gwa bɔra Saul la.
[14] Olu tun ye Simeɔn bɔnsɔn ka gwaw ye. U kɛra cɛ waa mugan ni fila ani cɛ kɛmɛ fila ye.
[15] Gad denkɛw filɛ ninw ye ka kɛɲɛ ni u ka gwaw ye: Zɛfɔn bɔnsɔn ka gwa bɔra Zɛfɔn la. Hagi bɔnsɔn ka gwa bɔra Hagi la. Suni bɔnsɔn ka gwa bɔra Suni la.
[16] Ozni bɔnsɔn ka gwa bɔra Ozni la. Eri bɔnsɔn ka gwa bɔra Eri la.
[17] Arɔd bɔnsɔn ka gwa bɔra Arɔd la. Areɛli bɔnsɔn ka gwa bɔra Areɛli la.
[18] Olu tun ye Gad bɔnsɔn ka gwaw ye ka kɛɲɛ ni u mɔgɔ dannenw ye. O kɛra cɛ waa binaani ani cɛ kɛmɛ duuru ye.
[19] Juda denkɛw tun ye Er ni Onan ye nka Er ni Onan sara ka u to Kanan jamana la.
[20] Juda denkɛw filɛ ninw ye ka kɛɲɛ ni u ka gwaw ye: Sela bɔnsɔn ka gwa bɔra Sela la. Perɛz bɔnsɔn ka gwa bɔra Perɛz la. Zerak bɔnsɔn ka gwa bɔra Zerak la.
[21] Perɛz denkɛw filɛ ninw ye: Hɛzrɔn bɔnsɔn ka gwa bɔra Hɛzrɔn la. Hamul bɔnsɔn ka gwa bɔra Hamul la.
[22] Olu tun ye Juda ka gwaw ye ka kɛɲɛ ni u mɔgɔ dannenw ye. U kɛra cɛ waa biwolonwula ni wɔɔrɔ ani cɛ kɛmɛ duuru ye.
[23] Isakar denkɛw filɛ ninw ye ka kɛɲɛ ni u ka gwaw ye. Tola bɔnsɔn ka gwa bɔra Tola la. Puva bɔnsɔn ka gwa bɔra Puva la.
[24] Jasub bɔnsɔn ka gwa bɔra Jasub la. Simrɔn bɔnsɔn ka gwa bɔra Simrɔn la.
[25] Olu tun ye Isakar ka gwaw ye ka kɛɲɛ ni u mɔgɔ dannenw ye. U kɛra cɛ waa biwɔɔrɔ ni naani ani cɛ kɛmɛ saba ye.
[26] Zabulɔn denkɛw filɛ ninw ye ka kɛɲɛ ni u ka gwaw ye. Serɛd bɔnsɔn ka gwa bɔra Serɛd la. Elɔn bɔnsɔn ka gwa bɔra Elɔn la. Jaleɛl bɔnsɔn ka gwa bɔra Jaleɛl la.
[27] Olu tun ye Zabulɔn bɔnsɔn ka gwaw ye ka kɛɲɛ ni u mɔgɔ dannenw ye. U kɛra cɛ waa biwɔɔrɔ ani cɛ kɛmɛ duuru ye.
[28] Yusufu denkɛw tun ye Manase ni Efrayim ye ka kɛɲɛ ni u ka gwaw ye.
[29] Manase denkɛw filɛ ninw ye: Makir bɔnsɔn ka gwa bɔra Makir la. Makir ye Galad bange. Galad bɔnsɔn ka gwa bɔra Galad la.
[30] Galad denkɛw filɛ ninw ye: Jezɛr bɔnsɔn ka gwa bɔra Jezɛr la. Helɛk bɔnsɔn ka gwa bɔra Helɛk la.
[31] Asiriɛl bɔnsɔn ka gwa bɔra Asiriɛl la. Sisɛm bɔnsɔn ka gwa bɔra Sisɛm la.
[32] Semida bɔnsɔn ka gwa bɔra Semida la. Hefɛr bɔnsɔn ka gwa bɔra Hefɛr la.
[33] Hefɛr denkɛ Zelofisad ma denkɛ sɔrɔ, fɔ denmusow. Zelofisad denmusow tɔgɔw ko Makila ni Noa ni Hogila ni Milika ani Tirza.
[34] Olu tun ye Manase ka gwaw ye ka kɛɲɛ ni u mɔgɔ dannenw ye. U kɛra cɛ waa biduuru ni fila ani cɛ kɛmɛ wolonwula ye.
[35] Efrayim denkɛw filɛ ninw ye ka kɛɲɛ ni u ka gwaw ye. Sutelak bɔnsɔn ka gwa bɔra Sutelak la. Bekɛr bɔnsɔn ka gwa bɔra Bekɛr la. Takan bɔnsɔn ka gwa bɔra Takan la.
[36] Sutelak bɔnsɔn filɛ nin ye: Eran bɔnsɔn ka gwa bɔra Eran la.
[37] Olu tun ye Efrayim bɔnsɔn ka gwaw ye ka kɛɲɛ ni u mɔgɔ dannenw ye. U kɛra cɛ waa bisaba ni fila ani cɛ kɛmɛ duuru ye. Olu tun ye Yusufu denkɛw ye ka kɛɲɛ ni u ka gwaw ye.
[38] Benjamɛn denkɛw filɛ ninw ye ka kɛɲɛ ni u ka gwaw ye: Bela bɔnsɔn ka gwa bɔra Bela la. Asibɛl bɔnsɔn ka gwa bɔra Asibɛl la. Akiram bɔnsɔn ka gwa bɔra Akiram la.
[39] Sufam bɔnsɔn ka gwa bɔra Sufam la. Hufam bɔnsɔn ka gwa bɔra Hufam la.
[40] Bela denkɛw tun ye Ard ni Naaman ye. Ard bɔnsɔn ka gwa bɔra Ard la. Naaman bɔnsɔn ka gwa bɔra Naaman la.
[41] Olu tun ye Benjamɛn denkɛw ye ka kɛɲɛ ni u ka gwaw ni u mɔgɔ dannenw ye. U kɛra cɛ waa binaani ni duuru ani cɛ kɛmɛ wɔɔrɔ ye.
[42] Dan bɔnsɔn filɛ ninw ye ka kɛɲɛ ni u ka gwaw ye: Sukan bɔnsɔn ka gwa bɔra Sukan la. Olu tun ye Dan ka gwaw ye ka kɛɲɛ ni u ka gwaw ye.
[43] Sukan bɔnsɔn ka gwaw la mɔgɔ dannenw kɛra cɛ waa biwɔɔrɔ ni naani ani cɛ kɛmɛ naani ye.
[44] Asɛr denkɛw filɛ ninw ye ka kɛɲɛ ni u ka gwaw ye: Jimina bɔnsɔn ka gwa bɔra Jimina la. Jisivi bɔnsɔn ka gwa bɔra Jisivi la. Beria bɔnsɔn bɔra Beria la.
[45] Gwa minw bɔra Beria denkɛw la, olu filɛ ninw ye: Hebɛr bɔnsɔn ka gwa bɔra Hebɛr la. Malkiɛl bɔnsɔn ka gwa bɔra Malkiɛl la.
[46] Asɛr denmuso tɔgɔ ko Serak.
[47] Olu tun ye Asɛr denkɛw ka gwaw ye ka kɛɲɛ ni u mɔgɔ dannenw ye. U kɛra cɛ waa biduuru ni saba ani cɛ kɛmɛ naani ye.
[48] Nefitali denkɛw filɛ ninw ye ka kɛɲɛ ni u ka gwaw ye: Jazeɛl bɔnsɔn ka gwa bɔra Jazeɛl la. Guni bɔnsɔn ka gwa bɔra Guni la.
[49] Jezɛr bɔnsɔn ka gwa bɔra Jezɛr la. Silɛm bɔnsɔn ka gwa bɔra Silɛm la.
[50] Olu tun ye Nefitali ka gwaw ye ka kɛɲɛ ni u ka gwaw ni u mɔgɔ dannenw ye. U kɛra cɛ waa binaani ni duuru ani cɛ kɛmɛ naani ye.
[51] Israɛl bɔnsɔn minw danna, olu kɛra cɛ waa kɛmɛ wɔɔrɔ ni waa kelen ani cɛ kɛmɛ wolonwula ani bisaba ye.
[52] Matigi y'a fɔ Musa ye ko:
[53] «Jamana na tilatila olu cɛ ka kɛ u ta ye ka kɛɲɛ ni tɔgɔ dannenw ye.
[54] Minw ka ca, i ka olu ciyɛn bonya. Minw ka dɔgɔ, i ka olu ciyɛn dɔgɔya. Bɔnsɔnw bɛɛ kelen-kelen ciyɛn na di u ma ka kɛɲɛ ni u ka mɔgɔ dannenw ye.
[55] O bɛɛ n'a ta jamana ka tilatila u cɛ ni kala ye. U ka ciyɛn ta ka kɛɲɛ ni u bɛnbaw siyaw tɔgɔw ye.
[56] Minw ka ca ani minw ka dɔgɔ, ciyɛn ka tilatila olu cɛ ni kala ye.»
[57] Levite minw danna ka kɛɲɛ ni u ka gwaw ye, olu filɛ ninw ye: Gersɔn bɔnsɔn ka gwa bɔra Gersɔn la. Kɛhat bɔnsɔn ka gwa bɔra Kɛhat la. Mɛrari bɔnsɔn ka gwa bɔra Mɛrari la.
[58] Levi ka gwaw filɛ ninw ye: Libini bɔnsɔn ka gwa ni Heborɔn bɔnsɔn ka gwa ni Makili bɔnsɔn ka gwa ni Musi bɔnsɔn ka gwa ani Korɛ bɔnsɔn ka gwa. Kɛhat ye Amram bange.
[59] Amram muso tɔgɔ ko Jokebɛd, Levi denmuso tun don, a bangera Levi ye Misira jamana la. Jokebɛd ye Aron ni Musa ni u balimamuso Mariyama bange Amram ye.
[60] Aron ye Nadab ni Abihu ni Eleazar ni Itamar bange.
[61] Nadab ni Abihu taara ni tasuma sure ye Matigi ɲɛ kɔrɔ tuma min na, u sara.
[62] Mɔgɔ minw danna, cɛw bɛɛ k'a daminɛ kalo kelen mɔgɔw la fo ka taa se u ɲɛ mɔgɔw ma, olu kɛra mɔgɔ waa mugan ni saba ye. U ma dan Israɛl bɔnsɔn tɔw fɛ, katuguni ciyɛn si ma di u ma Israɛl bɔnsɔn cɛma.
[63] Musa ni sarakalasebaa Eleazar ye Israɛl bɔnsɔn minw tɔgɔw sɛbɛn ka u to Moab jamana jɛkɛnɛ la Jurdɛn da fɛ Jeriko kuntilenna la, olu don.
[64] Musa ni sarakalasebaa Aron tun ye Israɛl bɔnsɔn minw tɔgɔw sɛbɛn k'u to Sinayi kungokolon kɔnɔ, olu si tun tɛ u la.
[65] Matigi y'a fɔ ko, siga t'a la, u na sa kungokolon kɔnɔ, o de kosɔn u si ma to fɔ Jefune denkɛ Kalɛb ani Nun denkɛ Josue.