[1] Musa tilara finiso jɔli la don min na, a y'a mun ni tulu ye ka a saniya, ani a minanw bɛɛ ani saraka bɔlan ni a minanw bɛɛ. A ye u mun ni tulu ye ka u saniya.
[2] O tuma la Israɛl kuntigi minw bɛ u bɛnbaw bɔnsɔnw kun na, ni u ye mɔgɔ danni koɲɛnabɔ, olu nana ni u ka nili fɛnw ye.
[3] U nana ni u ka nili fɛn minw ye Matigi ɲɛ kɔrɔ, o filɛ ninw ye: wotoro bililen wɔɔrɔ ni ntura tan ni fila. O kɔrɔ, kuntigi fila ye wotoro kelen di, kuntigi bɛɛ kelen-kelen ye ntura kelen di. U nana n'u ye finisoɲɛ fɛ.
[4] Matigi kumana Musa fɛ ko:
[5] «I ka o fɛnw minɛ u fɛ walisa olu kaɲɔgɔn kunbɛn finiso baara kɛ. I ka u di Levitew ma ka kɛɲɛ ni u bɛɛ kelen-kelen ka baara ye.»
[6] Musa ye o wotorow ni o nturaw minɛ ka u di Levitew ma.
[7] A ye wotoro fila ni ntura naani di Gersɔn bɔnsɔn cɛw ma ka kɛɲɛ ni u ka baara ye.
[8] A ye wotoro naani ni ntura segin di Mɛrari bɔnsɔn cɛw ma ka kɛɲɛ ni u ka baara dilen ye u ma sarakalasebaa Aron denkɛ Itamar fɛ.
[9] Nka a ma fɛn di Kɛhat bɔnsɔn cɛw ma, k'a masɔrɔ minan senumaw baara tun ye olu ta ye, u tun bɛ olu ta u kamankun na.
[10] Saraka bɔlan munna ni tulu ye don min na, kuntigiw nana ni u ka nili fɛnw ye ka saraka bɔlan di Ala ma. U nana ni u ka nili fɛnw ye saraka bɔlan yɔrɔ la.
[11] Matigi y'a fɔ Musa ye ko: «Kuntigiw ka na kelen-kelen, don o don, ka kɛɲɛ ni u ka don ye ka u ka nili fɛnw bɔ walisa ka saraka bɔlan di Ala ma.»
[12] Mɔgɔ min ye a ka nili fɛnw bɔ tile fɔlɔ la, o kɛra Juda siya la Aminadab denkɛ Nakisɔn ye.
[13] A ka nili fɛnw filɛ ninw ye: warijɛ minan pɛnpɛrɛlen kelen, o giriya tun bɛ kilo kelen ani garamu kɛmɛ saba bɔ, ani warijɛ tasa kelen, o giriya tun bɛ garamu kɛmɛ wolonwula bɔ, ka kɛɲɛ ni yɔrɔ senuma ka jate cogo ye. U fila bɛɛ falen tun bɛ mugu tɛntɛnnen na, tuluɲaaminen tun bɛ u la, mugu saraka don,
[14] ani sanu bɛɛlɛ kelen, o giriya tun bɛ garamu kɛmɛ kelen bɔ, o falen wusulan suma duman la,
[15] ani nturabɔlan kelen ni sagajigi kɔgɔlen kelen ni san kelen sagajigi kelen, olu ka kɛ saraka jenita ye,
[16] ani bakɔrɔ kelen, o ka kɛ jurumu yafa saraka ye.
[17] Nisɔndiya saraka kɛra ntura fila ni sagajigi duuru ni bakɔrɔ duuru ani san kelen sagajigi duuru ye. Aminadab denkɛ Nakisɔn ye nili fɛn minw di, olu don.
[18] A tile filanan don, Isakar bɔnsɔn kuntigi Zuar denkɛ Netaneɛl ye a ka nili fɛnw bɔ,
[19] olu filɛ ninw ye: warijɛ minan pɛnpɛrɛlen kelen, o giriya tun bɛ kilo kelen ani garamu kɛmɛ saba bɔ, ani warijɛ tasa kelen, o giriya tun bɛ garamu kɛmɛ wolonwula bɔ, ka kɛɲɛ ni yɔrɔ senuma ka jate cogo ye. U fila bɛɛ falen tun bɛ mugu tɛntɛnnen na, tuluɲaaminen tun bɛ u la, mugu saraka don,
[20] ani sanu bɛɛlɛ kelen, o giriya tun bɛ garamu kɛmɛ kelen bɔ, o falen wusulan suma duman la,
[21] ani nturabɔlan kelen ni sagajigi kɔgɔlen kelen ni san kelen sagajigi kelen, olu ka kɛ saraka jenita ye,
[22] ani bakɔrɔ kelen, o ka kɛ jurumu yafa saraka ye.
[23] Nisɔndiya saraka kɛra ntura fila ni sagajigi duuru ni bakɔrɔ duuru ani san kelen sagajigi duuru ye. Zuar denkɛ Netaneɛl ye nili fɛn minw di, olu don.
[24] A tile sabanan don, Zabulɔn bɔnsɔn kuntigi Helɔn denkɛ Eliab ye a ka nili fɛnw bɔ,
[25] olu filɛ ninw ye: warijɛ minan pɛnpɛrɛlen kelen, o giriya tun bɛ kilo kelen ani garamu kɛmɛ saba bɔ, ani warijɛ tasa kelen, o giriya tun bɛ garamu kɛmɛ wolonwula bɔ, ka kɛɲɛ ni yɔrɔ senuma ka jate cogo ye. U fila bɛɛ falen tun bɛ mugu tɛntɛnnen na, tuluɲaaminen tun bɛ u la, mugu saraka don,
[26] ani sanu bɛɛlɛ kelen, o giriya tun bɛ garamu kɛmɛ kelen bɔ, o falen wusulan suma duman la,
[27] ani nturabɔlan kelen ni sagajigi kɔgɔlen kelen ni san kelen sagajigi kelen, olu ka kɛ saraka jenita ye,
[28] ani bakɔrɔ kelen, o ka kɛ jurumu yafa saraka ye.
[29] Nisɔndiya saraka kɛra ntura fila ni sagajigi duuru ni bakɔrɔ duuru ani san kelen sagajigi duuru ye. Helɔn denkɛ Eliab ye nili fɛn minw di, olu don.
[30] A tile naaninan don, Rubɛn bɔnsɔn kuntigi Sedeur denkɛ Elizur ye a ka nili fɛnw bɔ,
[31] olu filɛ ninw ye: warijɛ minan pɛnpɛrɛlen kelen, o giriya tun bɛ kilo kelen ani garamu kɛmɛ saba bɔ, ani warijɛ tasa kelen, o giriya tun bɛ garamu kɛmɛ wolonwula bɔ, ka kɛɲɛ ni yɔrɔ senuma ka jate cogo ye. U fila bɛɛ falen tun bɛ mugu tɛntɛnnen na, tuluɲaaminen tun bɛ u la, mugu saraka don,
[32] ani sanu bɛɛlɛ kelen, o giriya tun bɛ garamu kɛmɛ kelen bɔ, o falen wusulan suma duman la,
[33] ani nturabɔlan kelen ni sagajigi kɔgɔlen kelen ni san kelen sagajigi kelen, olu ka kɛ saraka jenita ye,
[34] ani bakɔrɔ kelen, o ka kɛ jurumu yafa saraka ye.
[35] Nisɔndiya saraka kɛra ntura fila ni sagajigi duuru ni bakɔrɔ duuru ani san kelen sagajigi duuru ye. Sedeur denkɛ Elizur ye nili fɛn minw di, olu don.
[36] A tile duurunan don, Simeɔn bɔnsɔn kuntigi Zurisadai denkɛ Selumiɛl ye a ka nili fɛnw bɔ,
[37] olu filɛ ninw ye: warijɛ minan pɛnpɛrɛlen kelen, o giriya tun bɛ kilo kelen ani garamu kɛmɛ saba bɔ, ani warijɛ tasa kelen, o giriya tun bɛ garamu kɛmɛ wolonwula bɔ, ka kɛɲɛ ni yɔrɔ senuma ka jate cogo ye. U fila bɛɛ falen tun bɛ mugu tɛntɛnnen na, tuluɲaaminen tun bɛ u la, mugu saraka don,
[38] ani sanu bɛɛlɛ kelen, o giriya tun bɛ garamu kɛmɛ kelen bɔ, o falen wusulan suma duman la,
[39] ani nturabɔlan kelen ni sagajigi kɔgɔlen kelen ni san kelen sagajigi kelen, olu ka kɛ saraka jenita ye,
[40] ani bakɔrɔ kelen, o ka kɛ jurumu yafa saraka ye.
[41] Nisɔndiya saraka kɛra ntura fila ni sagajigi duuru ni bakɔrɔ duuru ani san kelen sagajigi duuru ye. Zurisadai denkɛ Selumiɛl ye nili fɛn minw di, olu don.
[42] A tile wɔɔrɔnan don, Gad bɔnsɔn kuntigi Duɛl denkɛ Eliasaf ye a ka nili fɛnw bɔ,
[43] olu filɛ ninw ye: warijɛ minan pɛnpɛrɛlen kelen, o giriya tun bɛ kilo kelen ani garamu kɛmɛ saba bɔ, ani warijɛ tasa kelen, o giriya tun bɛ garamu kɛmɛ wolonwula bɔ, ka kɛɲɛ ni yɔrɔ senuma jate cogo ye. U fila bɛɛ falen tun bɛ mugu tɛntɛnnen na, tuluɲaaminen tun bɛ u la, mugu saraka don,
[44] ani sanu bɛɛlɛ kelen, o giriya tun bɛ garamu kɛmɛ kelen bɔ, o falen wusulan suma duman la,
[45] ani nturabɔlan kelen ni sagajigi kɔgɔlen kelen ni san kelen sagajigi kelen, olu ka kɛ saraka jenita ye,
[46] ani bakɔrɔ kelen, o ka kɛ jurumu yafa saraka ye.
[47] Nisɔndiya saraka kɛra ntura fila ni sagajigi duuru ni bakɔrɔ duuru ani san kelen sagajigi duuru ye. Duɛl denkɛ Eliasaf ye nili fɛn minw di, olu don.
[48] A tile wolownwulanan don, Efrayim bɔnsɔn kuntigi Amihud denkɛ Elisama ye a ka nili fɛnw bɔ,
[49] olu filɛ ninw ye: warijɛ minan pɛnpɛrɛlen kelen, o giriya tun bɛ kilo kelen ani garamu kɛmɛ saba bɔ, ani warijɛ tasa kelen, o giriya tun bɛ garamu kɛmɛ wolonwula bɔ, ka kɛɲɛ ni yɔrɔ senuma ka jate cogo ye. U fila bɛɛ falen tun bɛ mugu tɛntɛnnen na, tuluɲaaminen tun bɛ u la, mugu saraka don,
[50] ani sanu bɛɛlɛ kelen, o giriya tun bɛ garamu kɛmɛ kelen bɔ, o falen wusulan suma duman la,
[51] ani nturabɔlan kelen ni sagajigi kɔgɔlen kelen ni san kelen sagajigi kelen, olu ka kɛ saraka jenita ye,
[52] ani bakɔrɔ kelen, o ka kɛ jurumu yafa saraka ye.
[53] Nisɔndiya saraka kɛra ntura fila ni sagajigi duuru ni bakɔrɔ duuru ani san kelen sagajigi duuru ye. Amihud denkɛ Elisama ye nili fɛn minw di, olu don.
[54] A tile seginnan don, Manase bɔnsɔn kuntigi Pedazur denkɛ Gamaliɛl ye a ka nili fɛnw bɔ,
[55] olu filɛ ninw ye: warijɛ minan pɛnpɛrɛlen kelen, o giriya tun bɛ kilo kelen ani garamu kɛmɛ saba bɔ, ani warijɛ tasa kelen, o giriya tun bɛ garamu kɛmɛ wolonwula bɔ, ka kɛɲɛ ni yɔrɔ senuma ka jate cogo ye. U fila bɛɛ falen tun bɛ mugu tɛntɛnnen na, tuluɲaaminen tun bɛ u la, mugu saraka don,
[56] ani sanu bɛɛlɛ kelen, o giriya tun bɛ garamu kɛmɛ kelen bɔ, o falen wusulan suma duman la,
[57] ani nturabɔlan kelen ni sagajigi kɔgɔlen kelen ni san kelen sagajigi kelen, olu ka kɛ saraka jenita ye,
[58] ani bakɔrɔ kelen, o ka kɛ jurumu yafa saraka ye.
[59] Nisɔndiya saraka kɛra ntura fila ni sagajigi duuru ni bakɔrɔ duuru ani san kelen sagajigi duuru ye. Pedazur denkɛ Gamaliɛl ye nili fɛn minw di, olu don.
[60] A tile kɔnɔntɔnnan don, Benjamɛn bɔnsɔn kuntigi Gideoni denkɛ Abidan ye a ka nili fɛnw bɔ,
[61] olu filɛ ninw ye: warijɛ minan pɛnpɛrɛlen kelen, o giriya tun bɛ kilo kelen ani garamu kɛmɛ saba bɔ, ani warijɛ tasa kelen, o giriya tun bɛ garamu kɛmɛ wolonwula bɔ, ka kɛɲɛ ni yɔrɔ senuma ka jate cogo ye. U fila bɛɛ falen tun bɛ mugu tɛntɛnnen na, tuluɲaaminen tun bɛ u la, mugu saraka don,
[62] ani sanu bɛɛlɛ kelen, o giriya tun bɛ garamu kɛmɛ kelen bɔ, o falen wusulan suma duman la,
[63] ani nturabɔlan kelen ni sagajigi kɔgɔlen kelen ni san kelen sagajigi kelen, olu ka kɛ saraka jenita ye,
[64] ani bakɔrɔ kelen, o ka kɛ jurumu yafa saraka ye.
[65] Nisɔndiya saraka kɛra ntura fila ni sagajigi duuru ni bakɔrɔ duuru ani san kelen sagajigi duuru ye. Gideoni denkɛ Abidan ye nili fɛn minw di, olu don.
[66] A tile tannan don, Dan bɔnsɔn kuntigi Amisadai denkɛ Ahiezɛr ye a ka nili fɛnw bɔ,
[67] olu filɛ ninw ye: warijɛ minan pɛnpɛrɛlen, o giriya tun bɛ kilo kelen ani garamu kɛmɛ saba bɔ, ani warijɛ tasa kelen, o giriya tun bɛ garamu kɛmɛ wolonwula bɔ, ka kɛɲɛ ni yɔrɔ senuma ka jate cogo ye. U fila bɛɛ falen tun bɛ mugu tɛntɛnnen na, tuluɲaaminen tun bɛ u la, mugu saraka don,
[68] ani sanu bɛɛlɛ kelen, o giriya tun bɛ garamu kɛmɛ kelen bɔ, o falen wusulan suma duman la,
[69] ani nturabɔlan kelen ni sagajigi kɔgɔlen kelen ni san kelen sagajigi kelen, olu ka kɛ saraka jenita ye,
[70] ani bakɔrɔ kelen, o ka kɛ jurumu yafa saraka ye.
[71] Nisɔndiya saraka kɛra ntura fila ni sagajigi duuru ni bakɔrɔ duuru ani san kelen sagajigi duuru ye. Amisadai denkɛ Ahiezɛr ye nili fɛn minw di, olu don.
[72] A tile tan ni kelennan don, Asɛr bɔnsɔn kuntigi Okran denkɛ Pagiɛl ye a ka nili fɛnw bɔ,
[73] olu filɛ ninw ye: warijɛ minan pɛnpɛrɛlen kelen, o giriya tun bɛ kilo kelen ani garamu kɛmɛ saba bɔ, ani warijɛ tasa kelen, o giriya tun bɛ garamu kɛmɛ wolonwula bɔ, ka kɛɲɛ ni yɔrɔ senuma ka jate cogo ye. U fila bɛɛ falen tun bɛ mugu tɛntɛnnen na, tuluɲaaminen tun bɛ u la, mugu saraka don,
[74] ani sanu bɛɛlɛ kelen, o giriya tun bɛ garamu kɛmɛ kelen bɔ, o falen wusulan suma duman la,
[75] ani nturabɔlan kelen ni sagajigi kɔgɔlen kelen ni san kelen sagajigi kelen, olu ka kɛ saraka jenita ye,
[76] ani bakɔrɔ kelen, o ka kɛ jurumu yafa saraka ye.
[77] Nisɔndiya saraka kɛra ntura fila ni sagajigi duuru ni bakɔrɔ duuru ani san kelen sagajigi duuru ye. Okran denkɛ Pagiɛl ye nili fɛn minw di, olu don.
[78] A tile tan ni filanan don, Nefitali bɔnsɔn kuntigi Enan denkɛ Ahira ye a ka nili fɛnw bɔ,
[79] olu filɛ ninw ye: warijɛ minan pɛnpɛrɛlen kelen, o giriya tun bɛ kilo kelen ani garamu kɛmɛ saba bɔ, ani warijɛ tasa kelen, o giriya tun bɛ garamu kɛmɛ wolonwula bɔ, ka kɛɲɛ ni yɔrɔ senuma ka jate cogo ye. U fila bɛɛ falen tun bɛ mugu tɛntɛnnen na, tuluɲaaminen tun bɛ u la, mugu saraka don,
[80] ani sanu bɛɛlɛ kelen, o giriya tun bɛ garamu kɛmɛ kelen bɔ, o falen wusulan suma duman la,
[81] ani nturabɔlan kelen ni sagajigi kɔgɔlen kelen ni san kelen sagajigi kelen, olu ka kɛ saraka jenita ye,
[82] ani bakɔrɔ kelen, o ka kɛ jurumu yafa saraka ye.
[83] Nisɔndiya saraka kɛra ntura fila ni sagajigi duuru ni bakɔrɔ duuru ani san kelen sagajigi duuru ye. Enan denkɛ Ahira ye nili fɛn minw di, olu don.
[84] Ayiwa, saraka bɔlan munna ni tulu ye don min na, Israɛl bɔnsɔn kuntigiw ye nili fɛn minw bɔ ka saraka bɔlan di Ala ma, olu bɛɛ lajɛlen filɛ ninw ye: warijɛ minan pɛnpɛrɛlen tan ni fila ni warijɛ tasa tan ni fila ani sanu bɛɛlɛ tan ni fila.
[85] Warijɛ minan pɛnpɛrɛlen bɛɛ kelen-kelen giriya tun bɛ kilo kelen ani garamu kɛmɛ saba bɔ. Warijɛ tasaw bɛɛ kelen-kelen giriya tun bɛ garamu kɛmɛ wolonwula bɔ. O warijɛ bɛɛ lajɛlen giriya tun bɛ kilo mugan ni naani bɔ, ka kɛɲɛ ni yɔrɔ senuma ka jate cogo ye.
[86] Sanu bɛɛlɛ tan ni fila falen tun bɛ wusulan suma duman la, o sanu bɛɛlɛ bɛɛ kelen-kelen giriya tun bɛ garamu kɛmɛ kelen bɔ, ka kɛɲɛ ni yɔrɔ senuma ka jate cogo ye. O sanu giriya bɛɛ lajɛlen tun bɛ kilo kelen ni garamu kɛmɛ fila bɔ.
[87] Saraka jenita nturabɔlan tun ye tan ni fila ye, sagajigi kɔgɔlen tun ye tan ni fila ye, san kelen sagajigi tun ye tan ni fila ye.
[88] Nisɔndiya saraka ntura tun ye mugan ni naani ye, ani sagajigi biwɔɔrɔ ni bakɔrɔ biwɔɔrɔ ani san kelen sagajigi biwɔɔrɔ. Nili fɛn minw bɔra ka saraka bɔlan di Ala ma a munlen kɔ, olu don.
[89] Musa donnaɲɔgɔn kunbɛn finiso kɔnɔ ka kuma Matigi fɛ tuma min na, a ye kumakan dɔ mɛn ka bɔ jurumu kafari yɔrɔ san fɛ, o min tun bɛ seereya wagande kan, serubɛn fila furancɛ la. Ayiwa Matigi kumana Musa fɛ.