[1] Matigi kumana Musa ni Aron fɛ ko:
[2] «Aw ka Kɛhat bɔnsɔn cɛw dan ka bɔ Levi bɔnsɔn na ka kɛɲɛ ni u bɛnbaw bɔnsɔn ka gwaw ye,
[3] k'a daminɛ san bisaba mɔgɔw la fo ka taa se san biduuru mɔgɔw ma, olu minw bɛɛ bɛ se ka baara kɛɲɔgɔn kunbɛn finiso kɔnɔ.
[4] «Kɛhat bɔnsɔn cɛw ka niyɔrɔ baara filɛ nin ye ɲɔgɔn kunbɛn finiso kɔnɔ yɔrɔ senuma senuma kow la.
[5] Ni bugu wuli tuma sera, Aron ni a denkɛw ka don ka so cɛtigɛ fini lajigin ka o da seereya wagande kan.
[6] U ka dofɛn wolo birilan biri a kan, ka fini bulama fɛnsɛ o bɛɛ kan. O kɔ, u ka wagande berew don a la.
[7] U ka fini bulama biri jirali buuru tabali la, ka a minan pɛnpɛrɛlenw ni a bɛɛlɛw ni a jifilenw ani a saraka bɔnta minanw sigi a kan, buurukunw ka kɛ a kan tuma bɛɛ.
[8] U ka fini bilenman biri o fɛnw kan, ka dofɛn wolo birilan biri o kan. O kɔ, u ka tabali berew don a la.
[9] U ka fini bulama ta ka fitinɛ ni a bɛɛlɛw ni a da bɔlanw ni a bugurijɛ kɛ minanw datugu, ani a tulu minanw bɛɛ, olu ye a baarakɛ minanw ye.
[10] U ka fitinɛ ni a minanw bɛɛ kɛ dofɛn wolo birilan kan, o kɔ, u ka u sigi gwaragwara kan.
[11] U ka fini bulama biri saraka bɔlan senuma la ka dofɛn wolo birilan biri o kan, o kɔ, ka saraka bɔlan berew don a la.
[12] U ka yɔrɔ senuma baarakɛ minanw bɛɛ ta ka u kɛ fini bulama kɔnɔ, ka dofɛn wolo birilan biri o kan, o kɔ, ka u sigi gwaragwara kan.
[13] U ka saraka bɔlan bugurijɛ cɛ ka bɔ a kan, ka lomaasa fini dɔ biri a la.
[14] U ka a baaarakɛ minanw bɛɛ bila a kan, a takami minanw ni a sogo sɔgɔlanw ni a bugurijɛ cɛlanw ni a jikɛ minanw ani saraka bɔlan minanw bɛɛ. U ka dofɛn wolo birilan da a kan, o kɔ, u ka saraka bɔlan berew don a la.
[15] Ni Aron ni a denkɛw ye yɔrɔ senuma ni a minanw bɛɛ datugu ka ban tuma min na bugu wuli tuma la, Kɛhat bɔnsɔn cɛw ka na a ta, nka u kana maga fɛn senumaw la, walisa u kana na sa. O fɛnw ye Kɛhat cɛw ka doni ye ɲɔgɔn kunbɛn finiso ko la.
[16] «Fɛn minw kalifara sarakalasebaa Aron denkɛ Eleazar ma, olu ye fitinɛ tulu ni wusulan suma duman ni mugu saraka dabilabali ani munli tulu ye. A ka finiso bɛɛ ni a kɔnɔ fɛnw bɛɛ kɔlɔsi, yɔrɔ senuma ni a baarakɛ minanw kɔni.»
[17] Matigi kumana Musa ni Aron fɛ ko:
[18] «Aw kana a to Kɛhat bɔnsɔn ka gwaw ka halaki ka bɔ Levitew cɛma.
[19] Aw ka min kɛ u ye walisa u ɲɛnama ka to, u kana na sa ni u bɛ gɛrɛ yɔrɔ senuma senuma la tuma min na, o filɛ nin ye, Aron ni a denkɛw ka don yen ka u bɛɛ kelen-kelen ka baara ni u ka doni di u ma.
[20] Kɛhat bɔnsɔn cɛw kana don finiso kɔnɔ ka fɛn senumaw filɛ hali dɔɔnin, walisa u kana na sa.»
[21] Matigi kumana Musa fɛ ko:
[22] «I ka Gersɔn bɔnsɔn cɛw fana dan ka kɛɲɛ ni u bɛnbaw bɔnsɔnw ka gwaw ye.
[23] I ka u dan k'a daminɛ san bisaba mɔgɔw la fo ka taa se san biduuru mɔgɔw ma, olu minw bɛɛ bɛ se ka baara kɛɲɔgɔn kunbɛn finiso kɔnɔ.
[24] «Gersɔn bɔnsɔn ka gwamɔgɔw ka baara kɛ ka doni ta. U ka niyɔrɔ filɛ nin ye.
[25] U ka so fini niɲɔgɔn kunbɛn finiso birifiniw doni ani a birilan ni o sanfɛ dofɛn wolo birilan aniɲɔgɔn kunbɛn finiso donda fini,
[26] ani dukɛnɛ sinsan finiw ni dukɛnɛ donda fini minw bɛ kɛ ka so ni saraka bɔlan lamini ani u jurukisɛw ni u minanw bɛɛ. O na kɛ o mɔgɔw ka baara ye.
[27] Gersɔn bɔnsɔn cɛw ka u niyɔrɔ baara sɔrɔ ka kɛɲɛ ni Aron ni a denkɛw ka ci fɔlenw ye, u ka kan ka doni minw bɛɛ ta ani u ka kan ka baara minw bɛɛ kɛ. Aw ka u ka doni tataw bɛɛ jate ka u kalifa u ma.
[28] O ye Gersɔn bɔnsɔn cɛw ka gwamɔgɔw ka niyɔrɔ baara ye ɲɔgɔn kunbɛn finiso kɔnɔ. U ka kan ka baara kɛ ka kɛɲɛ ni sarakalasebaa Aron denkɛ Itamar ka ci dilen ye.
[29] «I ka Mɛrari bɔnsɔn cɛw dan ka kɛɲɛ ni u bɛnbaw bɔnsɔnw ka gwaw ye.
[30] I ka u dan k'a daminɛ san bisaba mɔgɔw la fo ka taa se san biduuru mɔgɔw ma, olu minw bɛɛ bɛ se ka baara kɛɲɔgɔn kunbɛn finiso kɔnɔ.
[31] «Doni min tali ko kalifara u ma k'u to u ka baara bɛɛ laɲɔgɔn kunbɛn finiso kɔnɔ, o filɛ nin ye, finiso jiriw ni a cɛtigɛ jiriw ni a samasenw ni u jusigilanw,
[32] ani dukɛnɛ lamini sinsan samasenw ni u jusigilanw ni u fini dulon bɔlɔw ni u jurukisɛw ni u minanw bɛɛ ani u ka baarakɛ fɛnw bɛɛ. Doni minw kalifara u ma ko u ka u ta, aw ka olu bɛɛ jate.
[33] O ye Mɛrari bɔnsɔn cɛw ka gwaw ka niyɔrɔ baara ye ɲɔgɔn kunbɛn finiso kɔnɔ. U ka kan ka baara kɛ ka kɛɲɛ ni sarakalasebaa Aron denkɛ ka ci dilen ye.»
[34] Musa ni Aron ani jama kuntigiw ye Kɛhat bɔnsɔn cɛw dan ka kɛɲɛ ni u bɛnbaw bɔnsɔnw ka gwaw ye,
[35] k'a daminɛ san bisaba mɔgɔw la fo ka taa se san biduuru mɔgɔw ma, olu bɛɛ donnaɲɔgɔn kunbɛn finiso baara la.
[36] Minw danna ka kɛɲɛ ni u ka gwaw ye, olu kɛra cɛ waa fila ni kɛmɛ wolonwula ani cɛ biduuru ye.
[37] Kɛhat bɔnsɔn ka gwamɔgɔ minw danna, ni u tun bɛ baara kɛɲɔgɔn kunbɛn finiso kɔnɔ, olu don. Musa ni Aron ye u dan i ko Matigi y'a fɔ Musa ye cogo min na.
[38] Gersɔn bɔnsɔn cɛw danna ka kɛɲɛ ni u bɛnbaw bɔnsɔnw ka gwaw ye
[39] k'a daminɛ san bisaba mɔgɔw la fo ka taa se san biduuru mɔgɔw ma, olu bɛɛ donnaɲɔgɔn kunbɛn finiso baara la.
[40] Minw danna ka kɛɲɛ ni u bɛnbaw bɔnsɔnw ka gwaw ye, olu kɛra cɛ waa fila ni kɛmɛ wɔɔrɔ ani cɛ bisaba ye.
[41] Gersɔn bɔnsɔn ka gwamɔgɔ minw danna, ni olu tun bɛ baara kɛɲɔgɔn kunbɛn finiso kɔnɔ, olu don. Musa ni Aron ye u dan i ko Matigi y'a fɔ Musa ye cogo min na.
[42] Mɛrari bɔnsɔn cɛw ka gwaw danna ka kɛɲɛ ni u bɛnbaw bɔnsɔnw ka gwaw ye,
[43] k'a daminɛ san bisaba mɔgɔw la fo ka taa se san biduuru mɔgɔw ma, olu bɛɛ donnaɲɔgɔn kunbɛn finiso baara la.
[44] Minw danna ka kɛɲɛ ni u ka gwaw ye, olu kɛra cɛ waa saba ani cɛ kɛmɛ fila ye.
[45] Mɛrari bɔnsɔn ka gwamɔgɔ minw danna, olu don. Musa ni Aron ye u dan i ko Matigi y'a fɔ Musa ye cogo min na.
[46] Musa ni Aron ani Israɛl kuntigiw ye Levitew bɛɛ dan ka kɛɲɛ ni u bɛnbaw bɔnsɔnw ka gwaw ye,
[47] k'a daminɛ san bisaba mɔgɔw la fo ka taa se san biduuru mɔgɔw ma, olu bɛɛ dannaɲɔgɔn kunbɛn finiso baara la ka doniw ta.
[48] Minw danna, olu kɛra cɛ waa segin ni kɛmɛ duuru ani cɛ bisegin ye.
[49] U danna ka kɛɲɛ ni Matigi ka ci fɔlen ye Musa ye, u bɛɛ kelen-kelen ka kɛɲɛ ni u ka baara ni u ka doni tata ye. U ye u dan ka kɛɲɛ ni Matigi ka ci dilen ye Musa ma.