[1] ‹San kalo wolonwulanan tile fɔlɔ don, aw ka jamalajɛ senuma kɛ. Aw kana baara si kɛ o don na. Aw ka buruw fyɛ o don na.
[2] Aw ka saraka jenita min lase, o ka kɛ nturabɔlan kelen ni sagajigi kelen ani san kelen sagajigi wolonwula ye. O suma ka di Matigi ye. Olu bɛɛ ka kɛ fiɲɛntanw ye.
[3] Aw ka u mugu saraka fana lase, o ye mugu tɛntɛnnen ye, tulu kaɲaami o la. Mugu tɛntɛnnen kilo kɔnɔntɔn ka kɛ ntura ta ye, mugu tɛntɛnnen kilo wɔɔrɔ ka kɛ sagajigi ta ye,
[4] mugu tɛntɛnnen kilo saba ka kɛ san kelen sagajigi bɛɛ kelen-kelen ta ye.
[5] Aw ka bakɔrɔ kelen kɛ jurumu yafa saraka ye ka aw ka jurumu kafari.
[6] Aw ka o sarakaw lase ka u fara kalo o kalo saraka jenita ni a mugu saraka kan, ani don o don saraka jenita ni u mugu saraka ni u saraka bɔntaw ka kɛɲɛ ni u cogo latigɛlenw ye. Olu ye tasuma la sarakaw ye. U suma ka di Matigi ye.
[7] ‹San kalo wolonwulanan tile tannan don, aw ka jamalajɛ senuma kɛ. Aw ka aw sun, aw kana baara si kɛ o don na.
[8] Aw ka saraka jenita lase, o suma ka di Matigi ye. O ka kɛ nturabɔlan kelen ni sagajigi kelen ani san kelen sagajigi wolonwula ye. Olu bɛɛ ka kɛ fiɲɛntanw ye.
[9] Aw ka u mugu saraka fana lase. O ye mugu tɛntɛnnen ye, tulu kaɲaami o la. Mugu tɛntɛnnen kilo kɔnɔntɔn ka kɛ ntura ta ye, mugu tɛntɛnnen kilo wɔɔrɔ ka kɛ sagajigi ta ye,
[10] mugu tɛntɛnnen kilo saba ka kɛ san kelen sagajigi bɛɛ kelen-kelen ta ye.
[11] Aw ka bakɔrɔ kelen kɛ jurumu yafa saraka ye. Aw ka o bɛɛ fara jurumu kafari saraka ani don o don saraka jenita ni mugu sarakaw ani u saraka bɔntaw kan.
[12] ‹San kalo wolonwulanan tile tan ni duurunan don, aw ka jamalajɛ senuma kɛ. Aw kana baara si kɛ o don na. Aw ka seli kɛ Matigi ye tile wolonwula kɔnɔ.
[13] Aw ka saraka jenita lase ni o ye tasuma la saraka ye. O suma ka di Matigi ye. O ka kɛ nturabɔlan tan ni saba ye, ani sagajigi fila ni san kelen sagajigi tan ni naani. Olu bɛɛ ka kɛ fiɲɛntanw ye.
[14] Aw ka u mugu saraka fana lase, o ye mugu tɛntɛnnen ye, tulu kaɲaami o la. Mugu tɛntɛnnen kilo kɔnɔntɔn ka kɛ ntura tan ni saba bɛɛ kelen-kelen ta ye. Mugu tɛntɛnnen kilo wɔɔrɔ ka kɛ sagajigi fila bɛɛ kelen-kelen ta ye.
[15] Mugu tɛntɛnnen kilo saba ka kɛ san kelen sagajigi tan ni naani bɛɛ kelen-kelen ta ye.
[16] Aw ka bakɔrɔ kelen kɛ jurumu yafa saraka ye. Aw ka olu bɛɛ fara don o don saraka jenita ni a mugu saraka ni a saraka bɔnta kan.
[17] ‹A tile filanan don, aw ka nturabɔlan tan ni fila ni sagajigi fila ani san kelen sagajigi tan ni naani lase. Olu bɛɛ ka kɛ fiɲɛntanw ye.
[18] Aw ka u mugu saraka ni u saraka bɔntaw fana lase, ka olu kɛ nturaw ni sagajigiw ni san kelen sagajigiw ta ye ka kɛɲɛ ni u dama ni u cogo latigɛlen ye.
[19] Aw ka bakɔrɔ kelen kɛ jurumu yafa saraka ye. Aw ka olu bɛɛ fara don o don saraka jenita ni a saraka bɔnta kan.
[20] ‹A tile sabanan don, aw ka nturabɔlan tan ni kelen ni sagajigi fila ani san kelen sagajigi tan ni naani lase. Olu bɛɛ ka kɛ fiɲɛntanw ye.
[21] Aw ka u mugu saraka ni u saraka bɔntaw fana lase, ka olu kɛ nturaw ni sagajigiw ni san kelen sagajigiw ta ye ka kɛɲɛ ni u dama ni u cogo latigɛlen ye.
[22] Aw ka bakɔrɔ kelen kɛ jurumu yafa saraka ye. Aw ka olu bɛɛ fara don o don saraka jenita ni a mugu saraka ni a saraka bɔnta kan.
[23] ‹A tile naaninan don, aw ka nturabɔlan tan ni sagajigi fila ani san kelen sagajigi tan ni naani lase. Olu bɛɛ ka kɛ fiɲɛntanw ye.
[24] Aw ka u mugu saraka ni u saraka bɔntaw fana lase, ka olu kɛ nturaw ni sagajigiw ni san kelen sagajigiw ta ye ka kɛɲɛ ni u dama ni u cogo latigɛlen ye.
[25] Aw ka bakɔrɔ kelen kɛ jurumu yafa saraka ye. Aw ka olu bɛɛ fara don o don saraka jenita ni a mugu saraka ni a saraka bɔnta kan.
[26] ‹A tile duurunan don, aw ka nturabɔlan kɔnɔntɔn ni sagajigi fila ani san kelen sagajigi tan ni naani lase. Olu bɛɛ ka kɛ fiɲɛntanw ye.
[27] Aw ka u mugu saraka ni u saraka bɔntaw fana lase, ka olu kɛ nturaw ni sagajigiw ni san kelen sagajigiw ta ye ka kɛɲɛ ni u dama ni u cogo latigɛlen ye.
[28] Aw ka bakɔrɔ kelen kɛ jurumu yafa saraka ye. Aw ka olu bɛɛ fara don o don saraka jenita ni u mugu saraka ni a saraka bɔnta kan.
[29] ‹A tile wɔɔrɔnan don, aw ka nturabɔlan segin ni sagajigi fila ani san kelen sagajigi tan ni naani lase. Olu bɛɛ ka kɛ fiɲɛntanw ye.
[30] Aw ka u mugu saraka ni u saraka bɔntaw fana lase, ka olu kɛ nturaw ni sagajigiw ni san kelen sagajigiw ta ye ka kɛɲɛ ni u dama ni u cogo latigɛlen ye.
[31] Aw ka bakɔrɔ kelen kɛ jurumu yafa saraka ye. Aw ka olu bɛɛ fara don o don saraka jenita ni a mugu saraka ni a saraka bɔnta kan.
[32] ‹A tile wolonwulanan don, aw ka nturabɔlan wolonwula ni sagajigi fila ani san kelen sagajigi tan ni naani lase. Olu bɛɛ ka kɛ fiɲɛntanw ye.
[33] Aw ka u mugu saraka ni u saraka bɔntaw fana lase, ka olu kɛ nturaw ni sagajigiw ni san kelen sagajigiw ta ye ka kɛɲɛ ni u dama ni u cogo latigɛlen ye.
[34] Aw ka bakɔrɔ kelen kɛ jurumu yafa saraka ye. Aw ka olu bɛɛ fara don o don saraka jenita ni a mugu saraka ni a saraka bɔnta kan.
[35] ‹A tile seginnan don, aw ka jamalajɛ senuma kɛ. Aw kana baara si kɛ o don na.
[36] Aw ka saraka jenita min lase, ni o ye tasuma la saraka ye, o suma ka di Matigi ye, o ka kɛ ntura kelen ni sagajigi kelen ani san kelen sagajigi wolonwula ye. Olu bɛɛ ka kɛ fiɲɛntanw ye.
[37] Aw ka u mugu saraka ni u saraka bɔntaw fana lase, ka olu kɛ ntura ni sagajigi ni san kelen sagajigiw ta ye ka kɛɲɛ ni u dama ni u cogo latigɛlen ye.
[38] Aw ka bakɔrɔ kelen kɛ jurumu yafa saraka ye. Aw ka olu bɛɛ fara don o don saraka jenita ni a mugu saraka ni a saraka bɔnta kan.
[39] ‹Aw ka saraka minw bɔ Matigi ye aw ka seli donw la, olu don. Aw ka olu fara aw ka dafale kow ni aw ka diyaɲe nili fɛnw ni aw ka saraka jenitaw ni aw ka mugu sarakaw ni aw ka saraka bɔntaw ani aw ka nisɔndiya saraka fagataw kan.›»