[1] Musa ni Aron ye Israɛl bɔnsɔnɲɛ minɛ ka tɛmɛn yɔrɔ minw fɛ kabini u bɔra Misira jamana la ka kɛɲɛ ni u kɛlɛbolow ye, olu filɛ ninw ye.
[2] U tun bɛ wuli ka bɔ yɔrɔ minw na ka kɛɲɛ ni Matigi ka kuma fɔlen ye, Musa ye o yɔrɔw tɔgɔw sɛbɛn. U ka taama ko filɛ nin ye ka kɛɲɛ ni u bɔ yɔrɔw ye.
[3] U wulila ka bɔ Ramses san kalo fɔlɔ tile tan ni duurunan don. Tɛmɛnkan seli dugusajɛ, Israɛl bɔnsɔn ja gɛlɛyalen bɔra Misirakaw bɛɛ ɲɛ na ka taa.
[4] Matigi ye Misira den fɔlɔ minw faga, Misirakaw tun b'a la ka olu suw don. Matigi ye kiri bi u ka bato fɛnw fana kan.
[5] Israɛl bɔnsɔn wulila ka bɔ Ramses ka taa u ka buguw turu Sukɔt.
[6] U wulila ka bɔ Sukɔt ka taa u ka buguw turu Etam, o bɛ kungokolon da la.
[7] U wulila ka bɔ Etam ka u yɛlɛma ka taa Pi-Hahirɔt, o bɛ Bal-Zɛfɔn kuntilenna la, ka u ka buguw turu Migidɔl ɲɛ fɛ.
[8] U wulila ka bɔ Pi-Hahirɔtɲɛ fɛ ka kɔgɔji cɛ tigɛ ka taa kungokolon kɔnɔ. U ye tile saba taama kɛ Etam kungokolon kɔnɔ ka taa u ka buguw turu Mara.
[9] O kɔ, u wulila ka bɔ Mara ka taa se Elim. Ji boyi tan ni fila ani ntamaro sun biwolonwula tun bɛ Elim. U ye u ka buguw turu yen.
[10] U wulila ka bɔ Elim ka taa u ka buguw turu Kɔgɔji Bilen da la.
[11] U wulila ka bɔ Kɔgɔji Bilen da la ka taa u ka buguw turu Sen kungokolon kɔnɔ.
[12] U wulila ka bɔ Sen kungokolon kɔnɔ ka taa u ka buguw turu Dofika.
[13] U wulila ka bɔ Dofika ka taa u ka buguw turu Alus.
[14] U wulila ka bɔ Alus ka taa u ka buguw turu Rɛfidim. Mɔgɔw ma ji sɔrɔ yen ka u min.
[15] U wulila ka bɔ Rɛfidim ka taa u ka buguw turu Sinayi kungokolon kɔnɔ.
[16] U wulila ka bɔ Sinayi kungokolon kɔnɔ ka taa u ka buguw turu Kiborɔt-Hatava.
[17] U wulila ka bɔ Kiborɔt-Hatava ka taa u ka buguw turu Hazerɔt.
[18] U wulila ka bɔ Hazerɔt ka taa u ka buguw turu Ritima.
[19] U wulila ka bɔ Ritima ka taa u ka buguw turu Rimɔn-Perɛz.
[20] U wulila ka bɔ Rimɔn-Perɛz ka taa u ka buguw turu Libina.
[21] U wulila ka bɔ Libina ka taa u ka buguw turu Risa.
[22] U wulila ka bɔ Risa ka taa u ka buguw turu Kehelata.
[23] U wulila ka bɔ Kehelata ka taa u ka buguw turu Safɛr kulu kɛrɛ fɛ.
[24] U wulila ka bɔ Safɛr kulu kɛrɛ fɛ ka taa u ka buguw turu Harada.
[25] U wulila ka bɔ Harada ka taa u ka buguw turu Makelɔt.
[26] U wulila ka bɔ Makelɔt ka taa u ka buguw turu Tahat.
[27] U wulila ka bɔ Tahat ka taa u ka buguw turu Tarak.
[28] U wulila ka bɔ Tarak ka taa u ka buguw turu Mitika.
[29] U wulila ka bɔ Mitika ka taa u ka buguw turu Hasimona.
[30] U wulila ka bɔ Hasimona ka taa u ka buguw turu Moserɔt.
[31] U wulila ka bɔ Moserɔt ka taa u ka buguw turu Bɛnɛ-Jakan.
[32] U wulila ka bɔ Bɛnɛ-Jakan ka taa u ka buguw turu Hor-Gidigad.
[33] U wulila ka bɔ Hor-Gidigad ka taa u ka buguw turu Jotibata.
[34] U wulila ka bɔ Jotibata ka taa u ka buguw turu Abirona.
[35] U wulila ka bɔ Abirona ka taa u ka buguw turu Eziɔn-Gebɛr.
[36] U wulila ka bɔ Eziɔn-Gebɛr ka taa u ka buguw turu Zen kungokolon kɔnɔ. O ye Kadɛs ye.
[37] U wulila ka bɔ Kadɛs ka taa u ka buguw turu Hor kulu kɛrɛ fɛ, Edɔm jamana dan na.
[38] Sarakalasebaa Aron yɛlɛnna ka taa Hor kulu kan ka kɛɲɛ ni Matigi ka ci fɔlen ye. A sara Israɛl bɔnsɔn bɔli san binaaninan la Misira jamana la, o kalo duurunan tile fɔlɔ don.
[39] Aron sara Hor kulu kan a si san kɛmɛ ni mugan ani sabanan la.
[40] Kananka Arad masakɛ min sigilen tun bɛ Kanan jamana worodugu yanfan fɛ, o ye Israɛl bɔnsɔn nali kibaru mɛn.
[41] O kɔ, u wulila ka bɔ Hor kulu kɛrɛ fɛ ka taa u ka buguw turu Zalimona.
[42] U wulila ka bɔ Zalimona ka taa u ka buguw turu Punɔn.
[43] U wulila ka bɔ Punɔn ka taa u ka buguw turu Obɔt.
[44] U wulila ka bɔ Obɔt ka taa u ka buguw turu Ijɛ-Abarim, o bɛ Moab jamana dan na.
[45] U wulila ka bɔ Ijɛ-Abarim ka taa u ka buguw turu Dibɔn-Gad.
[46] U wulila ka bɔ Dibɔn-Gad ka taa u ka buguw turu Almɔn-Dibilataim.
[47] U wulila ka bɔ Almɔn-Dibilataim ka taa u ka buguw turu Abarim kuluw kɛrɛ fɛ, Nebɔɲɛ fɛ.
[48] U wulila ka bɔ Abarim kuluw kɛrɛ fɛ ka taa u ka buguw turu Moab jɛkɛnɛw la, Jurdɛn ba da la Jeriko kuntilenna la.
[49] U ye u ka buguw turu Jurdɛn ba da la, ka bɔ Bɛt-Jesimɔt fo ka taa se Abɛl-Sitim Moab jɛkɛnɛw la.
[50] Matigi kumana Musa fɛ k'a to Moab jɛkɛnɛw la Jurdɛn ba da la Jeriko kuntilenna la, ko
[51] a k'a fɔ Israɛl bɔnsɔn ye ko: «Ni aw ye Jurdɛn ba tigɛ ka don Kanan jamana la tuma min na,
[52] aw ka o jamana mɔgɔw bɛɛ gɛn ka bɔ aw ɲɛ, ka u ka kabakurun boliw bɛɛ ci. U ka ja samasen minw dilara ni nɛgɛ yeelelen ye, aw ka olu bɛɛ tiɲɛn ka u ka batoli kɛ yɔrɔw bɛɛ labi.
[53] Aw ka o jamana minɛ ka sigi a kɔnɔ, sabu ne y'a di aw ma ka kɛ aw ta ye.
[54] Aw ka o jamana tilatila ni kala ye ka kɛɲɛ ni aw ka gwaw ye. Gwa min ka bon, aw ka o ciyɛn bonya, gwa min ka dɔgɔ, aw ka o ciyɛn dɔgɔya. Yɔrɔ min kala tara mɔgɔ min tɔgɔ la, o ta na kɛ o yɔrɔ ye. Aw ka ciyɛn sɔrɔ ka kɛɲɛ ni aw bɛnbaw bɔnsɔnw ye.
[55] Nka ni aw ma o jamana mɔgɔw gɛn ka bɔ aw ɲɛ, aw bɛ minw to yen, olu na kɛ i ko ŋɔni misɛnw donna aw ɲɛw la, u na kɛ i ko ŋɔni kunbaw bɛ aw kɛrɛw la. Aw bɛna sigi jamana min kɔnɔ, u na aw tɔɔrɔ yen.
[56] Ne tun b'a fɛ ka min kɛ olu la, ne na o kɛ aw la.»