[1] Dawuda denkɛ Solomani ka masaya sabatira. Matigi, a ka Ala dubara a ye ka kobaw kɛ a bolo.
[2] Solomani ye ci bila ka Israɛl bɔnsɔn bɛɛ wele, cɛ waa kelen-kelen kuntigiw ni cɛ kɛmɛ-kɛmɛ kuntigiw ni kiritigɛlaw ani Israɛl kuntigiw bɛɛ, o kɔrɔ ko u gwatigiw bɛɛ.
[3] A ni jama bɛɛ taaraɲɔgɔn fɛ batoli kɛ yɔrɔ la Gabaon. Ala ka finiso min dilara Matigi ka baaraden Musa fɛ kungokolon kɔnɔ, o tun bɛ yen.
[4] Nka Dawuda tun ye Ala ka wagande ta ka bɔ Kirjat-Jearim ka taa a bila a ka yɔrɔ labɛnnen na Jerusalɛm, katuguni a tun ye finiso dila a ye Jerusalɛm.
[5] Nsiranɛgɛ saraka bɔlan min tun labɛnna Hur denkɛ Uri denkɛ Bezaleɛl fɛ, o fana tun bɛ Matigi ka finisoɲɛ fɛ Gabaon. Solomani ni jama taara Matigi bato yen.
[6] Solomani ye saraka jenita waa kelen lase o nsiranɛgɛ saraka bɔlan kanɲɔgɔn kunbɛn finisoɲɛ fɛ.
[7] O don su fɛ Ala y'i jira Solomani la k'a fɔ a ye ko: «I bɛ fɛn min fɛ, i ka o deli, ko ne ka o di i ma.»
[8] Solomani ye Ala jaabi ko: «I ye ko ɲumanba kɛ ne fa Dawuda ye ni kantigiya ye ka ne sigi ka kɛ masakɛ ye ale nɔ na.
[9] Ayiwa sisan, Matigi Ala, i ye layidu min ta ne fa Dawuda ye, i ka o dafa, k'a masɔrɔ i ye ne sigi masaya la nin siyaba kun na, u ka ca i ko dugukolo buguri.
[10] Ayiwa, i ka hakilitigiya ni faamuli di ne ma walisa ne ka n'ka kɛta dɔn ka ne to nin mɔgɔw kuntigiya la, k'a masɔrɔ ni o tɛ, jɔn bɛ se ka i ka nin siyaba mara?»
[11] Ala y'a fɔ Solomani ye ko: «K'a sɔrɔ o ye i dusukun na ko ye, i ma fɛntigiya wala nafoloba wala bonya wala i juguw saya wala si jan deli, nka i ye hakilitigiya ni faamuli deli walisa i ka kiri tigɛ ne ka mɔgɔw kan, ne ye i sigi olu minw kun na masaya la,
[12] hakilitigiya ni dɔnniya dira i ma. Ne na fɛntigiya ni nafoloba ani bonyali fana di i ma, i ɲɛ fɛ masakɛw si ma olu ɲɔgɔn sɔrɔ, i kɔ fɛ masakɛw si tɛna olu ɲɔgɔn sɔrɔ.»
[13] O kɔ, Solomani bɔra batoli kɛ yɔrɔ la Gabaonɲɔgɔn kunbɛn finiso yɔrɔ la ka kɔsegin Jerusalɛm. A ye Israɛl bɔnsɔn mara.
[14] Solomani ye wotorow ni sow lajɛ yɔrɔ kelen na, olu kɛra wotoro waa kelen ni kɛmɛ naani ni sotigiw waa tan ni fila ye. A ye u dɔw bila wotoro mara duguw kɔnɔ ka dɔw mara a yɛrɛ kɛrɛ fɛ Jerusalɛm.
[15] Masakɛ taara ni warijɛ ni sanu minw ye Jerusalɛm, olu tun ka ca i ko duguma kabakurunw ani sedere jiri caman i ko kɛnɛba la toro sunw.
[16] Solomani ka sow tun bɛ bɔ Misira jamana la. Masakɛ ka jagokɛlaw taara ka olu san sɔngɔ latigɛlen na.
[17] U tun bɛ bɔ ni o wotorow ni sow ye Misira ka na n'u ye Jerusalɛm. Ka wotoro kelen san ka bɔ Misira ka na Jerusalɛm, o wari tun ye warijɛ kɛmɛ wɔɔrɔ ye, sow bɛɛ kelen-kelen wari tun ye warijɛ kɛmɛ ni biduuru ye. Hɛti bɔnsɔn ni Sirikaw ka masakɛw fana tun bɛ o fɛnw sɔrɔ Solomani ka mɔgɔw fɛ.