[1] Jotam si tun ye san mugan ni duuru ye a sigi tuma la masaya la. Ale ye san tan ni wɔɔrɔ kɛ masaya la Jerusalɛm. A ba tun ye Zadɔk denmuso ye, o tɔgɔ ko Jerusa.
[2] Jotam ye ko ɲuman kɛ Matigi ɲɛ kɔrɔ ka kɛɲɛ ni a fa Oziasi ka kɛwalew bɛɛ ye, nka a ma don Matigi batosoba kɔnɔ ka jalaki. O bɛɛ n'a ta, mɔgɔw tun bɛ to ka ko jugu kɛ.
[3] Jotam ye Matigi ka so san fɛ donda jɔ ka caman fara Ofɛl kinda kogo kan.
[4] A ye duguw sigi Juda jamana kulu kan ka kɛlɛ kunbɛn sow ani sankansow jɔ kungokolon kɔnɔ.
[5] A ye Amɔn bɔnsɔn ka masakɛ kɛlɛ ka se sɔrɔ o kan. Amɔn bɔnsɔn ye warijɛ talan kɛmɛ ni alikama kisɛ kor ɲɛ waa tan ani orje kisɛ kor ɲɛ waa tan di a ma o san na. Amɔn bɔnsɔn taara o ɲɔgɔn di a ma san filanan ni a san sabanan la.
[6] Jotam tun bɛ barika sɔrɔ ka ta'a fɛ katuguni a ye a ka siraw labɛn Matigi, a ka Ala ɲɛ kɔrɔ.
[7] Jotam ka ko tɔw ni a ka kɛlɛ kow bɛɛ ani a ka ko kɛlenw bɛɛ sɛbɛnnen bɛ Israɛl bɔnsɔn ni Juda bɔnsɔn ka masakɛw ka kitabu kɔnɔ.
[8] A si tun ye san mugan ni duuru ye a sigi tuma masaya la. A ye san tan ni wɔɔrɔ kɛ masaya la Jerusalɛm.
[9] O kɔ, Jotam sunɔgɔra a bɛnbaw fɛ. U y'a su don Dawuda ka dugu kɔnɔ. A denkɛ Akaz sigira masaya la a nɔ na.