[1] I bɛ se ka sogo ɲini waraba muso ye wa? I bɛ warabadenw lafa,
[2] ka u dalen to u dogo yɔrɔw la ka u to makɔnɔli la tu kɔnɔ wa?
[3] Ni nkankan kɔnɔdenw bɛ kasi Ala ɲɛ kɔrɔ, ni u kɔngɔtɔ bɛ yaala, jɔni bɛ u ka dumuni fɛn di u ma?
[4] I bɛ kungo bamusow jigin tuma dɔn wa? I bɛ minanmuso tintɔw ye wa?
[5] I ye u bange kalo jate wa? I bɛ u denw wolo tuma dɔn wa?
[6] U bɛ u biri ka u denw wolo ka tila dimi tɔɔrɔ la.
[7] U denw barika bɛ bonya, u bɛ bonya kungokolon kɔnɔ. O kɔ, u bɛ fara u baw la. U tɛ kɔsegin olu yɔrɔ la tun.
[8] Jɔn ye kungo fali labila a ka boli a sago la? Jɔn ye a sirilanw foni ka a bila ka taa?
[9] Ne ye kungokolon kɛ a ka so ye ka jɛkɛnɛ kɔgɔma di a ma ka kɛ a sigi yɔrɔ ye.
[10] A bɛ yɛlɛ bɔ duguba mankan la. A tɛ kuntigi pɛrɛnkan mɛn.
[11] Kuluw bɛɛ ye a ka dumuni kɛ yɔrɔ ye. A bɛ dumuni fɛn nugulenw ɲini.
[12] Sigi bɛ sɔn ka baara kɛ i ye wa? A na si i ka waaro da fɛ wa?
[13] I bɛ se ka sigi siri misidaba la wa? A bɛ sɔn ka sɛnɛ kɛ jɛkɛnɛ la i ye wa?
[14] I jigi b'a kan k'a masɔrɔ a barika ka bon wa? I na i ka baara kalifa a ma wa?
[15] A bɛ i ka sumankisɛ ladon ka gendekɛnɛ la sumankisɛ bɛɛ cɛ i ye wa?
[16] Kɔnɔsogonti bɛ a kamanfuraw fifa ka tulon kɛ u la i n'a fɔ banikɔnɔ kamanfuraw ni a si,
[17] k'a masɔrɔ a bɛ a fanw da duguma ka u datugu ni cɛncɛn ye.
[18] A tɛ miiri ko fɛn dɔ senw bɛ se ka u ci, ko kungo kɔnɔ wara dɔ bɛ se ka taama u kan.
[19] A ka farin a denw ma, i ko u ye dunanw ye a ɲɛ na. Hali ni a ka fanw dali kɛra fuu ye, a mago tɛ u la,
[20] katuguni Ala ma hakilitigiya di a ma, a ma faamuli si kɛ a kɔnɔ.
[21] Nka ni a wulila ka boli, a bɛ yɛlɛnkan so ni a kan yɛlɛnbaa dan.
[22] E de ye barika di so ma ka jakisi di a ma ka kɛ a masiri fɛn ye wa?
[23] E de y'a to a ka pan i ko ntɔn wa? A ka kuncɛbaya mankan bɛ mɔgɔ lasiran.
[24] A bɛ a sen kɛ ka dugukolo shyɛn, a bɛ ɲagali a barika la. A bɛ girin ka kɛlɛbolow kunbɛn.
[25] A bɛ yɛlɛ bɔ siran kow ma, a tɛ siran foyi ɲɛ. A tɛ segin kɔ npantigi ɲɛ.
[26] Biɲɛ mara ton ni tama ani tama misɛn manamanatɔ bɛ yuguyugu a kɛrɛ la.
[27] A kɔrɔtɔlen bɛ yɛrɛyɛrɛ ka boli ka taa. Ni burukan bɔra, a tɛ se ka jɔ tun.
[28] Ni burukan bɛ bɔ, a bɛ hanhan. A bɛ kɛlɛ suma mɛn k'a to yɔrɔ jan na ka kɛlɛ kuntigiw kulokan ni kɛlɛdenw wɔyɔkan mɛn.
[29] Sɛgɛ bɛ pan k'a kamanfuraw sɛɛnɛ ka taa worodugu yanfan fɛ e de barika la wa?
[30] Yala bɔn bɛ pan san fɛ ka kɛɲɛ ni i ka ci dilen ye ka a ɲaa da san fɛ wa?
[31] A bɛ sigi farakurunw cɛma, a bɛ sigi farakurunbaw cɛma, mɔgɔ tɛ se yɔrɔ min na.
[32] A bɛ a ka fɛn minɛtaw ye k'a to yen, a ɲɛ bɛ u ye yɔrɔ jan.
[33] A denw bɛ olu joli min, fɛn su bɛ yɔrɔ min na, ale bɛ yen.
[34] Matigi y'a fɔ Job ye ko kura ko:
[35] Mɔgɔ min bɛ Sebaayabɛɛtigi kɔrɔfɔ, o b'a fɛ ka a kɛlɛ wa? Mɔgɔ min bɛ Ala sɔsɔ, o bɛ se ka jaabili kɛ wa?
[36] O tuma la Job ye Matigi jaabi ko:
[37] Ne min tɛ foyi ye, ne bɛ se ka i jaabi cogo di? Ne bɛ ne bolo biri ne da la ka ne makun.
[38] Ne kumana siɲɛ kelen, ne tɛna jaabili kɛ tun. Ne kumana siɲɛ fila, nka ne tɛna fɛn wɛrɛ fara o kan.