[1] Ne ɲiginna ne ka ɲɛnamaya la, ne na ne ka tɔɔrɔ kow fɔ k'a foori. Ne dusu kasilen na kuma.
[2] Ne n'a fɔ Ala ye ko: «I kana ne jalaki, i bɛ ne jalaki kun min na, i ka o fɔ ne ye.
[3] I bɛ sɔn ka i bolo baara nɔ tɔɔrɔ ka a mabɔ i la, ka duba ta mɔgɔ juguw bolo baara nɔ ye wa?
[4] I ɲɛ bɛ i ko farisogo ɲɛ wa? I bɛ yeli kɛ i ko mɔgɔ wa?
[5] I si tilew bɛ i ko mɔgɔ si tilew wa? I ka sanw bɛ i ko mɔgɔ farisogoma si sanw wa?
[6] fo i bɛ ne ka tilenbaliya kow ye, ani ka sɛgɛsɛgɛli kɛ ne ka jurumu kow la.
[7] O bɛɛ n'a ta i b'a dɔn ko ne jalakibali don, ko mɔgɔ si tɛ se ka ne tila ka bɔ i bolo.»
[8] I bolow ye ne dila ka ne nɔrɔ ɲɔgɔn na. E dun b'a fɛ ka ne faga.
[9] I hakili to a la ko i ye ne dila i ko bɔgɔ daga. I b'a fɛ ka ne don buguri la wa?
[10] I ma ne bɔn i ko nɔnɔ, ka ne simi i ko nɔnɔ kumu wa?
[11] E de ye wolo ni sogo don ne la, ka ne tugutugu ɲɔgɔn na ni kolow ni fasaw ye.
[12] I ye ɲɛnamaya ni i ka hɛrɛ di ne ma, ka i janto ne la ka i dafiɲɛ kɛ ne la.
[13] I ye nin fɛnw mara ne ye i dusukun na, fɛn min tun bɛ i miirili la, o filɛ,
[14] ni ne ye jurumu kɛ, i bɛ na bala ne la, i tɛna o yafa ne ma.
[15] Ni ne jalakira, bɔnɛ bɛ ne ye, hali ni ne jalakibali don, ne tɛ se ka ne kun kɔrɔta san fɛ. Ne na fa maloya ni tɔɔrɔ kow la.
[16] Ni ne ye ne kun kɔrɔta, i bɛ ne gɛn i ko waraba farinma, ka i ka kɛlɛ kow caya ne kama.
[17] I bɛ seere wɛrɛ fara i yɛrɛ kan ne kama, ka i ka dimiya caya ne ta fan fɛ. Kɛlɛbolow bɛ ɲɔgɔn falen ka ne kɛlɛ.
[18] Mun na i y'a to ne ba ka ne bange? Ne tun na sa, ɲɛ si tun tɛna ne ye.
[19] Ne tun na kɛ i ko ne ma kɛ. Ne salen tun na bange ka sin kaburu la.
[20] Ne si tilew dama man dɔgɔ wa? A ka ne to hɛrɛ la. A ka a bolo mabɔ ne la.
[21] Ne ka ninakili dɔɔnin sani ne ka taa kaburu dibi la. Ne tɛna segin ka bɔ yen tun.
[22] Dibi bɛ o yɔrɔ la i n'a fɔ su dibiba. Saya suma jamana don, fɛn bɛɛ ferekelen bɛ yen. O yɔrɔ kɛnɛ bɛ i n'a fɔ su dibiba.