[1] O tuma la Job ko:
[2] Aw na to ka ne dusu kasi ka ne ɲɔɲɔ ni aw ka kuma ye fo tuma jumɛn?
[3] A filɛ, aw ye ne mafiɲɛya siɲɛ tan, ka ko jugu kɛ ne la, aw tɛ maloya o ko la wa?
[4] Hali ni ne filila, o filili doni bɛ ne kan.
[5] Nka aw minw wulila ne kama, aw b'a fɛ ka jira ko ne jalakilen don wa?
[6] Aw k'a dɔn ko Ala yɛrɛ de tugura ne nɔ fɛ, ka ne minɛ a ka jɔ la.
[7] Ne bɛ kulo ne tɔɲɔli kosɔn, mɔgɔ si tɛ ne jaabi. Ne bɛ kulokan bɔ, nka tiɲɛtigi tɛ jo sɔrɔ.
[8] A ye sira datugu ne ɲɛ, ne tɛ se ka tɛmɛn, a ye dibi don ne ka siraw la.
[9] A ye ne nɔɔrɔ bɔ ne la, ka masafugula bɔ ne kun na.
[10] A ye ne fan bɛɛ karikari. A ye ne jigi tigɛ i ko jirisun bɛ sama ka bɔ cogo min na.
[11] A diminna ne kɔrɔ, ka ne jate a jugu ye.
[12] A ka kɛlɛbolow bɛɛ nana ɲɔgɔn fɛ, u ye sira minɛ ka na ne kama. U ye daga sigi ka ne ka finiso lamini.
[13] A ye ne balimaw mabɔ ne la, ne dɔnbaaw farala ne la.
[14] Ne sigiɲɔgɔnw ye ne bila, ne teri sɛbɛw ɲinɛna ne kɔ.
[15] Ne ka du kɔnɔ mɔgɔw, ne yɛrɛ ka baarakɛ musow ye ne minɛ i ko dunan. Ne kɛra u ɲɛ na i ko u ma ne dɔn.
[16] Ne bɛ ne ka baaraden wele, a tɛ ne jaabi, hali ni ne b'a deli ni ne da ye.
[17] Ne dakasa man di ne muso ye, ne ka deliliw fana man di ne badenw ye.
[18] Hali denmisɛnw yɛrɛ ye ne mafiɲɛya, ni ne b'a fɛ ka wuli, u bɛ yɛlɛ bɔ ne la.
[19] Ne teri sɛbɛw bɛ ɲigin ne la. Mɔgɔ minw ko ka di ne ye, olu mago tɛ ne la tun.
[20] Ne fari nɔrɔlen bɛ ne kolow la, ne ɲintara dɔrɔn tora.
[21] Aw ka hinɛ ne la, ne teriw, aw ka hinɛ ne la, k'a masɔrɔ Ala bolo sera ne ma.
[22] Mun kosɔn aw bɛ ne tɔɔrɔ i ko Ala yɛrɛ? Mun kosɔn ne farisogo tɔɔrɔli ma aw wasa?
[23] E, ni ne ka kumaw bɛɛ tun sɛbɛnna yɔrɔ dɔ la, ni u tun sɛbɛnna kitabu dɔ kɔnɔ,
[24] ka ɲɛgɛn fara kan ni nɛgɛ biɲɛ ni ntilɛku ye ka to yen tuma bɛɛ.
[25] Ne kɔni, ne y'a dɔn ko ne kunmabɔbaa ɲɛnama don, ko a na wuli ka jɔ dugukolo kan laban don na.
[26] Ɔwɔ, ni ne farisogo tiɲɛnna, hali k'a sɔrɔ ne farisogo tɛ yen tun, ne na Ala ye.
[27] Ne yɛrɛ na a ye, a na kɛ ne fɛ. Ne ɲɛ na a ye, a tɛna kɛ ni ɲɛ wɛrɛ ye, ne dusu barika bɛ ban a ɲɛnafilɛli fɛ.
[28] Aw minw b'a fɔ ko: «Mun kosɔn an ka tugu a nɔ fɛ?» Aw minw ye sababu sɔrɔ ne ka bɔnɛ la,
[29] a' ye aw yɛrɛw kɔlɔsi npan na, k'a masɔrɔ npan ka tɔɔrɔ kow ka jugu dɛ. Aw k'a dɔn fana ko kiri na tigɛ.